കൊച്ചി: ഔദ്യോഗിക ലോഗോ ദുരുപയോഗം ചെയ്ത ബി.ജെ.പി കോട്ടയം ജില്ല പ്രസിഡൻറ് നോബിൾ മാത്യുവിെൻറ നടപടിയിൽ പ്രതിഷേധവുമായി കേരള കത്തോലിക്ക മെത്രാൻ സമിതി (കെ.സി.ബി.സി). 'ഖലീഫ ഭരണത്തിലേക്കുള്ള കോണിപ്പടികളാകാൻ ഇനി ഞങ്ങളില്ല' എന്നെഴുതിയ പോസ്റ്ററിൽ തങ്ങളുടെ ഔദ്യോഗികമുദ്ര ഉപയോഗിച്ച് നോബിൾ മാത്യു നടത്തുന്ന വർഗീയ രാഷ്ട്രീയ പ്രചാരണം അപലപനീയമാണെന്ന് കെ.സി.ബി.സി ഔദ്യോഗികവക്താവ് ഫാ. ജേക്കബ് പാലക്കാപ്പിള്ളി വാർത്തക്കുറിപ്പിൽ പറഞ്ഞു.
രാഷ്ട്രീയ പാർട്ടികൾ തങ്ങളുടെ ലക്ഷ്യത്തിന് സഭയുടെ പേരോ ഔദ്യോഗികമുദ്രയോ ഉപയോഗിക്കുന്നത് അംഗീകരിക്കാനാവില്ല. അനാവശ്യ വർഗീയപ്രചാരണത്തിന് രാഷ്ട്രീയ പാർട്ടികളുടെ മറവിൽ നടക്കുന്ന ശ്രമങ്ങളെ സഭ തള്ളിപ്പറയുന്നു. കേരള സമൂഹത്തിെൻറ പൊതുവായ വളർച്ചക്കും സൗഹാർദത്തിനും മതനിരപേക്ഷതക്കുമാണ് കെ.സി.ബി.സി നിലപാടെടുക്കുന്നത്. ഇത്തരത്തിൽ പോസ്റ്റർ നിർമിച്ച് പ്രചരിപ്പിക്കുന്നതുപോലുള്ള പ്രവർത്തനങ്ങൾ ആർക്കും ഭൂഷണമല്ല. തീവ്രവാദം ഏതുതരത്തിലായാലും നാടിന് ആപത്താണെന്ന് സഭ വിശ്വസിക്കുന്നു. വിഭാഗീയതക്ക് അതീതമായി നാടിെൻറ നന്മക്കും മാനവികതക്കുമായാണ് കെ.സി.ബി.സി എന്നും നിലകൊണ്ടിട്ടുള്ളതെന്നും വാർത്തക്കുറിപ്പിൽ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.