‘ഇ​നി​യൊ​രു അ​ർ​ജു​ൻ ഉ​ണ്ടാ​വ​രു​ത്...’

കാ​സ​ർ​കോ​ട്: ഷി​രൂ​രി​ൽ മ​ണ്ണി​ടി​ച്ചി​ലി​ൽ മ​രി​ച്ച അ​ർ​ജു​നാ​യു​ള്ള തി​ര​ച്ചി​ൽ ന​മ്മു​ടെ വാ​ർ​ത്ത​ക​ളി​ൽ മാ​സ​ങ്ങ​ളോ​ളം ഇ​ടം​പി​ടി​ച്ച​തി​ൽ മ​നം​നൊ​ന്ത് ഇ​നി​യൊ​ര​ർ​ജു​ൻ ഉ​ണ്ടാ​വാ​തി​രി​ക്കാ​ൻ അ​ണ്ട​ർ ഗാ​ർ​ഡു​മാ​യി ശ്രീ​ന​ന്ദും ഷാ​ഹി​ദും ശാ​സ്ത്രോ​ത്സ​വ​ത്തി​ന് എ​ത്തി​യ​ത് ഏ​റെ കൗ​തു​ക​മു​ണ​ർ​ത്തി. മ​ണ്ണി​ടി​ച്ചി​ലു​ണ്ടാ​യി ആ​ള​പാ​യ​മു​ണ്ടാ​യാ​ൽ ക​ണ്ടു​പി​ടി​ക്കാ​നാ​ണ് ശ്രീ​ന​ന്ദും ഷാ​ഹി​ദും അ​ണ്ട​ർ ഗാ​ർ​ഡ് നി​ർ​മി​ച്ച​ത്. ഈ ​അ​ണ്ട​ർ ഗാ​ർ​ഡ് മ​ണ്ണി​ടി​ച്ചി​ലു​ണ്ടാ​കു​ന്ന പ്ര​ദേ​ശ​ത്ത് ഓ​ട്ടോ​മാ​റ്റി​ക്കാ​യി പ്ര​വ​ർ​ത്തി​ക്കു​ക​യും തി​ര​ഞ്ഞ് ക​ണ്ടു​പി​ടി​ക്കു​ക​യും ചെ​യ്യു​മെ​ന്ന​താ​ണ് പ്ര​​​ത്യേ​ക​ത.

മൈ​ക്രോ​വേ​വ് സെ​ൻ​സ​റി​ങ് ഉ​പ​യോ​ഗിച്ചാ​ണി​ത് പ്രവർത്തിക്കുക. കാ​മ​റ ഘ​ടി​പ്പി​ച്ച​തി​നാ​ൽ ദൃ​ശ്യ​ങ്ങ​ൾ അ​പ്പ​പ്പോ​ൾ കാ​ണാ​നും സം​വി​ധാ​ന​മു​ണ്ട്. ജി.​പി.​എ​സ്, മെ​റ്റ​ൽ ഡി​റ്റ​ക്ട​ർ എ​ന്നി​വ​യും അ​ണ്ട​ർ ഗാ​ർ​ഡി​ലു​ണ്ട്.

ജി.​വി.​എ​ച്ച്.​എ​സ്.​എ​സ് ഇ​രി​യ​ണ്ണി​യി​ലെ പ്ല​സ് വ​ൺ വി​ദ്യാ​ർ​ഥി​ക​ളാ​ണ് ഇ​രു​വ​രും. ഇ​തി​ൽ ശ്രീ​ന​ന്ദ് കോ​വി​ഡ് സ​മ​യ​ത്താ​ണ് ഈ ​മേ​ഖ​ല​യി​ലേ​ക്ക് തി​രി​ഞ്ഞ​ത്. സോ​ഫ്റ്റ്​​വെ​യ​ർ എ​ൻ​ജി​നീ​യ​റാ​യ ക​സി​ൻ സ​ഹോ​ദ​ര​ന്റെ ഉ​പ​ദേ​ശ​വും മു​ത​ൽ​ക്കൂ​ട്ടാ​യി.

സം​സ്ഥാ​ന​ത​ല​ത്തി​ൽ വ​ർ​ക്കി​ങ് മോ​ഡ​ലി​ൽ എ ​ഗ്രേ​ഡു​ണ്ട്. കൂ​ടാ​തെ, ഫ്രീ​ലാ​ൻ​സ് സ്റ്റാ​ർ​ട്ട​പ്പി​ലും പ്ര​വ​ർ​ത്തി​ക്കു​ന്നു​ണ്ട് ശ്രീ​ന​ന്ദ്. അ​ണ്ട​ർ ഗാ​ർ​ഡി​ന് എ​ട്ടാ​യി​രം രൂ​പ​യോ​ള​മാ​ണ് ആ​യ​തെ​ന്ന് ഇ​വ​ർ പ​റ​യു​ന്നു.