ആഭ്യന്തര പരാതിപരിഹാര സമിതി റിപ്പോർട്ടിലധികവും സ്ഥാപനങ്ങൾക്ക് അനുകൂലവും പ​ക്ഷ​പാ​ത​പ​ര​വും -ഹൈകോടതി

കൊ​ച്ചി: തൊ​ഴി​ലി​ട​ങ്ങ​ളി​ലെ ലൈം​ഗി​കാ​തി​ക്ര​മം ത​ട​യാ​ൻ രൂ​പ​വ​ത്​​ക​രി​ച്ച ആ​ഭ്യ​ന്ത​ര പ​രാ​തി​പ​രി​ഹാ​ര സ​മി​തി (ഇ​ന്‍റേ​ണ​ൽ കം​പ്ല​യി​ന്‍റ്​ ക​മ്മി​റ്റി -ഐ.​സി.​സി) റി​പ്പോ​ർ​ട്ടു​ക​ളി​ൽ കൂ​ടു​ത​ലും സ്ഥാ​പ​ന​ത്തി​ന് അ​നു​കൂ​ല​മാ​യ​തും പ​ക്ഷ​പാ​ത​പ​ര​വു​മാ​ണെ​ന്ന്​ ഹൈ​കോ​ട​തി. ഇ​ത്ത​രം റി​പ്പോ​ർ​ട്ടു​ക​ൾ ഞെ​ട്ട​ലു​ണ്ടാ​ക്കു​ന്ന​താ​ണ്. എ​ന്നാ​ൽ, ആ​ഭ്യ​ന്ത​ര സ​മി​തി​ക​ളു​ടെ ‘ക്ലീ​ൻ ചി​റ്റ്’ അ​ന്തി​മ​മ​ല്ലെ​ന്നും മു​ഖ​വി​ല​ക്കെ​ടു​ക്കാ​നാ​വി​ല്ലെ​ന്നും പൊ​ലീ​സ്​ കേ​സി​നെ ബാ​ധി​ക്കി​ല്ലെ​ന്നും ജ​സ്റ്റി​സ്​ എ. ​ബ​ദ​റു​ദ്ദീ​ൻ വ്യ​ക്ത​മാ​ക്കി. ലൈം​ഗി​കാ​തി​ക്ര​മ ആ​രോ​പ​ണ​മു​ന്ന​യി​ച്ച്​ ന​ൽ​കി​യ പ​രാ​തി​യി​ൽ ര​ജി​സ്റ്റ​ർ ചെ​യ്ത കേ​സ് റ​ദ്ദാ​ക്ക​ണ​മെ​ന്ന കൊ​ല്ല​ത്തെ ഒ​രു കോ​ള​ജ് മേ​ധാ​വി​യു​ടെ ഹ​ര​ജി ത​ള്ളി​യാ​ണ് കോ​ട​തി നി​രീ​ക്ഷ​ണം.

കോ​ള​ജ് പ്രി​ൻ​സി​പ്പ​ലി​ന്‍റെ​യും വ​കു​പ്പ്​​ മേ​ധാ​വി​യു​ടെ​യും ചു​മ​ത​ല​യു​ള്ള സ​മ​യ​ത്ത് ഒ​രു വ​നി​ത പ്ര​ഫ​സ​റോ​ട് ഹ​ര​ജി​ക്കാ​ര​ൻ അ​നു​ചി​ത​മാ​യ പ​രാ​മ​ർ​ശം ന​ട​ത്തു​ക​യും ലൈം​ഗി​ക താ​ൽ​പ​ര്യ​ത്തോ​ടെ സം​സാ​രി​ക്കു​ക​യും ചെ​യ്‌​തെ​ന്നാ​ണ്​ കേ​സ്.

എ​ന്നാ​ൽ, ആ​ഭ്യ​ന്ത​ര സ​മി​തി അ​ന്വേ​ഷ​ണ​ത്തി​ൽ ത​നി​ക്കെ​തി​രെ ആ​രോ​പ​ണ​മി​ല്ലെ​ന്നും കേ​സ്​ റ​ദ്ദാ​ക്ക​ണ​മെ​ന്നു​മാ​യി​രു​ന്നു ഹ​ര​ജി​ക്കാ​ര​ന്‍റെ ആ​വ​ശ്യം. എ​ന്നാ​ൽ, ഐ.​സി.​സി റി​പ്പോ​ർ​ട്ടി​ന്‍റെ വി​ശ്വാ​സ്യ​ത സ​മ​ഗ്ര​മാ​യ സൂ​ക്ഷ്മ​പ​രി​ശോ​ധ​ന​ക്ക്​ വി​ധേ​യ​മാ​ണെ​ന്നും ഇ​ര​യാ​ക്ക​പ്പെ​ട്ട വ്യ​ക്തി​ക്ക്​ നേ​രി​ട്ട് പൊ​ലീ​സി​ൽ പ​രാ​തി ന​ൽ​കാ​മെ​ന്നും കോ​ട​തി വ്യ​ക്ത​മാ​ക്കി. പൊ​ലീ​സ് കേ​സ്​ ര​ജി​സ്റ്റ​ർ ചെ​യ്യു​ക​യും കു​റ്റ​കൃ​ത്യ​ങ്ങ​ൾ ക​ണ്ടെ​ത്തി​യാ​ൽ അ​ക്കാ​ര്യം വ്യ​ക്ത​മാ​ക്കി അ​ന്തി​മ​റി​പ്പോ​ർ​ട്ട് ന​ൽ​കു​ക​യും ​ചെ​യ്യ​ണം. ഐ.​സി.​സി റി​പ്പോ​ർ​ട്ടി​ലെ ക​ണ്ടെ​ത്ത​ലു​ക​ൾ പൊ​ലീ​സ്​ കേ​സി​നെ ഒ​രു​വി​ധ​ത്തി​ലും ബാ​ധി​ക്കി​ല്ല. പോ​ഷ് നി​യ​മ​ത്തി​ലെ 28ാം വ​കു​പ്പി​ൽ പ​രാ​മ​ർ​ശി​ക്കു​ന്ന പോ​ലെ ക്രി​മി​ന​ൽ നി​യ​മ​ങ്ങ​ൾ​ക്ക് പു​റ​മേ​യു​ള്ള​താ​ണ് ​ഐ.​സി.​സി. അ​തി​നാ​ൽ, ജോ​ലി​സ്ഥ​ല​ത്തെ പീ​ഡ​ന​ക്കേ​സു​ക​ളാ​ണെ​ങ്കി​ലും ഇ​തു​സം​ബ​ന്ധി​ച്ച പൊ​ലീ​സ്​ അ​ന്വേ​ഷ​ണ​ത്തി​ന്​ ഐ.​സി.​സി റി​പ്പോ​ർ​ട്ട്​ ത​ട​സ്സ​മ​ല്ല. പൊ​ലീ​സി​ന്‍റെ ക​​ണ്ടെ​ത്ത​ലി​ന്​ വി​രു​ദ്ധ​മാ​ണ്​ ഐ.​സി.​സി റി​പ്പോ​ർ​ട്ടെ​ങ്കി​ലും ബാ​ധ​ക​മാ​വി​ല്ലെ​ന്നും കോ​ട​തി വ്യ​ക്ത​മാ​ക്കി.