സി.പി.എം പി.ബി മുതൽ ലോക്കൽ കമ്മിറ്റി വരെ അനുപമ മുട്ടാത്ത വാതിലുകളില്ല; 'വൃ​ന്ദ മാ​ത്ര​മാ​ണ്​ ന​ന്നാ​യി പെ​രു​മാ​റി​യ​ത്​'

പ്രസവിച്ച്​ മൂന്നാം നാൾ രക്ഷിതാക്കളുടെയും പാർട്ടിയുടെയും പിന്തുണയോടെ മാറിടത്തിൽ നിന്ന്​ പറിച്ച്​ മാറ്റപ്പെട്ട സ്വന്തം കുഞ്ഞിന്​ വേണ്ടി ആ അമ്മ മുട്ടാത്ത വാതിലുകളില്ല. താൻ അടിയുറച്ച്​ വിശ്വസിച്ച പാർട്ടിയുടെ പരമോന്നത നേതൃത്വമായ പി.ബി മുതൽ ലോക്കൽ കമ്മിറ്റിയിൽ വരെ കുഞ്ഞിനെ തിരി​കെ കിട്ടാൻ അനുപമ കയറിയിറങ്ങി. എന്നാൽ, നിരാശയായിരുന്നു ഫലം. പി.ബി അംഗം വൃന്ദ കാരാട്ട്​, കേന്ദ്ര കമ്മിറ്റിയംഗം പി.കെ. ശ്രീമതി, ജില്ല സെക്രട്ടറി ആനാവൂർ നാഗപ്പൻ തുടങ്ങിയവരോട്​ മകനെ തിരിച്ചുകിട്ടാൻ ഇടപെടണമെന്നാവശ്യപ്പെട്ട്​ നിരവധി തവണ കേണപേക്ഷിച്ചു.

ഒടുവിൽ, ഇന്നലെ കേന്ദ്രകമ്മിറ്റി അംഗം പി.കെ. ശ്രീമതി പരസ്യമായി കുറ്റസമ്മതം നടത്തി. അനുപമയുടെ പരാതി പരിഹരിക്കുന്നതിൽ താൻ പരാജയപ്പെ​ട്ടെന്ന് പി.കെ. ശ്രീമതി ചാനൽ ചർച്ചയിൽ തുറന്നു സമ്മതിച്ചു. 'പി.ബി അംഗം വൃന്ദ കാരാട്ട് പറഞ്ഞാണ് അനുപമയുടെ പരാതിയെക്കുറിച്ച് താൻ അറിഞ്ഞത്​. അനുപമയുടെ പ്രശ്നം പരിഹരിക്കാൻ താൻ ഏറെ പരിശ്രമിച്ചിരുന്നു. വീണ്ടും പരാതി നൽകാൻ അനുപമയോട് ആവശ്യപ്പെ​ട്ടു. അനുപമയോട് കോടതിയെ സമീപിക്കാനും നിർദേശിച്ചു. കോടിയേരി ബാലകൃഷ്ണനെ സമീപിക്കാനും പറഞ്ഞിരുന്നു. മുഖ്യമന്ത്രിയുടെ പൊളിറ്റിക്കൽ സെക്രട്ടറിയോടും പാർട്ടിയിലെ വനിതാ നേതാക്കളോടും വിവരം ധരിപ്പിക്കുകയും ചെയ്തു. എന്നിട്ടും പരാതി പരിഹരിക്കുന്നതിൽ പരാജയപ്പെ​ട്ടു' - പി.കെ. ശ്രീമതി വ്യക്​തമാക്കി.

'വൃ​ന്ദ കാ​രാ​ട്ട്​ മാ​ത്ര​മാ​ണ്​ ന​ന്നാ​യി പെ​രു​മാ​റി​യ​ത്​'

പ​രാ​തി ന​ൽ​കി​യി​ട്ടും ആ​രും ഞ​ങ്ങ​ളെ സ​ഹാ​യി​ച്ചി​ല്ലെന്നും വൃ​ന്ദ കാ​രാ​ട്ട്​ മാ​ത്ര​മാ​ണ്​ ന​ന്നാ​യി പെ​രു​മാ​റി​യ​തെന്നും ഇതേക്കുറിച്ച്​ അനുപമ 'മാധ്യമ'ത്തോട്​ പറഞ്ഞു. 'വൃന്ദ കാരാട്ട്​ എ​ന്നെ ആ​​ശ്വ​സി​പ്പി​ച്ചു. പ​രാ​തി പി.​കെ. ശ്രീ​മ​തി​ക്ക്​ അ​യ​ച്ചു​കൊ​ടു​ത്തു. വൃ​ന്ദ കാ​രാ​ട്ടി​െൻറ നി​ർ​േ​ദ​ശ​പ്ര​കാ​രം പി.​കെ. ​ശ്രീ​മ​തി വി​ളി​ച്ചെ​ങ്കി​ലും ന​ട​പ​ടി​യു​ണ്ടാ​യി​ല്ല. ഇ​ന്നു​ ചെ​യ്യാം, നാ​െ​ള ചെ​യ്യാം എ​ന്നൊ​ക്കെ പ​റ​ഞ്ഞ് അ​വ​ർ കാ​ര്യ​ങ്ങ​ൾ വൈ​കി​പ്പി​ക്കു​ക​യാ​ണ്​ ചെ​യ്​​ത​ത്' -അനുപമ പറഞ്ഞു.

അനുപമയുടെ കുഞ്ഞിനെ മാതാപിതാക്കൾ ബലമായി ദത്ത് നൽകിയത് ഏത്​ സാഹചര്യത്തിലാണെങ്കിലും മനുഷ്യത്വരഹിതമായ കാര്യമാണെന്ന്​ വൃന്ദ കാരാട്ട് പ്രതികരിച്ചു. 'നടന്നത് നീതി നിഷേധമാണ്. അനുപമക്ക് കുഞ്ഞിനെ തിരികെ ലഭിക്കണം. സംഭവം വളരെ സങ്കീർണമായി തീർന്നിരിക്കുകയാണ്. കുഞ്ഞിനെ ദത്തെടുത്ത അമ്മയും സ്വന്തമെന്ന് കരുതിയാണ് വളർത്തുന്നത്. അവകാശങ്ങളേക്കാൾ യാഥാസ്ഥിതികത്വത്തിനാണ് ഇവിടെ മുൻതൂക്കം ലഭിച്ചത്. അനുപമക്ക് കുഞ്ഞിനെ തിരികെ ലഭിക്കുകയാണ് വേണ്ടത്' -ഡൽഹിയിൽ കേന്ദ്രകമ്മിറ്റി യോഗത്തിനെത്തിയ വൃന്ദ മാധ്യമങ്ങളോട് പറഞ്ഞു.

അ​ജി​ത്തി​െൻറ പി​താ​വി​നെ ഭീ​ഷ​ണി​പ്പെ​ടു​ത്തി ജില്ല സെക്രട്ടറി

സഹായം തേടിയെത്തിയ തങ്ങളെ പരിഗണിക്കാതെ, സി.പി.എം ജി​ല്ല സെ​ക്ര​ട്ട​റി ആ​നാ​വൂ​ർ നാ​ഗ​പ്പ​ൻ അനുപമയുടെ ഭർത്താവ്​ അ​ജി​ത്തി​െൻറ പിതാവിനെ ഭീഷണിപ്പെടുത്തുകയാണ്​ ചെയ്​തതെന്ന്​ അനുപമ പറയുന്നു.

ഇതുസംബന്ധിച്ച്​ അനുപമ 'മാധ്യമ'ത്തോട്​ പറഞ്ഞതിങ്ങനെ: ''അജിത്തിനൊപ്പം താമസിക്കാൻ തുടങ്ങിയ ശേഷം, ആ​നാ​വൂ​ർ നാ​ഗ​പ്പ​ൻ അ​ജി​ത്തി​െൻറ പി​താ​വി​നെ വി​ളി​ച്ചു​വ​രു​ത്തി, അ​നു​പ​മ​യെ തി​രി​ച്ചു​െ​കാ​ണ്ടാ​ക്കി​യി​ല്ലെ​ങ്കി​ൽ​ ജീ​വി​ക്കാ​ൻ സ​മ്മ​തി​ക്കി​ല്ലെ​ന്ന്​ ഭീ​ഷ​ണി​പ്പെ​ടു​ത്തി. ഇ​പ്പോ​ഴ​ദ്ദേ​ഹം അ​ത്​ മാ​റ്റി​പ്പ​റ​യു​ന്നു. പ്ര​സ​വ​ത്തി​ന്​ കു​റ​ച്ചു​നാ​ൾ മു​മ്പ്​ പ​ബ്ലി​ക്​ പ്രോ​സി​ക്യൂ​ട്ട​റും പ​ഴ​യ തീ​പ്പൊ​രി യു​വ​നേ​താ​വു​മാ​യ അ​ഡ്വ. ഗീ​നാ​കു​മാ​രി പി​താ​വി​​‍െൻറ ഫോ​ണി​ൽ വി​ഡി​യോ​കാ​ൾ ചെ​യ്​​തു. അ​ജി​ത്തി​ന്​ അ​നു​പ​മ​യെ വേ​ണ്ടെ​ന്നും ആ​ദ്യ ഭാ​ര്യ​ക്കൊ​പ്പം ജീ​വി​ക്കാ​നാ​ണ്​ ആ​ഗ്ര​ഹ​മെ​ന്നും ഗ​ർ​ഭ​ച്ഛി​ദ്ര​ത്തി​ന്​ സ​മ്മ​തി​ക്ക​ണ​മെ​ന്നും പ​റ​ഞ്ഞു. അ​ജി​ത്തി​നെ എ​നി​ക്ക​റി​യാ​മെ​ന്നും അ​ങ്ങ​നെ പ​റ​യി​ല്ലെ​ന്നും പ്ര​തി​ക​രി​ച്ച​തോ​ടെ ''നീ ​വേ​ണ​മെ​ങ്കി​ൽ വി​ശ്വ​സി​ച്ചാ​ൽ മ​തി. നി​ന്നെ വി​ശ്വ​സി​പ്പി​ക്കേ​ണ്ട ആ​വ​ശ്യം എ​നി​ക്കി​ല്ല'' എ​ന്ന്​ ദേ​ഷ്യ​പ്പെ​ട്ടു. അ​തി​നു​ശേ​ഷം അ​ജി​ത്തി​നെ വി​ളി​ച്ചു. അ​നു​പ​മ​ക്ക്​ കു​ഞ്ഞി​െ​ന​യും അ​ജി​ത്തി​നെ​യും വേ​ണ്ട. ബ​ന്ധ​ത്തി​ൽ​നി​ന്ന്​ ഒ​ഴി​വാ​യി​ല്ലെ​ങ്കി​ൽ ജീ​വി​ക്കാ​ൻ അ​നു​വ​ദി​ക്കി​ല്ലെ​ന്നും പു​റ​ത്തി​റ​ങ്ങാ​ത്ത വി​ധ​ത്തി​ൽ കേ​സി​ലു​ൾ​പ്പെ​ടു​ത്തി അ​ക​ത്താ​ക്കു​മെ​ന്നും ഭീ​ഷ​ണി​പ്പെ​ടു​ത്തി. കു​ഞ്ഞി​നെ​ക്കു​റി​ച്ച്​​ അ​േ​ന്വ​ഷി​ക്കു​േ​മ്പാ​ഴൊ​ക്കെ അ​ച്ഛ​ൻ ആ​വ​ശ്യ​പ്പെ​ട്ട​ത​നു​സ​രി​ച്ച്​ അ​ജി​ത്തി​നെ അ​ഞ്ചാ​റു​ത​വ​ണ പൊ​ലീ​സ്​ സ്​​റ്റേ​ഷ​നി​ൽ വി​ളി​ച്ചു​വ​രു​ത്തി ഭീ​ഷ​ണി​പ്പെ​ടു​ത്തി.''

ഉപദ്രവത്തിന്​ പുറമെ പാ​ർ​ട്ടിയിൽനിന്ന്​ പു​റ​ത്താ​ക്കി

ഡി.​വൈ.​എ​ഫ്.​ഐ പേ​രൂ​ർ​ക്ക​ട മേ​ഖ​ല ​സെ​ക്ര​ട്ട​റി​യാ​യി​രു​ന്ന അ​ജി​ത്തി​നെ അനുപമയുമായുള്ള ബ​ന്ധം അ​റി​ഞ്ഞ​പ്പോ​ൾ​ത​ന്നെ വി​ശ​ദീ​ക​ര​ണം ​പോ​ലും ചോ​ദി​ക്കാ​തെ സംഘടനയിൽനിന്ന്​ പു​റ​ത്താ​ക്കി​യി​രു​ന്നു. പി​താ​വി​െൻറ സ്വാ​ധീ​ന​ത്താ​ലാ​വ​ണം അന്ന്​ അനുപമയെ പു​റ​ത്താ​ക്കി​യി​ല്ല. ഈ ​സെ​പ്​​റ്റം​ബ​റി​ലാ​ണ്​​​ അനുപമയെ നാടകീയമായി പു​റ​ത്താ​ക്കി​യ​ത്​​​. ബ്രാ​ഞ്ച്​ സ​മ്മേ​ള​നം ന​ട​ക്കു​േ​മ്പാ​ൾ അ​റി​യി​ച്ചി​രു​ന്നി​ല്ല. അ​തി​ൽ പ​​ങ്കെ​ടു​ത്തി​ല്ലെ​ന്നും അം​ഗ​ത്വം​ പു​തു​ക്കി​യി​ല്ലെ​ന്നു​മാണ്​ കാ​ര​ണം പ​റ​ഞ്ഞത്​.

ഷിജുഖാന്‍റെ ആസൂത്രിത ഇടപെടൽ കുഞ്ഞിനെ തിരിച്ചുകിട്ടാതിരിക്കാൻ ​?

ഡി.​വൈ.എഫ്​.ഐ നേതാവും ശിശ​ുക്ഷേമ സ​മി​തി ജ​ന​റ​ൽ സെ​ക്ര​ട്ട​റിയുമായ​ ഷി​ജു​ഖാ​ൻ ഈ വിഷയത്തിൽ ഏറെ ദുരൂഹത നിറഞ്ഞ ഇടപെടലുകൾ നടത്തിയതായാണ്​ ആരോപണം. കുട്ടിയെ ഒരുകാലത്തും അനുപമക്ക്​ തിരിച്ചുകിട്ടാതിരിക്കാൻ ആൺ കുഞ്ഞിനെ പെൺകുഞ്ഞാക്കി രേഖപ്പെടുത്തിയതിലും ഡി.എൻ.എ ടെസ്റ്റിൽ കൃത്രിമത്വം നടത്തിയതിലും ഇദ്ദേഹത്തിന്​ പ​ങ്കുള്ളതായാണ്​ ആരോപണം.

രക്​തബന്ധുക്കളിൽനിന്ന് ജീവനക്കാർക്ക്​​ നേരിട്ട്​ കുട്ടിയെ ഏറ്റുവാങ്ങാൻ നിയമം അനുവദിക്കുന്നില്ല. പകരം, ശിശ​ുക്ഷേമ സ​മി​തി വഴി മാത്രമേ സ്വീകരിക്കാൻ പാടുള്ളൂ. എന്നാൽ, ഷിജുഖാന്‍റെ നിർദേശ പ്രകാ​രം ഡ്യൂ​ട്ടി​യി​ലു​ണ്ടാ​യി​രു​ന്ന ജീ​വ​ന​ക്കാ​രാ​ണ് 2020 ഒ​ക്ടോ​ബ​ർ 22ന്​ ​രാ​ത്രി 12.30ന് ​അ​മ്മ​ത്തൊ​ട്ടി​ലിെൻറ മു​ൻ​വ​ശ​ത്തു​നി​ന്ന്​ അ​നു​പ​മ​യു​ടെ മാ​താ​പി​താ​ക്ക​ളു​ടെ കൈ​യി​ൽ​നി​ന്ന്​ കു​ട്ടി​യെ ഏ​റ്റു​വാ​ങ്ങി​യ​ത്.

രാ​ത്രി 12.45ന് ​തൈ​ക്കാ​ട് കു​ട്ടി​ക​ളു​ടെ​യും സ്ത്രീ​ക​ളു​ടെ​യും ആ​ശു​പ​ത്രി​യി​ൽ നി​യ​മ​പ​ര​മാ​യ ശാ​രീ​രി​ക പ​രി​ശോ​ധ​ന​ക്കെ​ത്തി​ച്ച ആ​ൺ​കു​ട്ടി​യെ ജ​ന​റ​ൽ സെ​ക്ര​ട്ട​റി​യു​ടെ നി​ർ​ദേ​ശ​പ്ര​കാ​ര​മാ​ണ് പെ​ൺ​കു​ട്ടി​യാ​യി രേ​ഖ​പ്പെ​ടു​ത്തി​യ​തെന്നും ആക്ഷേപമുണ്ട്​. ഇ​തി​ന്​ ഡോ​ക്ട​ർ​മാ​ര​ട​ക്കം ആ​ശു​പ​ത്രി ജീ​വ​ന​ക്കാ​രെ​യും സ്വാ​ധീ​നി​ച്ചു. അ​ടു​ത്ത ദി​വ​സം സ​മി​തി​യി​ൽ​നി​ന്ന്​ തി​രു​വ​ന​ന്ത​പു​രം ചൈ​ൽ​ഡ് വെ​ൽ​ഫെ​യ​ർ ക​മ്മി​റ്റി​ക്ക് ന​ൽ​കി​യ റി​പ്പോ​ർ​ട്ടി​ൽ പു​തു​താ​യി ല​ഭി​ച്ച കു​ഞ്ഞി​ന് 'മ​ലാ​ല' എ​ന്ന് പേ​രി​ട്ട​താ​യാ​ണ് ഷി​ജു​ഖാ​ൻ മാധ്യമങ്ങളെ അ​റി​യി​ച്ച​ത്. 'പെ​ൺ​കു​ട്ടി​ക​ളു​ടെ സു​ര​ക്ഷ ഉ​റ​പ്പു​വ​രു​ത്ത​ണ​മെ​ന്ന സ​ന്ദേ​ശം ഉ​യ​ർ​ത്തി​പ്പി​ടി​ക്കു​ന്ന​തിെൻറ ഭാ​ഗ​മാ​യാ​ണ് മ​ലാ​ല യൂ​സ​ഫ് സാ​യി​യോ​ടു​ള്ള ബ​ഹു​മാ​നാ​ർ​ഥം ഈ ​പേ​ര് ന​ൽ​കി​യ​തെ​ന്നും' ഷിജുഖാൻ പ​ത്ര​ക്കു​റി​പ്പി​ൽ പ​റ​ഞ്ഞി​രു​ന്നു.

എ​ന്നെ​ങ്കി​ലും കു​ട്ടി​യെ തേ​ടി അ​നു​പ​മ എ​ത്തി​യാ​ൽ സ​ത്യം മ​റ​ച്ചു​വെ​ക്കാ​ൻ ന​ട​ത്തി​യ നാ​ട​ക​മാ​യി​രു​ന്നു ഇ​െ​ത​ന്നാ​ണ്​ ആ​ക്ഷേ​പം. ആ​ശു​പ​ത്രി​യി​ൽ ന​ട​ന്ന തി​രി​മ​റി ഒ​രു വി​ഭാ​ഗം ജീ​വ​ന​ക്കാ​ർ പു​റ​ത്തു​വി​ട്ട​തോ​ടെ 'അ​ബ​ദ്ധ'​മെ​ന്ന പേ​രി​ൽ ഷിജുഖാൻ കൈ​യൊ​ഴി​ഞ്ഞു. കു​ട്ടി​ക്ക് 'എ​ഡ്സ​ൺ പെ​ലെ' എ​ന്ന് പേ​രി​ട്ട​താ​യും തൊ​ട്ട​ടു​ത്ത ദി​വ​സം പ​ത്ര​ക്കു​റി​പ്പി​ലൂ​ടെ അ​റി​യി​ച്ചു. എ​ന്നാ​ൽ, ഒ​ക്ടോ​ബ​ർ 23ന് ​വൈ​കീ​ട്ട് അ​മ്മ​ത്തൊ​ട്ടി​ലി​ൽ ല​ഭി​ച്ച ആ​ൺ​കു​ട്ടി​ക്കാ​യി​രു​ന്നു പെ​ലെ എ​ന്ന പേ​ര് ന​ൽ​കി​യ​ത്. അ​നു​പ​മ​യു​ടെ മ​ക​ന് സി​ദ്ധാ​ർ​ഥ് എ​ന്ന് പു​ന​ർ​നാ​മ​ക​ര​ണം ചെ​യ്ത​ത് ചൈ​ൽ​ഡ് വെ​ൽ​ഫെ​യ​ർ ക​മ്മി​റ്റി​യാ​ണ്. ഈ ​വി​വ​രം ര​ഹ​സ്യ​മാ​ക്കി​െ​വ​ച്ചു.

ഒടുവിൽ മലക്കം മറിച്ചിൽ; 'അനുപമക്ക്​ എല്ലാ പിന്തുണയും പാർട്ടി നൽകും'

പാർട്ടി പിൻബല​ത്തോടെ തട്ടിക്കൊണ്ടു​പോയി ഒരുവർഷമായിട്ടും മകനെ തിരികെ കൊടുക്കുകയോ അതിനുള്ള ഇടപെടൽ നടത്തുകയോ ചെയ്യാത്ത സി.പി.എം, സംഭവം വിവാാദമായതോടെ ഒടുവിൽ മലക്കം മറിഞ്ഞിരിക്കുന്നു. സ്വന്തം കുഞ്ഞിനെ തിരികെ ലഭിക്കാൻ പോരാടുന്ന അനുപമക്ക്​ എല്ലാ പിന്തുണയും പാർട്ടി നൽകുമെന്നാണ്​​ സി.പി.എം സംസ്​ഥാന സെക്രട്ടറി എ. വിജയരാഘവൻ മാധ്യമങ്ങളോട്​ പറഞ്ഞത്​.

'നിയമപരമായി പരിഹാരം കാണേണ്ട വിഷയമാണിത്​. പാർട്ടി എന്ന നിലക്ക്​ പ്രശ്​നം പരിഹരിക്കാനാകില്ല. വിഷയം പാർട്ടിയുടെ ശ്രദ്ധയിൽപ്പെട്ടപ്പോൾ തിരുവനന്തപുരം ജില്ല കമ്മിറ്റി ഇടപെട്ടതാണ്​. ഇതുസംബന്ധിച്ച കാര്യങ്ങൾ ജില്ല സെക്രട്ടറി വ്യക്​തമാക്കിയിരുന്നു​. അനുപമക്ക്​ എല്ലാവിധ നിയമസഹായങ്ങളും നൽകേണ്ടതുണ്ട്​. ബന്ധപ്പെട്ട മ​ന്ത്രി അ​വരോട്​ സംസാരിച്ചു. കുഞ്ഞിനെ അമ്മക്ക്​ കിട്ടുക എന്നത്​ അവരുടെ അവകാശമാണ്​. അതിനുവേണ്ട എല്ലാ പരിശ്രമങ്ങളും നടത്തും. അധികൃതരുടെ അനുകൂലമായ ഇടപെടലുകൾ ഇക്കാര്യത്തിലുണ്ട്​. ഒരു തെറ്റിനെയും പാർട്ടി പിന്താങ്ങി​ല്ല' -എന്നായിരുന്നു വിജയരാഘവന്‍റെ വിശദീകരണം. വിഷയത്തിൽ പാർട്ടിയെ കുറ്റപ്പെടുത്തേണ്ടതില്ലെന്നും പാർട്ടി അറിഞ്ഞിരുന്നുവെങ്കിൽ ഇങ്ങനെ സംഭവിക്കില്ലെന്നും ചോദ്യത്തിന്​ മറുപടിയായി വിജയരാഘവൻ വ്യക്​തമാക്കി. മാസങ്ങളായി പി.ബി മുതൽ ലോക്കൽ കമ്മിറ്റി വരെ ഇടപെട്ടുകൊണ്ടിരിക്കുന്ന വിഷയത്തിലാണ്​ സംസ്​ഥാന സെക്രട്ടറിയുടെ ഈ വിശദീകരണം എന്നതാണ്​ തമാശ.