അ​ഞ്ചു വാ​ർ​ഡു​ക​ൾക്ക് ഒ​റ്റ പോ​സ്റ്റ്‌ ഓ​ഫി​സ്; കത്തുകളും ആധാർ കാർഡുകളും കെട്ടിക്കിടക്കുന്നു

കു​മ്പ​ള: മൊ​ഗ്രാ​ലി​ൽ അ​ഞ്ചു വാ​ർ​ഡു​ക​ളിലേ​ക്ക് ഒ​റ്റ പോ​സ്റ്റ്‌ ഓ​ഫി​സ് എ​ന്ന​ത് ജ​ന​ങ്ങ​ൾ​ക്ക് ദു​രി​ത​മാ​വു​ന്നു. പേ​രാ​ൽ, കെ.​കെ. പു​റം, മൊ​ഗ്രാ​ൽ ടൗ​ൺ, കൊ​പ്പ​ളം, നാ​ങ്കി പ്ര​ദേ​ശ​ങ്ങ​ള​ട​ങ്ങി​യ അ​ഞ്ച് വാ​ർ​ഡു​ക​ളി​ലെ ജ​ന​ങ്ങ​ളാ​ണ് ദു​രി​ത​മ​നു​ഭ​വി​ക്കു​ന്ന​ത്.

നാ​ല് കി​ലോ​മീ​റ്റ​ർ ദൂ​ര​ത്തി​ൽ വി​ത​ര​ണം ചെ​യ്യേ​ണ്ട ക​ത്തു​ക​ളും ആ​ധാ​ർ അ​ട​ക്ക​മു​ള്ള കാ​ർ​ഡു​ക​ളും പു​സ്ത​ക​ങ്ങ​ളും വി​ലാ​സ​ക്കാ​ര​ന് എ​ത്താ​തെ മൊ​ഗ്രാ​ൽ പോ​സ്റ്റ് ഓ​ഫി​സി​ൽ കെ​ട്ടി​ക്കി​ട​ക്കു​ക​യാ​ണ്.

നൂ​റു​ക​ണ​ക്കി​ന് ക​ത്തു​ക​ളും കാ​ർ​ഡു​ക​ളും പു​സ്ത​ക​ങ്ങ​ളു​മാ​ണ് ദി​വ​സേ​ന എ​ത്തു​ന്ന​ത്. ഇ​ത് മേ​ൽ വി​ലാ​സ​ക്കാ​രെ ക​ണ്ടു​പി​ടി​ച്ച് ന​ൽ​കാ​ൻ പോ​സ്റ്റു​മാ​ൻ ഏ​റെ പ്ര​യാ​സ​പ്പെ​ടു​ന്നു. ജോ​ലി​ഭാ​രം കൂ​ടു​ത​ലാ​യ​തി​നാ​ൽ ജോ​ലി ല​ഭി​ച്ച​വ​ർ ഇ​വി​ടെ വ​രാ​ൻ താ​ൽ​പ​ര്യ​പ്പെ​ടു​ന്നി​ല്ല. ഇ​തും ത​പാ​ൽ ഉ​രു​പ്പ​ടി​ക​ൾ കു​മി​ഞ്ഞു​കൂ​ടാ​ൻ കാ​ര​ണ​മാ​കു​ന്നു. ഇ​പ്പോ​ൾ അ​ത്യാ​വ​ശ്യ​മാ​യി ന​ൽ​കേ​ണ്ട പാ​സ്പോ​ർ​ട്ടു​ക​ൾ, ഡ്രൈ​വി​ങ് ലൈ​സ​ൻ​സു​ക​ൾ, ബാ​ങ്ക് ലെ​റ്റ​റു​ക​ൾ, ജോ​ബ് കാ​ർ​ഡു​ക​ൾ, സ​ർ​ക്കാ​ർ ക​ത്തു​ക​ൾ, ര​ജി​സ്ട്രേ​ഷ​നു​ക​ൾ എ​ന്നി​വ മാ​ത്ര​മാ​ണ് ന​ൽ​കു​ന്ന​ത്.

പോ​സ്റ്റ് ഓ​ഫി​സി​ൽ കെ​ട്ടി​ക്കി​ട​ക്കു​ന്ന ക​ത്തു​ക​ളും കാ​ർ​ഡു​കളും വി​ത​ര​ണം ചെ​യ്യാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് പോ​സ്റ്റ് സൂ​പ്ര​ണ്ട് അ​ട​ക്ക​മു​ള്ള ഉ​ദ്യോ​ഗ​സ്ഥ​രെ നാ​ട്ടു​കാ​രും സ​ന്ന​ദ്ധ സം​ഘ​ട​ന​ക​ളും അ​റി​യി​ച്ചി​രു​ന്നു​വെ​ങ്കി​ലും ന​ട​പ​ടി ഉ​ണ്ടാ​യി​ല്ലെ​ന്നാ​ണ് ആ​ക്ഷേ​പം.