സർവിസ് റോഡിനായി സമരം തുടങ്ങിയിട്ട് ഒരുമാസം

ചെ​ർ​ക്ക​ള: ദേ​ശീ​യ​പാ​ത വി​ക​സ​ന​ത്തി​ൽ സ​ർ​വി​സ് റോ​ഡ് നി​ഷേ​ധി​ക്ക​പ്പെ​ട്ട തെ​ക്കി​ൽ - ബേ​വി​ഞ്ച ഭാ​ഗ​ത്ത് സ​ർ​വി​സ് റോ​ഡ് നി​ർ​മി​ക്ക​ണ​മെ​ന്ന ആ​വ​ശ്യം അം​ഗീ​ക​രി​ക്ക​പ്പെ​ട്ടി​ട്ടി​ല്ല.

ബേ​വി​ഞ്ച​യി​ൽ ആ​രം​ഭി​ച്ച സ​മ​രം തെ​ക്കി​ൽ പാ​ല​ത്തി​നു വ​ട​ക്കു​ഭാ​ഗ​ത്തു​കൂ​ടി തുടങ്ങിയിട്ട് ഒ​രു​മാ​സം തികയുന്നു. ദേ​ശീ​യ​പാ​ത വി​ക​സി​ക്കു​മ്പോ​ൾ ത​ദ്ദേ​ശ​വാ​സി​ക​ളു​ടെ സ​ഞ്ചാ​രസ്വാ​ത​ന്ത്ര്യം സം​ര​ക്ഷി​ക്കു​ന്ന​തി​നാ​ണ് സ​ർ​വി​സ് റോ​ഡ് നി​ർ​മി​ക്കു​ന്ന​ത്. എ​ന്നാ​ൽ, ബേ​വി​ഞ്ച​യി​ലെ​യും തെ​ക്കി​ലി​ലെയും ജ​ന​ങ്ങ​ൾ​ക്ക് ഇ​ത് നി​ഷേ​ധി​ക്കു​ക​യാ​ണ്. തെ​ക്കി​ൽ പാ​ല​ത്തി​ന​പ്പു​റ​വും ഇ​പ്പു​റ​വു​മാ​യി ര​ണ്ട് ക​ർ​മസ​മി​തി​ക​ൾ സ​മ​രം തു​ട​രു​ക​യാ​ണ്. ബേ​വി​ഞ്ച ഇ​റ​ക്കം മു​ത​ൽ തെ​ക്കി​ൽ ക​യ​റ്റം വ​രെ ഇ​ടു​ങ്ങിയ ദേ​ശ​ത്താ​ണ് സ​ർ​വി​സ് റോ​ഡ് നി​ഷേ​ധി​ക്ക​​പ്പെ​ട്ട​ത്. തെ​ക്കി​ൽ പാ​ല​ത്തി​ന്റെ കാ​സ​ർ​കോ​ട് ഭാ​ഗ​ത്ത് ആ​രം​ഭി​ച്ച സ​മ​രം പു​തി​യ ക​ർ​മ സ​മി​തി​യാ​രം​ഭി​ച്ച് കാ​ഞ്ഞ​ങ്ങാ​ട് ഭാ​ഗ​ത്തേ​ക്കും പ​ട​ർ​ന്ന് ഇ​ന്നേ​ക്ക് ഒ​രു​മാ​സ​മാ​യി.

ഗ​താ​ഗ​ത സൗ​ക​ര്യം ഏ​റെ കു​റ​ഞ്ഞ മേ​ഖ​ല​യും കൂ​ടി​യാ​ണി​ത്. ദേ​ശീ​യ​പാ​ത ആ​റു​വ​രി​യി​ൽ സ​ർ​വി​സ് റോ​ഡ് ഇ​ല്ലാ​ത്ത ഏ​ക സ്ഥ​ല​മാ​ണ് ചെ​ർ​ക്ക​ള-​ച​ട്ട​ഞ്ചാ​ൽ പ്ര​വൃ​ത്തി മേ​ഖ​ല. അ​ടി​പ്പാ​ത​ക്കും ​മേ​ൽ​പാ​ത​ക്കുംവേ​ണ്ടി സ​മ​ര​ങ്ങ​ൾ ഉ​യ​ർ​ന്ന മേ​ഖ​ല​ക​ളി​ലെ ഏ​റെ​യും ആ​വ​ശ്യ​ങ്ങ​ൾ അം​ഗീ​ക​രി​ച്ചുക​ഴി​ഞ്ഞു. എ​ന്നാ​ൽ, ഏ​റ്റ​വും പ്ര​ഥ​മ​മാ​യ ആ​വ​ശ്യ​മാ​യ സ​ർ​വി​സ് റോ​ഡി​നു വേ​ണ്ടി​യു​ള്ള സ​മ​ര​ത്തോ​ട് മു​ഖംതി​രി​ക്കു​ക​യാ​ണ്.

ചെ​ർ​ക്ക​ള മു​ത​ൽ ച​ട്ട​ഞ്ചാ​ൽ വ​രെ ഇ​രുഭാ​ഗ​ങ്ങ​ളി​ലും സ​ർ​വി​സ് റോ​ഡ് അ​നു​വ​ദി​ക്കു​ക​യെ​ന്ന​തി​നുപു​റ​മെ തെ​ക്കി​ൽ ഫെ​റി​യി​ലേ​ക്ക് അ​ടി​പ്പാ​ത നി​ർ​മി​ക്ക​ണ​മെ​ന്ന ആ​വ​ശ്യം കൂ​ടി സ​മ​ര​ക്കാ​ർ മു​ന്നോ​ട്ടു​വെ​ക്കു​ന്നു​ണ്ട്. തെ​ക്കി​ൽ പാ​ലം മു​ത​ൽ ടാ​റ്റ ആ​ശു​പ​ത്രി വ​രെ​യു​ള്ള നി​ർ​ദി​ഷ്ട ദേ​ശീ​യ​പാ​ത​യി​ൽ ഇ​രു​വ​ശ​ത്തു​മാ​യി 380 മീ​റ്റ​ർ സ​ർ​വി​സ് റോ​ഡാ​ണ് ക​ർ​മസ​മി​തി നി​ർ​ദേ​ശി​ക്കു​ന്ന​ത്.

പോ​സ്റ്റ് ഓ​ഫി​സ്, വ്യ​വ​സാ​യ കേ​ന്ദ്രം, ടാ​റ്റ ആ​ശു​പ​ത്രി, ജി.​യു.​പി.​എ​സ് തെ​ക്കി​ൽ വെ​സ്റ്റ്, തെ​ക്കി​ൽ ഈ​സ്റ്റ് സ്കൂ​ൾ, അം​ഗ​ൻ​വാ​ടി​ക​ൾ, ഹെ​ൽ​ത്ത് സെ​ന്റ​ർ, പ​ക​ൽ​വീ​ട്, മ​ദ്റ​സ​ക​ൾ, അ​ഞ്ച് പ​ള്ളി​ക​ൾ, അ​ഞ്ച് ക്ഷേ​ത്ര​ങ്ങ​ൾ, റേ​ഷ​ൻ ​േഷാ​പ്, ലൈ​ബ്ര​റി, സാം​സ്കാ​രി​ക കേ​ന്ദ്ര​ങ്ങ​ൾ, ക്ല​ബു​ക​ൾ ഇ​ങ്ങ​നെ ഒ​ട്ടേ​റെ സ്ഥാ​പ​ന​ങ്ങ​ൾ ഈ ​ഭാ​ഗ​ത്ത് സ്ഥി​തി ചെ​യ്യു​ന്നു​ണ്ട്. ചെ​മ്മ​നാ​ട്, ചെ​ർ​ക്ക​ള, മു​ളി​യാ​ർ പ​ഞ്ചാ​യ​ത്തു​ക​ൾ സം​ഗ​മി​ക്കു​ന്ന മേ​ഖ​ല​യാ​ണി​ത്. ഏ​താ​ണ്ട് 800 കു​ടും​ബ​ങ്ങ​ളാ​ണ് ഈ ​ഭാ​ഗ​ങ്ങ​ളി​ൽ താ​മ​സി​ക്കു​ന്ന​ത്. ഉ​ക്രം​പാ​ടി, തൈ​ര, ബ​ന്താ​ട്, തെ​ക്കി​ൽ ദേ​ലം​പാ​ടി, തെ​ക്കി​ൽ പ​ള്ളി​ക്ക​ര എ​ന്നി​വി​ട​ങ്ങ​​ളി​ലെ ജ​ന​ങ്ങ​ളെ​യാ​ണ് സ​ർ​വി​സ് റോ​ഡ് നി​ഷേ​ധം സാ​ര​മാ​യി ബാ​ധി​ക്കു​ന്ന​ത്.

ഇ​ടു​ങ്ങി​യ​തും വേ​ണ്ട​ത്ര പാ​ത​ക​ളും ഇ​ല്ലാ​ത്ത ഇ​ടം. സ​ർ​വിസ് റോ​ഡി​ല്ലാ​താ​യാ​ൽ നി​ല​വി​ലെ ചെ​റു റോ​ഡു​ക​ളും ഉ​പ​യോ​ഗയോ​ഗ്യ​മ​ല്ലാ​താ​കു​മെ​ന്നാ​ണ് ജ​ന​ങ്ങ​ളു​ടെ ആ​ശ​ങ്ക.