സുൽത്താൻ ബത്തേരി: സംസ്ഥാന സർക്കാറിന്റെ തിരുവോണം ബംബര് ലോട്ടറിയുടെ ഒന്നാം സമ്മാനം 25 കോടി രൂപ അടിച്ചത് കർണാടക പാണ്ഡ്യപുര സ്വദേശി അൽത്താഫിന്. 42കാരനായ ഇദ്ദേഹം മെക്കാനിക്കാണ്. വയനാട്ടിലെ ബന്ധുവീട്ടിലെത്തിയപ്പോൾ എടുത്ത ടിക്കറ്റിനാണ് സമ്മാനം.
വാടകവീട്ടിൽ കഴിയുന്ന അൽത്താഫിന് സ്വന്തമായി ഒരു വീട് വെക്കണമെന്നതാണ് ആദ്യത്തെ ആഗ്രഹം. മകളുടെ വിവാഹം നടത്തണമെന്നും മകന് മെച്ചപ്പെട്ട ഒരു ജോലി വേണമെന്നും അൽത്താഫ് പറയുന്നു.
സുൽത്താൻ ബത്തേരിയിലെ കടയിൽനിന്ന് വിറ്റ ടിക്കറ്റിനാണ് ഒന്നാം സമ്മാനം ലഭിച്ചത്. ടി.ജി 434222 എന്ന ടിക്കറ്റാണ് ബത്തേരി ഗാന്ധി ജങ്ഷനിലെ എൻ.ജി.ആർ ലോട്ടറി കടയിൽനിന്ന് വിറ്റത്. കർണാടക മൈസൂരു ഹുന്നൂർ ഹള്ളി സ്വദേശി നാഗരാജിന്റെ ഉടമസ്ഥതയിലുള്ളതാണ് ഈ കട.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.