കോഴിക്കോട്: ഇസ്രായേൽ അധിനിവേശം അവസാനിപ്പിച്ച് സ്വതന്ത്ര ഫലസ്തീൻ രാഷ്ട്രം പിറവി കൊള്ളുക എന്നത് മാത്രമാണ് നീതിയെന്ന് എസ്.ഐ.ഒ സംസ്ഥാന പ്രസിഡന്റ് മുഹമ്മദ് സഈദ് ടി.കെ. സോളിഡാരിറ്റിയും എസ്.ഐ.യും സംയുക്തമായി കോഴിക്കോട് സംഘടിപ്പിച്ച ഫലസ്തീൻ ഐക്യദാർഢ്യ റാലി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഫലസ്തീൻ പ്രശ്നത്തിൽ നിഷ്പക്ഷ നിലപാട് ഉണ്ടാകണമെന്ന് പറയുന്നവർ ഇസ്രായേലിന് കളമൊരുക്കുകയാണെന്നും നീതി ആഗ്രഹിക്കുന്നവർ ഫലസ്തീന് വേണ്ടി നിലകൊള്ളണമെന്നും ഐക്യദാർഢ്യ റാലിയെ അഭിസംബോധനം ചെയ്തു സംസാരിച്ച സോളിഡാരിറ്റി സംസ്ഥാന സെക്രട്ടറി സാലിഹ് ടി.പി പ്രസ്താവിച്ചു.
വിദ്യാർഥി ഭവനത്തിൽ നിന്ന് ആരംഭിച്ച റാലി കെ.എസ്.ആർ.ടി.സി ബസ്റ്റാന്റിന് സമീപം അവസാനിച്ചു. റാലിക്ക് സോളിഡാരിറ്റി സംസ്ഥാന സെക്രട്ടറിമാരായ ഫാരിസ് ഒ.കെ, അൻവർ സലാഹുദ്ദീൻ, ജില്ലാ പ്രസിഡന്റ് സജീർ എടച്ചേരി, സിറ്റി ജനറൽ സെക്രട്ടറി സയ്യാഫ് പി.പി, എസ്.ഐ.ഒ ജില്ല പ്രസിഡന്റ് നവാഫ് പാറക്കടവ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.