തിരുവനന്തപുരം: സ്ത്രീ സുരക്ഷയുടെ പേരിൽ അധികാരത്തിൽ വന്ന സർക്കാറാണ് സ്ത്രീ വിരുദ്ധ പരാമർശം നടത്തിയ ആളെ പിന്തുണക്കുന്നതെന്ന് പ്രതിപക്ഷ നേതാവ് രമേശ്ചെന്നിത്തല. മന്ത്രി എം.എം മണിയെ പിന്തുണക്കുന്ന നടപടി സ്ത്രീ സമൂഹത്തെ അപമാനിക്കലാണ്. മന്ത്രിയെ പിന്തുണക്കുന്ന സർക്കാർ ജനവികാരം മനസിലാക്കാത്ത സർക്കാറാണെന്നും ചെന്നിത്തല പറഞ്ഞു. നിയമസഭാ കവാടത്തിനു മുന്നിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം.
മന്ത്രി എം.എം മണി രാജിവെക്കണമെന്നതാണ് കേരള ജനതയുടെ വികാരം. എന്നാൽ ആ മന്ത്രിയെ പിന്തുണക്കുകയാണ് മുഖ്യമന്ത്രിയും സർക്കാറും ചെയ്യുന്നത്. വസ്തുതകൾ മനസിലാക്കാതെ അധികാരത്തിെൻറ ദന്തഗോപുരത്തിൽ കയറി ഇരിക്കുന്നവർ പൊമ്പിളൈ ഒരുമൈ നടത്തുന്ന സമരത്തെ അപഹസിക്കുകയാണെന്നും ചെന്നിത്തല പറഞ്ഞു.
പൊമ്പിളൈ ഒരുമൈയുടെ സമരത്തെ കോൺഗ്രസ് അഭിവാദ്യം ചെയ്യുന്നുവെന്ന് അറിയിച്ച രമേശ് ചെന്നിത്തല സഭക്കകത്തും പുറത്തും പ്രതിഷേധത്തിന് നേതൃത്വം നൽകുമെന്നും അറിയിച്ചു. ഇന്ന് വൈകീട്ട് രക്തസാക്ഷി മണ്ഡപത്തിൽ ധർണ സംഘടിപ്പിക്കുമെന്നും രമേശ് ചെന്നിത്തല അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.