100 കോടി പിഴ ഒഴിവാക്കാൻ വഴിതേടി കോർപറേഷൻ

കൊ​ച്ചി: ബ്ര​ഹ്മ​പു​രം തീ​പി​ടി​ത്ത​വും പു​ക​യും നി​മി​ത്തം ഉ​ണ്ടാ​യ പ​രി​സ്ഥി​തി മ​ലി​നീ​ക​ര​ണ​ത്തി​ന്​ ദേ​ശീ​യ ഹ​രി​ത ട്രൈ​ബ്യൂ​ണ​ൽ ഉ​ത്ത​ര​വി​ട്ട 100 കോ​ടി രൂ​പ പി​ഴ ഒ​ഴി​വാ​ക്കി കി​ട്ടാ​ൻ കോ​ർ​പ​റേ​ഷ​ൻ വ​ഴി​തേ​ടു​ന്നു. ഹൈ​കോ​ട​തി​യെ​യോ, സു​പ്രീം​കോ​ട​തി​യെ​യോ സ​മീ​പി​ക്കാ​നാ​ണ്​ കോ​ർ​പ​റേ​ഷ​ൻ നീ​ക്കം. ഇ​തു സം​ബ​ന്ധി​ച്ച നി​യ​മ​വ​ശ​ങ്ങ​ൾ പ​രി​ശോ​ധി​ച്ചു​വ​രു​ക​യാ​ണ്. കോ​ർ​പ​റേ​ഷ​ന്‍റെ വാ​ദം കേ​ൾ​ക്കാ​തെ ഏ​ക​പ​ക്ഷീ​യ വി​ധി​യാ​ണെ​ന്ന​തും ന​ഷ്ടം ക​ണ​ക്കാ​ക്കാ​തെ​യാ​ണ്​ പി​ഴ വി​ധി​ച്ച​തെ​ന്നും ചൂ​ണ്ടി​ക്കാ​ട്ടി കോ​ട​തി​യെ സ​മീ​പി​ക്കാ​നാ​ണ്​ നീ​ക്കം.

ബ്ര​ഹ്മ​പു​രം ആ​വ​ർ​ത്തി​ക്കാ​തി​രി​ക്കാ​ൻ മാ​ലി​ന്യ​സം​സ്ക​ര​ണ​ത്തി​ൽ കോ​ർ​പ​റേ​ഷ​ൻ ക​ർ​മ പ​ദ്ധ​തി ത​യാ​റാ​ക്കി. ഉ​റ​വി​ട മാ​ലി​ന്യ സം​സ്​​ക​ര​ണം ഊ​ർ​ജി​ത​മാ​ക്കാ​ൻ ന​ട​പ​ടി തു​ട​ങ്ങി. ഉ​റ​വി​ട മാ​ലി​ന്യ​സം​സ്ക​ര​ണ​ത്തി​ന്​ സൗ​ക​ര്യ​മി​ല്ലാ​ത്ത​വ​രി​ൽ​നി​ന്ന്​​ മാ​ലി​ന്യം ത​രം​തി​രി​ച്ച്​ കോ​ർ​പ​റേ​ഷ​ൻ തൊ​ഴി​ലാ​ളി​ക​ൾ വീ​ടു​ക​ളി​ലെ​ത്തി ശേ​ഖ​രി​ക്കും. ബ്ര​ഹ്മ​പു​ര​ത്തേ​ക്ക്​ കൊ​ണ്ടു​പോ​കു​ന്ന മാ​ലി​ന്യ​ത്തി​ന്‍റെ അ​ള​വ്​ പ​ര​മാ​വ​ധി കു​റ​ക്കു​ന്ന​തി​നാ​ണ്​ കോ​ർ​പ​റേ​ഷ​ൻ ല​ക്ഷ്യ​മി​ടു​ന്ന​ത്. സ്ഥ​ല​മു​ള്ള​വ​ർ​ക്ക്​ വീ​ട്ടു​വ​ള​പ്പി​ലും അ​ല്ലാ​ത്ത​വ​ർ​ക്ക്​ വീ​ട്ടു​വ​ള​പ്പി​ന്​ പു​റ​ത്ത്​ വീ​പ്പ സ്ഥാ​പി​ച്ച്​ ഉ​റ​വി​ട മാ​ലി​ന്യ​സം​സ്ക​ര​ണം ന​ട​ത്താ​നും സൗ​ക​ര്യ​മൊ​രു​ക്കും.