ഡോക്ടർമാരുടെ പണിമുടക്ക്; രോഷം, പ്രതിഷേധം

തി​രു​വ​ന​ന്ത​പു​രം: കൊ​ൽ​ക്ക​ത്ത​യി​ലെ ആ​ർ.​ജി ക​ർ മെ​ഡി​ക്ക​ൽ കോ​ള​ജ്​ പി.​ജി ഡോ​ക്ട​റു​ടെ കൊ​ല​പാ​ത​ക​ത്തി​ൽ പ്ര​തി​ഷേ​ധി​ച്ച്​ സം​സ്ഥാ​ന വ്യാ​പ​ക​മാ​യി ഡോ​ക്ട​ർ​മാ​ർ പ​ണി​മു​ട​ക്കി. രാ​വി​ലെ ആ​റു മു​ത​ൽ ഒ.​പി ബ​ഹി​ഷ്ക​രി​ച്ചാ​യി​രു​ന്നു സ​മ​രം. അ​ടി​യ​ന്ത​ര സ്വ​ഭാ​വ​മി​ല്ലാ​ത്ത ശ​സ്ത്ര​ക്രി​യ​ക​ളും ന​ട​ന്നി​ല്ല. അ​ക്കാ​ദ​മി​​ക പ്ര​വ​ർ​ത്ത​ന​ങ്ങ​ളി​ൽ​നി​ന്നും ഔ​ദ്യോ​ഗി​ക യോ​ഗ​ങ്ങ​ളി​ൽ​നി​ന്നു​മെ​ല്ലാം ഡോ​ക്ട​ർ​മാ​ർ വി​ട്ടു​നി​ന്നു.

ഐ.​സി.​യു, അ​ത്യാ​ഹി​ത​വി​ഭാ​ഗം, ലേ​ബ​ർ റൂം, ​രോ​ഗി​ക​ളു​ള്ള വാ​ർ​ഡു​ക​ൾ എ​ന്നി​വ പ​ണി​മു​ട​ക്കി​ൽ​നി​ന്ന്​ ഒ​ഴി​വാ​ക്കി​യി​രു​ന്നു. ഐ.​എം.​എ രാ​ജ്യ​വ്യാ​പ​ക​മാ​യി ആ​ഹ്വാ​നം ചെ​യ്ത പ്ര​തി​ഷേ​ധ​ത്തി​ൽ സ​ർ​ക്കാ​ർ മെ​ഡി​ക്ക​ൽ കോ​ള​ജി​​ലെ ​ഡോ​ക്ട​ർ​മാ​രു​ടെ സം​ഘ​ട​ന​യാ​യ കെ.​ജി.​എം.​സി.​ടി.​എ​യും ആ​രോ​ഗ്യ ഡ​യ​റ​ക്ട​റേ​റ്റി​ന് കീ​ഴി​ലെ ഡോ​ക്ട​ർ​മാ​രു​ടെ സം​ഘ​ട​ന​യാ​യ കെ.​ജി.​എം.​ഒ.​എ​യും പ​​ങ്കെ​ടു​ത്ത​തോ​ടെ സ​ർ​ക്കാ​ർ ആ​ശു​പ​ത്രി​ക​ളി​ൽ പ​ണി​മു​ട​ക്ക്​ പൂ​ർ​ണ​മാ​യി​രു​ന്നു.

സ​മ​ര​വി​വ​ര​മ​റി​യാ​തെ ഒ.​പി​ക​ളി​ലെ​ത്തി​യ​വ​ർ ശ​രി​ക്കും വെ​ട്ടി​ലാ​യി. എ​ല്ലാ മെ​ഡി​ക്ക​ൽ കോ​ള​ജു​ക​ളി​ലും ജി​ല്ല- ജ​ന​റ​ൽ ആ​ശു​പ​ത്രി​ക​ളി​ലും രോ​ഗി​ക​ളു​ടെ നീ​ണ്ട​നി​ര​ത​ന്നെ ഉ​ണ്ടാ​യി. മെ​ഡി​ക്ക​ൽ കോ​ള​ജ്​ സ്​​പെ​ഷാ​ലി​റ്റി ഒ.​പി​ക​ളി​ലെ സ്ഥി​തി​യും വ്യ​ത്യ​സ്ത​മാ​യി​രു​ന്നി​ല്ല. സ​വി​ശേ​ഷ സാ​ഹ​ച​ര്യം ക​ണ​ക്കി​ലെ​ടു​ത്ത്​ വ​യ​നാ​ട്​ ജി​ല്ല​യെ സ​മ​ര​ത്തി​ൽ​നി​ന്ന്​ ഒ​ഴി​വാ​ക്കി​യി​രു​ന്നു.

വ​യ​നാ​ട്ടി​ലെ ഡോ​ക്ട​ർ​മാ​ർ പ്ര​തി​ഷേ​ധ സൂ​ച​ക​മാ​യി ക​റു​ത്ത ബാ​ഡ്​​ജ്​ ധ​രി​ച്ചാ​ണ്​ ​ഡ്യൂ​ട്ടി​ക്ക്​ ഹാ​ജ​രാ​യ​ത്. ശ​നി​യാ​ഴ്ച രാ​വി​ലെ ആ​റു​ മു​ത​ൽ ഞാ​യ​റാ​ഴ്ച രാ​വി​ലെ ആ​റു​ വ​രെ 24 മ​ണി​ക്കൂ​റാ​യി​രു​ന്നു സ​മ​രം. ഹോ​മി​യോ​പ​തി ഡോ​ക്​​ട​ർ​മാ​രു​ടെ സം​ഘ​ട​ന​യാ​യ ദ ​ഇ​ൻ​സ്റ്റി​റ്റ്യൂ​ട്ട്​ ഓ​ഫ്​ ഹോ​മി​യോ​പ​ത്​​സ്​ കേ​ര​ള (ഐ.​എ​ച്ച്.​കെ)​യും പ്ര​തി​ഷേ​ധ ദി​നം ആ​ച​രി​ച്ചു. ക​റു​ത്ത ബാ​ഡ്ജ്​ ധ​രി​ച്ചാ​ണ്​ ​ഡോ​ക്ട​ർ​മാ​ർ ഡ്യൂ​ട്ടി​ക്ക്​ ഹാ​ജ​രാ​യ​ത്.