ഇടത്​ കൊടുങ്കാറ്റിൽ ലീഗ്​ കോട്ടകളും ഇളകി; മലപ്പുറത്തും കാസർകോട്ടും ആശ്വാസം

കോഴിക്കോട്​: ഏത്​ കൊടുങ്കാറ്റിലും ഉലയാതെ നിൽക്കുന്ന ലീഗ്​ കോട്ടകളും ഇക്കുറി ഇളകി. സംസ്ഥാനത്തൊട്ടാകെ ആഞ്ഞടിച്ച ഇടതു സുനാമിയിൽ മലപ്പുറത്തെയും കാസർകോ​ട്ടെയും സിറ്റിങ്​ സീറ്റുകൾ നിലനിർത്തിയത്​ മാത്രമാണ്​ ആശ്വാസം. അന്തിമ ചിത്രം ചിത്രം തെളിയു​േമ്പാൾ 22 സീറ്റുകളോളം ​പ്രതീക്ഷിച്ചിരുന്ന ലീഗിന്​ സ്വന്തമാക്കാനായത്​ 15 സീറ്റുകൾ മാത്രമാണ്​. മലപ്പുറം ജില്ലയിൽ നിന്നും നേടിയ 11സീറ്റുകളും ​കാസർകോട്ട്​ നിന്നുള്ള രണ്ടുസീറ്റുകളുമാണ്​ ലീഗിനെ ഇടതുതരംഗത്തിലും പിടിച്ചുനിർത്തിയത്​. ഒരു ലക്ഷത്തിലേറെ വോട്ടുകൾക്ക്​ അബ്​ദുസമദ്​ സമദാനി ലോക്​സഭയി​േലക്ക്​ വിജയിച്ചതും ആശ്വാസമായി.

ഏറെ പ്രതീക്ഷവെച്ചിരുന്ന കോഴിക്കോട് ജില്ലയിൽ കനത്ത തിരിച്ചടിയാണ്​ ലീഗിന്​ നേരിട്ടത്​. കാൽനൂറ്റാണ്ടിന്​ ശേഷം വനിത സ്ഥാനാർഥിയെ പരീക്ഷിച്ച കോഴിക്കോട്​ സൗത്ത്​, കനത്ത വിജയപ്രതീക്ഷ പുലർത്തിയിരുന്ന തിരുവമ്പാടി, കുന്ദമംഗലം എന്നിവയും ലീഗിനെ കൈവിട്ടു. സിറ്റിങ്​ സീറ്റായ കുറ്റ്യാടിയിൽ ഇഞ്ചോടിഞ്ച്​ പോരാട്ടത്തിനൊടുവിൽ പാറക്കൽ അബ്​ദുല്ലയും അടിയറവ്​ പറഞ്ഞു. ലീഗിന്‍റെ സമുന്നത നേതാവും പ്രതിപക്ഷ നേതാവുമായ​ എം.കെ മുനീർ കൊടുവള്ളി സീറ്റ്​ തിരിച്ചുപിടിച്ചത്​ മാത്രമാണ്​ ജില്ലയിൽ ലീഗിന്​ ഏക ആശ്വാസം.

ലീഗിന്‍റെ തീപ്പൊരി നേതാവും അണികളുടെ ആവേശവുമായ കെ.എം ഷാജിക്ക്​ അഴീക്കോട്ടും യുവനേതാവ്​ പി.കെ ഫിറോസിന്​ താനൂരിലും അടിപതറിയത്​ ലീഗിന്​ കനത്ത തിരിച്ചടിയായി. അവസാന ലാപ്പുവരെ മാറിമറിഞ്ഞ ഫലത്തിനൊടുവിൽ പെരിന്തൽമണ്ണയിൽ വെറും 30ഓളം ​വോട്ടുകൾക്കാണ്​ നജീബ്​ കാന്തപുരം വിജയിച്ചുകയറിയത്​.

ലീഗിന്‍റെ ഉറച്ച കോട്ടയായ കളമശ്ശേരിയിൽ സി.പി.എമ്മിലെ പി.രാജീവ്​ 10000ത്തിലേറെ വോട്ടുകൾക്ക്​ വിജയിച്ചുകയറിയപ്പോൾ അട്ടിമറി പ്രതീക്ഷയുണ്ടായിരുന്ന ഗുരുവായൂർ എൽ.ഡി.എഫ്​ അനായാസം കീശയിലാക്കി. ഇടതു തരംഗത്തിലും മണ്ണാർക്കാട് വീഴാതെ കാത്ത എൻ.ഷംസുദ്ദീൻ ലീഗിനെ വൻ പതനത്തിൽ നിന്നും പിടിച്ചുനിർത്തി. തുടർച്ചയായ രണ്ടാംതവണയും പ്രതിപക്ഷത്തിരിക്കേണ്ടി വരുന്നത്​ ലീഗി​ന്​ വലിയ അസ്​തിത്വ പ്രതിസന്ധിയാണ്​ സമ്മാനിക്കുന്നത്​. ലോക്​സഭയിൽ നിന്നും രാജിവെച്ച്​ നിയമസഭയിലേക്ക്​ മത്സരിച്ച്​ വിജയിച്ച കുഞ്ഞാലിക്കുട്ടിയടക്കമുള്ളവരും വലിയ രാഷ്​ട്രീയ പ്രതിസന്ധിയെ അഭിമുഖീകരിക്കേണ്ടി വരും. ​