കാരാട്ട് കുറീസ് നിക്ഷേപതട്ടിപ്പ്: രണ്ടാം പ്രതി പിടിയിൽ

പാ​ല​ക്കാ​ട്: കാ​രാ​ട്ട് കു​റീ​സ് ഇ​ന്ത്യ പ്രൈ​വ​റ്റ് ലി​മി​റ്റ​ഡ് ചി​ട്ടി ത​ട്ടി​പ്പ് കേ​സി​ലെ ര​ണ്ടാം​പ്ര​തി പി​ടി​യി​ൽ. മ​ല​പ്പു​റം ചു​ങ്ക​ത്ത​റ പൂ​ക്കോ​ട്ടു​മ​ണ്ണ സ്വ​ദേ​ശി ശ്രീ​ജി​ത്തി​നെ​യാ​ണ് പാ​ല​ക്കാ​ട് ടൗ​ൺ സൗ​ത്ത് പൊ​ലീ​സ് മ​ല​പ്പു​റ​ത്തു​നി​ന്ന് അ​റ​സ്റ്റ് ചെ​യ്ത​ത്. മ​റ്റു ര​ണ്ടു പ്ര​തി​ക​ളാ​യ മു​ബ​ഷി​ർ, സ​ന്തോ​ഷ് എ​ന്നി​വ​ർ​ക്കാ​യി അ​ന്വേ​ഷ​ണം ഊ​ർ​ജി​ത​മാ​ക്കി. പാ​ല​ക്കാ​ട് മ​ഞ്ഞ​ക്കു​ളം പ​ള്ളി​ക്കു സ​മീ​പം പ്ര​വ​ർ​ത്തി​ച്ചി​രു​ന്ന കാ​രാ​ട്ട് കു​റീ​സ് സ്ഥാ​പ​നം മു​ബ​ഷി​ർ, സ​ന്തോ​ഷ്, ശ്രീ​ജി​ത്ത് എ​ന്നി​വ​രു​ടെ ഉ​ട​മ​സ്ഥ​ത​യി​ലു​ള്ള​താ​ണ്. ക​മ്പ​നി​യി​ൽ ചി​ട്ടി നി​ക്ഷേ​പ​ത്തി​ലൂ​ടെ ല​ക്ഷ​ങ്ങ​ളു​ടെ നി​ക്ഷേ​പം സ്വീ​ക​രി​ച്ച ഇ​വ​ർ തു​ക തി​രി​കെ ന​ൽ​കാ​ത്ത​തി​നെ​ത്തു​ട​ർ​ന്ന് പാ​ല​ക്കാ​ട് സൗ​ത്ത് പൊ​ലീ​സി​ലു​ൾ​പ്പെ​ടെ നൂ​റോ​ളം പ​രാ​തി​ക​ൾ ല​ഭി​ച്ചി​രു​ന്നു.

പ​രാ​തി​യെ തു​ട​ർ​ന്ന് സ്ഥാ​പ​നം അ​ട​ച്ചു​പൂ​ട്ടി പ്ര​തി​ക​ൾ ഒ​ളി​വി​ൽ പോ​യ​തോ​ടെ സ്ഥാ​പ​ന​ത്തി​ൽ റെ​യ്ഡ് ന​ട​ത്തി പൊ​ലീ​സ് രേ​ഖ​ക​ളും മ​റ്റും പി​ടി​ച്ചെ​ടു​ത്തി​രു​ന്നു. പാ​ല​ക്കാ​ട് ജി​ല്ല​യി​ൽ മ​ണ്ണാ​ർ​ക്കാ​ട്, ഒ​റ്റ​പ്പാ​ലം, പ​ട്ടാ​മ്പി എ​ന്നി​വി​ട​ങ്ങ​ളി​ലും മ​ല​പ്പു​റം, തൃ​ശൂ​ർ ജി​ല്ല​ക​ളു​ടെ വി​വി​ധ ഭാ​ഗ​ങ്ങ​ളി​ലും ബ്രാ​ഞ്ചു​ക​ൾ പ്ര​വ​ർ​ത്തി​ച്ചി​രു​ന്നു. പാ​ല​ക്കാ​ട് എ.​എ​സ്.​പി അ​ശ്വ​തി ജി​ജി​യു​ടെ നേ​തൃ​ത്വ​ത്തി​ൽ സൗ​ത്ത് ഇ​ൻ​സ്പെ​ക്ട​ർ ആ​ദം​ഖാ​ൻ, സ​ബ് ഇ​ൻ​സ്പെ​ക്ട​ർ​മാ​രാ​യ സി. ​ഐ​ശ്വ​ര്യ, എം. ​വി​ജ​യ​കു​മാ​ർ, വി​നോ​ദ് കു​മാ​ർ, അ​സി. സ​ബ് ഇ​ൻ​സ്പെ​ക്ട​ർ​മാ​രാ​യ ബി​ജു, ഹ​രി​പ്ര​സാ​ദ്, സീ​നി​യ​ർ പൊ​ലീ​സ് ഓ​ഫി​സ​ർ​മാ​രാ​യ ശ​ശി​കു​മാ​ർ, അ​ജി​ത്ത് മൃ​ദു​ലേ​ഷ് തു​ട​ങ്ങി​യ​വ​ർ മൂ​ന്നു സം​ഘ​ങ്ങ​ളാ​യാ​ണ് അ​ന്വേ​ഷ​ണം ന​ട​ത്തു​ന്ന​ത്.