കോഴിക്കോട്: ഭ്രാന്തൻ ഭരണമായി പിണറായി സർക്കാർ മാറിയെന്ന് കോൺഗ്രസ് നേതാവ് കെ. മുരളീധരൻ എം.പി. ഇത് കേരളത്തിൽ വലിയ പ്രത്യാഘാതം ഉണ്ടാക്കും. ഒരു രാഷ്ട്രീയ സംഘർഷത്തിലേക്ക് സംസ്ഥാനം നീങ്ങാൻ പോകുകയാണ്. ഈ വൃത്തികെട്ട കളികളിച്ചാൽ ഏത് ആയുധമെടുത്തും പോരാടുമെന്ന് മുരളീധരൻ വ്യക്തമാക്കി.
വിദ്യയെ ഒളിപ്പിച്ചത് സി.പി.എം സംസ്ഥാന നേതൃത്വത്തിന്റെ അറിവോടെയാണ്. പൊലീസ് എല്ലാ കൊള്ളരുതായ്മകൾക്കും കൂട്ടുനിൽക്കുന്നു. ഈ 15 ദിവസം ഇവർ എവിടെയായിരുന്നു എന്നാണ് അന്വേഷിക്കേണ്ടത്. ഒളിവിൽ താമസിക്കാൻ സി.പി.എമ്മും പൊലീസും ഒത്താശ ചെയ്തു. ഒളിവിൽ കഴിയാൻ സഹായിച്ച സി.പി.എം നേതാവിനെയും അറസ്റ്റ് ചെയ്യണം. മാധ്യമങ്ങളെ കാണിക്കാതെ കൊണ്ടുപോകാൻ പ്രതി വി.വി.ഐ.പി ഒന്നുമല്ലല്ലോ എന്നും മുരളീധരൻ പറഞ്ഞു.
സി.പി.എം എന്ത് ചെയ്യുന്നുവോ അതാണ് പൊലീസ് ചെയ്യുന്നത്. എല്ലാത്തിനും ശേഷം പ്രതിപക്ഷ നേതാവിനെയും കെ.പി.സി.സി അധ്യക്ഷനെയും കുടുക്കാൻ നോക്കുന്നുവെന്നും മുരളീധരൻ ആരോപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.