അറസ്റ്റിലായ പ്രതികൾ
തൃശൂർ: കൂർക്കഞ്ചേരിയിൽ ഗുണ്ടാസംഘം കടയുടമയെ വെടിവെച്ച് പരിക്കേൽപ്പിച്ചു. ഞായറാഴ്ച രാത്രി കൂർക്കഞ്ചേരിയിലെ ടയർ പഞ്ചറൊട്ടിക്കുന്ന കടയിലായിരുന്നു വെടിവെപ്പുണ്ടായത്. സംഭവത്തിലെ മൂന്നു പ്രതികളെ ഈസ്റ്റ് പൊലീസ് പിടികൂടി. കടയുടമ പാലക്കാട് സ്വദേശി മണികണ്ഠനാണ് വെടിയേറ്റത്.
ഗുണ്ടാസംഘത്തിൽ പെട്ട കണിമംഗലം, വലിയാലുക്കൽ, ചിയ്യാരം സ്വദേശികളായ ഷെഫീഖ് (28), ഡിറ്റ് ബാബു (26), സജിലാൽ (26) എന്നിവരെയാണ് ഈസ്റ്റ് പൊലീസ് പിടികൂടിയത്. ഇന്നലെ രാത്രി എട്ടോടെ കൂർക്കഞ്ചേരിയിലെ കടയിൽ വെച്ചായിരുന്നു വെടിവെപ്പ്.
നാലു ദിവസം മുമ്പ് ഇവരുടെ വാഹനത്തിന്‍റെ ടയർ പഞ്ചറായത് ഒട്ടിച്ചുകൊടുക്കാതിരുന്നതിനുള്ള മുൻ വൈരാഗ്യത്താൽ മൂന്നംഗ സംഘം മണികണ്ഠനെ വെടിവെക്കുകയായിരുന്നുവെന്ന് പറയുന്നു. കാലിലാണ് വെടിയേറ്റത്. പരിക്ക് ഗുരുതരമല്ല. അക്രമിക്കാൻ ഉപയോഗിച്ച എയർഗണ്‍ പോലീസ് കണ്ടെത്തി. പോലീസ് ഇവരെ വിശദമായി ചോദ്യം ചെയ്തു വരികയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.