മിലൺ മഞ്ചൽ, സെലീന ബീബി
അങ്കമാലി: ഓണത്തിനു മുന്നോടിയായി അങ്കമാലി എക്സൈസ് നടത്തിയ മിന്നൽ പരിശോധനയിൽ 15 ലക്ഷത്തിന്‍റെ മയക്കുമരുന്നുമായി അന്തർസംസ്ഥാന യുവതിയും, യുവാവും പിടിയിൽ.പശ്ചിമ ബംഗാൾ സ്വദേശികളായ മിലൺ മഞ്ചൽ (30), സെലീന ബീബി (30) എന്നിവരാണ് പിടിയിലായത്.
ഇവർ കൈവശം സൂക്ഷിച്ചിരുന്ന 50 ഗ്രാം ഹെറോയിനാണ് പിടികൂടിയത്. ഓണാഘോഷത്തോടനുബന്ധിച്ച് കേരളത്തിലേക്ക് വ്യാപകമായി മയക്കുമരുന്ന് കടത്തുന്നതായി സൂചന ലഭിച്ചതിന്‍റെ അടിസ്ഥാനത്തിൽ അങ്കമാലിയിലും പരിസര പ്രദേശങ്ങളിലും നടത്തിയ പരിശോധനയിലാണ് ഇരുവരും പിടിയിലായത്.
അങ്കമാലി എക്സൈസ് റെയ്ഞ്ച് ഇൻസ്പെക്ടർ സിജോ വർഗീസിന്‍റെ നേതൃത്വത്തിലായിരുന്നു പരിശോധന. വരും ദിവസങ്ങളിലും പരിശോധന ഊർജിതമാക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.