സമാനതകളില്ലാത്ത പോരാട്ടമാണ് കാസർകോട്ട്. ദീർഘകാലം ഇടതിന് മേൽക്കോയ്മയുണ്ടായിരുന്ന ജില്ല പഞ്ചായത്തായിരുന്നു കാസർകോട്. 2015ൽ അത് കൈവിട്ടു. 35 വർഷത്തെ ആധിപത്യത്തിനുശേഷം ലോക്സഭയും കൈവിട്ടു. ഇത് യു.ഡി.എഫിൽനിന്ന് അടർത്തിയെടുക്കാനുള്ള ഗൃഹപാഠമാണ് ഇടതുപക്ഷം നടത്തുന്നത്.
ബി.ജെ.പിക്ക് സംസ്ഥാനത്ത് ജില്ല പഞ്ചായത്തിൽ രണ്ട് സീറ്റുകളുള്ള ജില്ലയാണ് കാസർകോട്. ഒന്ന് മഞ്ചേശ്വരം നിയോജകമണ്ഡലത്തിലാണ്. ബി.ജെ.പിയുടെ പ്രകടനവും ജില്ല പഞ്ചായത്ത് ആരു ഭരിക്കണമെന്ന് നിർണയിക്കുന്നതിൽ പ്രധാനമാണ്. നിലനിൽപിനു വേണ്ടിയുള്ള പോരാട്ടത്തിലാണ് ബി.ജെ.പി. എൽ.ഡി.എഫ് സിറ്റിങ് സീറ്റുകളായ കള്ളാർ, ദേലംപാടി, യു.ഡി.എഫ് സീറ്റുകളായ ചിറ്റാരിക്കാൽ, പിലിക്കോട്, ബി.ജെ.പി സീറ്റുകളായ എടനീർ, പുത്തിഗെ എന്നിവയിലെ ഫലങ്ങളാണ് ജില്ലയുടെ രാഷ്ട്രീയ ഭാഗധേയം നിർണയിക്കുക. ഇവിടുത്തെ ഫലം പ്രവചനാതീതമാണ്.
അങ്ങനെ ജില്ല കനത്ത പേരാട്ടത്തിെൻറ മത്സര വേദിയാകുന്നു. ആറു ബ്ലോക്ക് പഞ്ചായത്തുകളിൽ 'മത്സരമില്ല'. അവയിൽ എൽ.ഡി.എഫ് നാല്, യു.ഡി.എഫ് രണ്ട് എന്ന നില തുടരും. നീലേശ്വരം, കാസർകോട്, കാഞ്ഞങ്ങാട് നഗരസഭകളിൽ യു.ഡി.എഫിൽനിന്നു എൽ.ഡി.എഫ് പിടിച്ചെടുത്ത കാഞ്ഞങ്ങാട്ട് മത്സരം തകർക്കുകയാണ്. ജില്ലയിൽ ഗ്രാമ പഞ്ചായത്തുകൾ 38 ആണ്. 19 യു.ഡി.എഫ്, 17 എൽ.ഡി.എഫ്, രണ്ട് ബി.ജെ.പി. കഴിഞ്ഞ തവണ എൽ.ഡി.എഫിന് നഷ്ടപ്പെട്ട ഉദുമ, ഇരട്ടക്കൊല നടന്ന പുല്ലൂർ-പെരിയ, ഇടത്-വലത് മാറിയും മറിഞ്ഞുംകൊണ്ടിരിക്കുന്ന അജാനൂർ, കുറ്റിക്കോൽ, യു.ഡി.എഫും എൽ.ഡി.എഫും ചേർന്ന് ബി.ജെ.പിയെ അവിശ്വാസത്തിലൂടെ പുറത്തുനിർത്തിയ കാറഡുക്ക, എൻമകജെ, ബി.ജെ.പി വലിയ ഒറ്റക്കക്ഷിയായ ബദിയഡുക്ക, പൈവളിഗെ എന്നീ പഞ്ചായത്തുകളിൽ നിർണായക പോരാട്ടമാണ് നടക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.