തീ​ര​സം​ര​ക്ഷ​ണ​ം: ‘ടെട്രാപോഡ്’ പദ്ധതിക്ക് നിലവിളി; അദാലത്തിൽ പരാതി

​കാ​സ​ർ​കോ​ട്: ജി​ല്ല​യി​ലെ തീ​ര​മേ​ഖ​ല​യി​ലെ ക​ട​ലാ​ക്ര​മ​ണം ചെ​റു​ക്കാ​ൻ ശാ​സ്ത്രീ​യ​മാ​യ പ​ദ്ധ​തി​ക​ൾ ആ​വി​ഷ്ക​രി​ച്ച് ന​ട​പ്പി​ലാ​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.​ക​ഴി​ഞ്ഞ ഒ​രു​പ​തി​റ്റാ​ണ്ടാ​യി തീ​ര​സം​ര​ക്ഷ​ണ​ത്തി​ന് പാ​കി​യ പ​ദ്ധ​തി​ക​ൾ​ക്കൊ​ന്നും നി​ല​നി​ൽ​പ്പി​ല്ലാ​ത്ത സാ​ഹ​ച​ര്യ​ത്തി​ലാ​ണ് ആ​ധു​നി​ക സാ​ങ്കേ​തി​ക​വി​ദ്യ ഉ​പ​യോ​ഗ​പ്പെ​ടു​ത്തി​യു​ള്ള ‘ടെ​ട്രാ​പോ​ഡു​ക​ൾ’ കൊ​ണ്ടു​ള്ള തീ​ര​സം​ര​ക്ഷ​ണ പ​ദ്ധ​തി ന​ട​പ്പി​ലാ​ക്ക​ണ​മെ​ന്ന ആ​വ​ശ്യ​മു​യ​രു​ന്ന​ത്.

ഇ​ത് ചെ​ല​വേ​റി​യ​തും യൂ​റോ​പ്യ​ൻ രാ​ജ്യ​ങ്ങ​ളി​ൽ പ​രീ​ക്ഷി​ച്ച് വി​ജ​യി​പ്പി​ച്ചെ​ടു​ത്ത ശാ​സ്ത്രീ​യ​വും ശാ​ശ്വ​ത​വു​മാ​യ പ​ദ്ധ​തി​യാ​ണ്. എ​ല്ലാ​വ​ർ​ഷ​വും ക​ട​ൽ​ക്ഷോ​ഭ​ത്തി​ൽ ദു​രി​ത​മ​നു​ഭ​വി​ക്കാ​നും മാ​റി​ത്താ​മ​സി​ക്കാ​നും ക​ഴി​യി​ല്ലെ​ന്ന തി​രി​ച്ച​റി​വാ​ണ് തീ​ര​വാ​സി​ക​ൾ ഈ ​നി​ർ​ദേ​ശം മു​ന്നോ​ട്ടു​വെ​ക്കാ​ൻ കാ​ര​ണം. ജി​ല്ല​യി​ൽ മ​ഞ്ചേ​ശ്വ​രം മു​ത​ൽ തൃ​ക്ക​ണ്ണാ​ട് വ​രെ​യു​ള്ള തീ​ര​മേ​ഖ​ല ക​ഴി​ഞ്ഞ കു​റെ വ​ർ​ഷ​ങ്ങ​ളാ​യി രൂ​ക്ഷ​മാ​യ ക​ട​ലാ​ക്ര​മ​ണ​മാ​ണ് നേ​രി​ടു​ന്ന​ത്. ഇ​വി​ടെ വീ​ടും സ്ഥ​ല​വും ന​ഷ്ട​പ്പെ​ട്ട​വ​രേ​റെ​യാ​ണ്. ഇ​വി​ട​ങ്ങ​ളി​ൽ ഇ​തു​വ​രെ​യു​ണ്ടാ​ക്കി​യ തീ​ര​സം​ര​ക്ഷ​ണ പ​ദ്ധ​തി​ക​ൾ​ക്കൊ​ന്നും നി​ല​നി​ൽ​പ്പു​ണ്ടാ​യി​ട്ടി​ല്ല. കു​മ്പ​ള തീ​ര​മേ​ഖ​ല​യി​ൽ പാ​കി​യ ക​രി​ങ്ക​ൽ​കൊ​ണ്ടു​ള്ള ക​ട​ൽ​ഭി​ത്തി ഇ​പ്പോ​ൾ എ​വി​ടെ​യും കാ​ണാ​ൻ ക​ഴി​യി​ല്ല. എ​ല്ലാം ക​ട​ലെ​ടു​ത്തു. കോ​യി​പ്പാ​ടി​യി​ലും ചേ​ര​​ൈ​ങ്ക​യി​ലും സ്ഥാ​പി​ച്ചി​ട്ടു​ള്ള ജി​യോ ബാ​ഗ് കൊ​ണ്ടു​ള്ള ക​ട​ൽ​ഭി​ത്തി ര​ണ്ടു​വ​ർ​ഷം പി​ടി​ച്ചു​നി​ന്നു. ഇ​പ്പോ​ൾ അ​തും ത​ക​ർ​ച്ച നേ​രി​ടു​ക​യാ​ണ്. ഈ ​സാ​ഹ​ച​ര്യ​ത്തി​ലാ​ണ് തീ​ര​ദേ​ശ​വാ​സി​ക​ൾ ടെ​ട്രാ പോ​ഡു​ക​ൾ സ്ഥാ​പി​ക്ക​ണ​മെ​ന്ന ആ​വ​ശ്യ​വു​മാ​യി രം​ഗ​ത്തു​വ​ന്നി​രി​ക്കു​ന്ന​ത്.ഈ ​വി​ഷ​യ​ത്തി​ൽ സ​ർ​ക്കാ​ർ അ​നു​കൂ​ല​സ​മീ​പ​നം സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് മൊ​ഗ്രാ​ൽ ദേ​ശീ​യ​വേ​ദി ‘ക​രു​ത​ലും കൈ​ത്താ​ങ്ങും’ താ​ലൂ​ക്ക്ത​ല അ​ദാ​ല​ത്തി​ലേ​ക്ക് പ​രാ​തി ന​ൽ​കു​ക​യും ചെ​യ്തു.