കാരാട്ട് റസാഖ്, പി.ശശി
കോഴിക്കോട്: മുഖ്യമന്ത്രിയുടെ പൊളിറ്റിക്കൽ സെക്രട്ടറി പി.ശശിയെ രൂക്ഷമായി വിമർശിച്ച് കൊടുവള്ളി മുൻ എം.എൽ.എയും സി.പി.എം സഹയാത്രികനുമായ കാരാട്ട് റസാഖ്.
പി.ശശിയുടെ ധിക്കാരപരവും അഹങ്കാരം നിറഞ്ഞുതമായ നിലപാട് സി.പി.എം സഹയാത്രികർക്ക് യോജിക്കാൻ കഴിയുന്നതല്ലയെന്ന് അദ്ദേഹം ഫേസ്ബുക്കിൽ കുറിച്ചു.
ഉന്നത പൊലീസ് ഉദ്യോഗസ്ഥർക്കെതിരെ അൻവർ എം.എൽ.എ നടത്തിയ വെളിപ്പെടുത്തലുകൾക്കിടെയാണ് പി.ശശിക്കെതിരെ ആരോപണം രൂക്ഷമായത്.
പൊലീസ് എ.ഡി.ജി.പി അജിത്ത് കുമാറിനെതിരെ കൊലപാതകമടക്കമുള്ള അതീവ ഗുരുതര കുറ്റങ്ങൾ ആരോപിച്ച അൻവർ, എ.ഡി.ജി.പിയെ നിയന്ത്രിക്കുന്നതിൽ മുഖ്യമന്ത്രിയുടെ പൊളിറ്റിക്കൽ സെക്രട്ടറി പി.ശശി പരാജയമാണെന്നും ആരോപിച്ചിരുന്നു.
മുഖ്യമന്ത്രി വിശ്വസിച്ച് ഏൽപ്പിച്ച ഉത്തരവാദിത്തങ്ങളിൽ നിന്ന് പി.ശശി ഗുരുതര വീഴ്ച വരുത്തിയെന്നും അൻവർ പറഞ്ഞു.
ഒന്നാം പിണറായി സർക്കാറിന്‍റെ കാലത്ത് തൃശൂരിനിപ്പുറം തലസ്ഥാനത്തേക്ക് അടുപ്പിക്കാതെ സി.പി.എം മാറ്റിനിർത്തിയ ഉദ്യോഗസ്ഥനായ അജിത്ത്കുമാർ, പി. ശശി മുഖ്യമന്ത്രിയുടെ ഓഫിസിൽ വന്നതോടെയാണ് സുപ്രധാന പദവികളിലേക്ക് എത്തുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.