കാസർകോട് ജനറൽ ആശുപത്രിയിൽ കൂട്ടിരിപ്പുകാരില്ലാത്ത അർബുദരോഗിക്കുള്ള പെരുന്നാൾ സമ്മാനം സാമൂഹിക പ്രവർത്തകൻ മാഹിൻ കുന്നിൽ, ജനറൽ
ആശുപത്രി സൂപ്രണ്ട് ഡോ. ജമാൽ അഹമ്മദിന് കൈമാറുന്നു
കാസർകോട്: കൂട്ടിന് ആരുമില്ലാതെ അർബുദ രോഗത്തിന്‍റെ തുടർ ചികിത്സക്കായി ജനറൽ ആശുപത്രിയിൽ കഴിയുന്ന യുവാവിന് സ്നേഹസമ്മാനവുമായി ആശുപത്രി ജീവനക്കാർ. ഈ യുവാവിന് പെരുന്നാളിനുള്ള പുതുവസ്ത്രങ്ങളും മറ്റും ജീവനക്കാർ സമ്മാനിച്ചു. പെരുന്നാൾ ദിവസം പുത്തൻ വസ്ത്രങ്ങളണിഞ്ഞ് ഈ യുവാവും പെരുന്നാൾ ആഘോഷിക്കും.
കുറച്ചു ദിവസങ്ങളായി ഈ യുവാവ് ഇവിടെ ചികിത്സയിലാണ്. അർബുദ രോഗിയായിരുന്നു.കൂട്ടിരിപ്പിന് ആരുമില്ല. ആശുപത്രി ജീവനക്കാരുടെ സഹായത്തോടെയാണ് കഴിയുന്നത്. ഭക്ഷണവും മറ്റു കാര്യങ്ങളിലുമെെല്ലാം ജീവനക്കാരാണ് ശ്രദ്ധിക്കുന്നത്. സുപ്രണ്ട് ജമാൽ അഹ്മദിന്‍റെ സന്ദർശന സമയത്താണ് ഈ യുവാവിന്‍റെ പ്രയാസം മനസ്സിലായത്. പിന്നീട് ഭക്ഷണം സന്നദ്ധ പ്രവർത്തകർ ഏറ്റെടുത്തു. ജീവനക്കാരുടെ സ്നേഹ സമ്മാനം ജനറൽ ആശുപത്രി സുപ്രണ്ട് ഡോ. ജമാൽ അഹമ്മദിന് സാമൂഹിക പ്രവർത്തകൻ മാഹിൻ കുന്നിൽ കൈമാറി. ഈ യുവാവ് ആശുപത്രിയിൽ നിന്നും ഡിസ് ചാർജ് ആകും വരെയുള്ള ഭക്ഷണവും നൽകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.