വീണ്ടുമൊരു ജീവൻ പൊലിഞ്ഞു; സുരക്ഷക്കൊരു കയർ പോലുമില്ലാതെ കൊല്ലം ബീച്ച്

കൊ​ല്ലം: ​ജി​ല്ല​യി​ലെ പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്രം എ​ന്ന ഖ്യാ​തി​യു​ള്ള​പ്പോ​ഴും അ​തീ​വ അ​പ​ക​ട​മേ​ഖ​ല​യെ​ന്ന്​ മു​ന്ന​റി​യി​പ്പു​ള്ള കൊ​ല്ലം ബീ​ച്ചി​ൽ സു​ര​ക്ഷ​യൊ​രു​ക്കാ​ൻ ഒ​രു ക​യ​ർ പോ​ലു​മി​ല്ലാ​ത്ത സ്ഥി​തി. ക​ട​ൽ പ്ര​ക്ഷു​ബ്​​ധ​മാ​കു​മ്പോ​ൾ വെ​ള്ള​ത്തി​ൽ ആ​ളു​ക​ൾ ഇ​റ​ങ്ങാ​തി​രി​ക്കാ​ൻ ബീ​ച്ചി​ൽ അ​പ​ക​ട​മേ​ഖ​ല കെ​ട്ടി​ത്തി​രി​ക്കാ​നു​ള്ള ക​യ​റും നാ​ട്ടാ​നു​ള്ള ചു​വ​പ്പ​ൻ കൊ​ടി​ക​ളും തൂ​ണും ഇ​തു​വ​രെ ഡി.​ടി.​പി.​സി അ​ധി​കൃ​ത​ർ എ​ത്തി​ച്ചി​ട്ടി​ല്ല.

തെ​ക്ക​ൻ കാ​ല​വ​ർ​ഷം സ​ജീ​വ​മാ​കു​മ്പോ​ൾ അ​ടി​യൊ​ഴു​ക്ക്​ ശ​ക്ത​മാ​യി ക​ട​ൽ കൂ​ടു​ത​ൽ അ​പ​ക​ട​മാ​കു​ന്ന ഘ​ട്ട​മാ​യി​ട്ട്​ പോ​ലും അ​ധി​കൃ​ത​ർ അ​വ​ഗ​ണ​ന തു​ട​രു​ക​യാ​ണ്. അ​പ​ക​ട മു​ന്ന​റി​യി​പ്പ്​ ന​ൽ​കി കെ​ട്ടി​ത്തി​രി​ക്കാ​ത്ത ബീ​ച്ചി​ൽ ഇ​റ​ങ്ങി​യ യു​വാ​വാ​ണ്​ വ്യാ​ഴാ​ഴ്ച രാ​ത്രി 7.45ഓ​ടെ തി​ര​യി​ൽ​പെ​ട്ട്​ മ​രി​ച്ച​ത്. രാ​വി​ലെ ഏ​ഴ്​ മു​ത​ൽ വൈ​കീ​ട്ട്​ ഏ​ഴ്​ വ​രെ തീ​ര​ത്ത്​ ഡ്യൂ​ട്ടി​യി​ലു​ള്ള ലൈ​ഫ്​ ഗാ​ർ​ഡു​മാ​രു​ടെ ജാ​ഗ്ര​ത കൊ​ണ്ടു​മാ​ത്ര​മാ​ണ്​ നി​ല​വി​ലെ സ്ഥി​തി​യി​ൽ അ​ത്യാ​ഹി​ത​ങ്ങ​ൾ ഒ​ഴി​വാ​യി​പ്പോ​കു​ന്ന​ത്. എ​ന്നാ​ൽ, അ​വ​രു​ടെ ജോ​ലി​പോ​ലും ക​ഠി​ന​മാ​ക്കു​ന്ന​താ​ണ്​ സു​ര​ക്ഷ റോ​പ്​ കൊ​ണ്ട്​ കെ​ട്ടി​ത്തി​രി​ക്കാ​ത്ത ബീ​ച്ച്.

വ​ലി​യ തി​ര​ക്കു​ള്ള വൈ​കു​ന്നേ​ര​ങ്ങ​ളി​ൽ വി​സി​ലും ഊ​തി ലൈ​ഫ്​ ഗാ​ർ​ഡ്​ ഓ​ടി​ന​ട​ക്കു​മ്പോ​ൾ കു​റ​ച്ചു​പേ​രെ​ങ്കി​ലും ക​യ​ർ കെ​ട്ടി​ത്തി​രി​ച്ചി​ക്കു​ന്ന​ത്​ ക​ണ്ട്​ അ​പ​ക​ട​മു​ണ്ടാ​കു​മെ​ന്ന ബോ​ധ്യ​ത്തി​ൽ ക​ട​ലി​ൽ ഇ​റ​ങ്ങാ​തെ ഇ​രി​ക്കും. എ​ന്നാ​ൽ, ഇ​പ്പോ​ൾ ഒ​രു​കി​ലോ​മീ​റ്റ​റോ​ളം നീ​ണ്ടു​കി​ട​ക്കു​ന്ന ബീ​ച്ചി​ൽ എ​വി​ടെ​യും ആ​ളു​ക​ൾ ക​ട​ലി​ൽ ഇ​റ​ങ്ങു​ന്ന സ്ഥി​തി​യാ​ണ്. അ​പ​ക​ട​സാ​ധ്യ​ത ക​ണ്ട്​ ലൈ​ഫ്​ ഗാ​ർ​ഡു​മാ​ർ യ​ഥാ​സ​മ​യം ഇ​ട​പെ​ടു​ന്ന​ത്​ കാ​ര​ണ​മാ​ണ്​ അ​ത്യാ​ഹി​ത​ങ്ങ​ൾ നീ​ങ്ങി​പ്പോ​കു​ന്ന​ത്. എ​ന്നാ​ൽ, വ്യാ​ഴാ​ഴ്ച രാ​ത്രി ലൈ​ഫ്​ ഗാ​ർ​ഡു​മാ​ർ ഡ്യൂ​ട്ടി പൂ​ർ​ത്തി​യാ​ക്കി പോ​യ​തി​ന്​ ശേ​ഷ​മാ​ണ്​ യു​വാ​വ്​ സു​ഹൃ​ത്തി​നൊ​പ്പം ബീ​ച്ചി​ൽ എ​ത്തി​യ​തും ഒ​റ്റ​ക്ക്​ ക​ട​ലി​ൽ ഇ​റ​ങ്ങി​യ​പ്പോ​ൾ അ​പ​ക​ട​ത്തി​ൽ​​പെ​ട്ട​തും. ആ ​സ​മ​യ​ത്ത്​ അ​പ​ക​ട​മു​ന്ന​റി​യി​പ്പു​മാ​യി ഒ​രു ക​യ​റെ​ങ്കി​ലും അ​വി​ടെ കെ​ട്ടി​യി​ട്ടു​ണ്ടാ​യി​രു​ന്നെ​ങ്കി​ൽ എ​ന്ന്​ വി​ല​പി​ക്കാ​നെ ഇ​നി ക​ഴി​യൂ.

ബീ​ച്ചി​ൽ ആ​ളു​ക​ൾ ഇ​റ​ങ്ങാ​തെ വേ​ർ​തി​രി​ച്ച്​ കെ​ട്ടാ​നു​ള്ള ക​യ​ർ ഡി.​ടി.​പി.​സി ആ​ണ്​ ലൈ​ഫ്​ ഗാ​ർ​ഡു​മാ​ർ​ക്ക്​ എ​ത്തി​ച്ചു​ന​ൽ​കു​ന്ന​ത്. അ​ന്ത​രീ​ക്ഷ​ത്തി​ലെ​യും വെ​ള്ള​ത്തി​ലെ​യും ഉ​പ്പി​ന്‍റെ സാ​ന്നി​ധ്യം കൊ​ണ്ട്​ ന​ശി​ക്കു​ന്ന​തും ബീ​ച്ചി​ലെ ക​ച്ച​വ​ട​ക്കാ​ർ ഉ​ൾ​പ്പെ​ടെ മു​റി​ച്ചു​വി​ടു​ന്ന​തു​മൊ​ക്കെ കാ​ര​ണം ഒ​രു ക​യ​ർ ര​ണ്ട്​ വ​ർ​ഷ​ത്തോ​​ള​മേ ഉ​പ​യോ​ഗി​ക്കാ​ൻ ക​ഴി​യൂ. ക​ഴി​ഞ്ഞ​വ​ർ​ഷം ഉ​പ​യോ​ഗി​ച്ച​ത്​ അ​തി​ന്​ മു​ൻ വ​ർ​ഷം വാ​ങ്ങി​യ ക​യ​ർ ആ​ണ്. അ​ത്​ ന​ശി​ച്ച​തോ​ടെ പു​തി​യ ക​യ​ർ ആ​വ​ശ്യ​മു​ണ്ടെ​ന്ന്​ ലൈ​ഫ്​ ഗാ​ർ​ഡു​ക​ൾ ഡി.​ടി.​പി.​സി​യെ അ​റി​യി​ച്ചി​രു​ന്നു. എ​ന്നാ​ൽ, ക​ട​ൽ അ​തീ​വ​പ്ര​ക്ഷു​ബ്​​ധ​മാ​കു​ന്ന​തും തീ​രം മ​ണ്ണെ​ടു​ത്ത്​​ പോ​കു​ന്ന​തു​മാ​യ കാ​ല​വ​ർ​ഷ സ​മ​യം ആ​യി​ട്ടും ഒ​രു ക​യ​ർ വാ​ങ്ങാ​നു​ള്ള സ​മ​യം ടൂ​റി​സം അ​ധി​കൃ​ത​ർ​ക്ക്​ ഇ​തു​വ​രെ കി​ട്ടി​യി​ട്ടി​ല്ല. കെ​ട്ടി​ത്തി​രി​ക്കു​ന്ന അ​വ​സ്ഥ​യി​ൽ പോ​ലും ലൈ​ഫ്​ ഗാ​ർ​ഡു​മാ​രു​ടെ മു​ന്ന​റി​യി​പ്പ്​ അ​വ​ഗ​ണി​ച്ച്​ ആ​ളു​ക​ൾ ക​ട​ലി​ൽ ഇ​റ​ങ്ങി അ​പ​ക​ടം വ​രു​ത്തി​വെ​ക്കാ​റു​ണ്ട്. അ​പ്പോ​ൾ ക​യ​ർ കെ​ട്ടാ​തി​രി​ക്കു​ന്ന അ​വ​സ്ഥ​യി​ൽ പ​റ​യു​ക​യും വേ​ണ്ട.

കൊ​ല്ല​ത്തി​ന്‍റെ ടൂ​റി​സം മാ​പ്പി​ലെ പ്ര​ധാ​ന പോ​യ​ന്‍റാ​യ ​ബീ​ച്ചി​ൽ ഡി.​ടി.​പി.​സി ഇ​ങ്ങ​നെ അ​വ​ഗ​ണ​ന തു​ട​രു​ന്ന​ത്​ വ​ലി​യ അ​പ​ക​ട​ങ്ങ​ളി​ലേ​ക്ക്​ ന​യി​ക്കു​മെ​ന്ന ഓ​ർ​മ​പ്പെ​ടു​ത്ത​ലാ​ണ്​ ക​ഴി​ഞ്ഞ​ദി​വ​സം ന​ട​ന്ന അ​ത്യാ​ഹി​തം. സെ​ക്ര​ട്ട​റി​യു​​ടെ ചു​മ​ത​ല ക​ല​ക്ട​ർ വ​ഹി​ക്കു​​മ്പോ​ൾ കൂ​ടു​ത​ൽ പ​രി​ഗ​ണ​ന കൊ​ല്ലം ബീ​ച്ചും അ​വി​ടെ​യെ​ത്തു​ന്ന വി​നോ​ദ​സ​ഞ്ചാ​രി​ക​ളും അ​ർ​ഹി​ക്കു​ന്നു​ണ്ട്.

ഇ​ൻ​ഷു​റ​ൻ​സ്​ പോ​ലു​മി​ല്ലാ​തെ ലൈ​ഫ്​​ഗാ​ർ​ഡു​മാ​ർ, മ​ണ​ലി​ലി​റ​ങ്ങാ​ത്ത പൊ​ലീ​സ്​

ചോ​ർ​ന്നൊ​ലി​ക്കു​ന്ന ട​വ​ർ കെ​ട്ടി​ടം ഉ​ൾ​പ്പെ​​ടെ ‘സൗ​ക​ര്യ​ങ്ങ​ൾ’ ആ​ണ്​​ ബീ​ച്ചി​ൽ ലൈ​ഫ്​ ഗാ​ർ​ഡു​ക​ൾ​ക്കാ​യു​ള്ള​ത്. ഇ​ൻ​ഷു​റ​ൻ​സ്​ പോ​ലും ഇ​ല്ലെ​ങ്കി​ലും സ്വ​ന്തം ജീ​വ​ൻ മ​റ​ന്ന്​ മ​റ്റു​ള്ള​വ​ർ​ക്കാ​യി അ​വ​ർ ക​ട​ലി​ലേ​ക്ക്​ എ​ടു​ത്തു​ചാ​ടി എ​ത്ര​യെ​ത്ര​ജീ​വ​നു​ക​ളെ​യാ​ണ്​ ഇ​തു​വ​രെ ക​ര​ക​യ​റ്റി​യി​ട്ടു​ള്ള​ത്.

ഒ​രേ​സ​മ​യം പ​ത്തി​ല​ധി​കം ആ​ളു​ക​ൾ ക​ട​ലി​ൽ വീ​ണ​പ്പോ​ഴും ഒ​രു ജീ​വ​ൻ പോ​ലും ​പൊ​ലി​യാ​തെ ക​ര​ക്കെ​ത്തി​ക്കാ​ൻ സാ​ധി​ച്ച​ത്​ ഏ​താ​നും മാ​സ​ങ്ങ​ൾ​ക്ക്​ മു​മ്പാ​ണ്. ദി​നം​പ്ര​തി ആ​യി​ര​ങ്ങ​ൾ വ​രു​ന്നി​ട​ത്ത്​ വി​സി​ലു​മാ​യി ബീ​ച്ചി​ല​ങ്ങോ​ളം ഇ​ങ്ങോ​ളം ഓ​ടി​യെ​ത്താ​ൻ ഒ​രു സ​മ​യം നാ​ല്​ പേ​ർ വ​രെ​യാ​ണ്​ ഉ​ണ്ടാ​കു​ക. വെ​ളി​ച്ച​മി​ല്ലാ​തെ കാ​ണാ​ൻ ക​ഴി​യാ​ത്ത അ​വ​സ്ഥ​യി​ൽ ര​ക്ഷാ​പ്ര​വ​ർ​ത്ത​നം സാ​ധ്യ​മ​ല്ലാ​ത്ത​തി​നാ​ലാ​ണ്​ വൈ​കീ​ട്ട്​ ഏ​ഴോ​ടെ ലൈ​ഫ്​ ഗാ​ർ​ഡു​ക​ളു​ടെ ഡ്യൂ​ട്ടി അ​വ​സാ​നി​ക്കു​ന്ന​ത്. അ​തേ​സ​മ​യം, ബീ​ച്ചി​ൽ രാ​ത്രി വൈ​കി​യും കു​ടും​ബ​ങ്ങ​ൾ ഉ​ൾ​പ്പെ​ടെ വ​രു​ന്നു​ണ്ട്. ലൈ​ഫ്​ ഗാ​ർ​ഡു​ക​ൾ പോ​യി ക​ഴി​ഞ്ഞാ​ൽ, വെ​ള്ള​ത്തി​ൽ ഇ​റ​ങ്ങു​ന്ന​വ​രെ അ​പ​ക​ടം ചൂ​ണ്ടി​ക്കാ​ട്ടി പി​ന്തി​രി​പ്പി​ക്കേ​ണ്ട ചു​മ​ത​ല പൊ​ലീ​സി​നാ​ണ്. മ​റ്റ്​ പ്ര​ധാ​ന ബീ​ച്ചു​ക​ളി​ൽ ബീ​ച്ച്​ പൊ​ലീ​സ്​ ഉ​ള്ള​ത്​ പോ​ലെ കൊ​ല്ല​ത്ത്​ ഇ​ല്ല. പ​ട്രോ​ളി​ങ്ങി​ന്​ എ​ത്തു​ന്ന പൊ​ലീ​സ്​ സം​ഘം മാ​ത്ര​മാ​ണ്​ ആ​ശ്ര​യം. ഇ​ങ്ങ​നെ എ​ത്തു​ന്ന പൊ​ലീ​സ്​ ആ​ക​ട്ടെ മ​ണ​ൽ​പ​ര​പ്പി​ലേ​ക്ക്​ ഇ​റ​ങ്ങി ആ​ളു​ക​ളെ നി​രീ​ക്ഷി​ക്കു​ന്ന​തു​ൾ​പ്പെ​ടെ ‘പ​ണി’ എ​ടു​ക്കാ​റി​ല്ല. ബീ​ച്ച്​ റോ​ഡി​ൽ പൊ​ലീ​സി​ന്‍റെ പാ​റാ​വ്​ അ​വ​സാ​നി​ക്കു​ന്ന​ത്​ കാ​ര​ണം ​രാ​ത്രി വെ​ള്ള​ത്തി​ലി​റ​ങ്ങാ​ൻ ശ്ര​മി​ക്കു​ന്ന​വ​രെ പി​ന്തി​രി​പ്പി​ക്കാ​നും ആ​രു​മു​ണ്ടാ​കാ​റി​ല്ല. ഇ​രു​ട്ടാ​യാ​ൽ പൊ​ലീ​സ്​ ഉ​ദ്യോ​ഗ​സ്ഥ​രു​ടെ സാ​ന്നി​ധ്യം ബീ​ച്ചി​ലെ ആ​ളു​ക​ൾ​ക്കി​ട​യി​ലേ​ക്ക്​ ആ​​ക്കേ​ണ്ട​തി​ന്‍റെ പ്ര​ധാ​ന്യം ഓ​ർ​മി​പ്പി​ക്കു​ക​യാ​ണ്​ ഏ​റ്റ​വും പു​തി​യ അ​പ​ക​ടം.

ഇ​രു​ട്ടു​വീ​ണാ​ൽ ല​ഹ​രി​ത്താ​വ​ളം

ഇ​രു​ട്ടു​വീ​ണാ​ൽ കൊ​ല്ലം ബീ​ച്ച്​ ല​ഹ​രി​ത്താ​വ​ള​മാ​കു​ന്നു എ​ന്ന ആ​ക്ഷേ​പം വ്യാ​പ​ക​മാ​യു​ണ്ട്.

പ​ര​സ്യ മ​ദ്യ​പാ​ന​വും എം.​ഡി.​എം.​എ ഉ​ൾ​പ്പെ​ടെ രാ​സ​ല​ഹ​രി​ക​ളു​ടെ ഉ​പ​യോ​ഗ​വും വി​ൽ​പ​ന​യു​മെ​ല്ലാം ആ ​മ​ണ​ൽ​പ്പ​ര​പ്പി​ൽ ഇ​രു​ട്ടു​മ​റ​വി​ൽ ന​ട​ക്കു​ന്നു എ​ന്ന​ത്​ അ​വി​ടെ​യു​ള്ള ക​ച്ച​വ​ട​ക്കാ​ർ ഉ​ൾ​പ്പെ​ടെ ചൂ​ണ്ടി​ക്കാ​ട്ടു​ന്നു. പൊ​ലീ​സി​ന്‍റെ പ​ട്രോ​ളി​ങ്​ റോ​ഡി​ൽ മാ​ത്ര​മാ​ക്കാ​തെ മ​ണ​ൽ​പ്പ​ര​പ്പി​ലേ​ക്ക്​ ​കൂ​ടി ആ​ക്കി​യാ​ൽ ത​ന്നെ ഇ​ത്ത​രം ല​ഹ​രി സം​ഘ​ങ്ങ​ളെ ബീ​ച്ചി​ൽ​നി​ന്ന്​ തു​ര​ത്താ​നാ​കും. എ​ന്നാ​ൽ, സ്​​പെ​ഷ​ൽ ബ്രാ​ഞ്ചി​ന്‍റെ ഉ​ൾ​പ്പെ​ടെ ശ്ര​ദ്ധ​യി​ൽ​പെ​ടു​ത്തി​യി​ട്ടും ഇ​തി​ന്​ ന​ട​പ​ടി ഉ​ണ്ടാ​കു​ന്നി​ല്ല. ബീ​ച്ചി​ലെ ഇ​രു​ട്ടും പൊ​ലീ​സി​ന്‍റെ അ​സാ​ന്നി​ധ്യ​വും പ​രി​ഹ​രി​ക്കേ​ണ്ട സ​മ​യം അ​തി​ക്ര​മി​ച്ചി​രി​ക്കു​ന്നു.

എ​വി​ടെ തീ​ര​സം​ര​ക്ഷ​ണ സ​മി​തി

ക​ല​ക്ട​ർ ചെ​യ​ർ​​പേ​ഴ്​​സ​ൻ ആ​യി മൂ​ന്ന്​ വ​ർ​ഷ​ങ്ങ​ൾ​ക്ക്​ മു​മ്പ്​ കൊ​ല്ലം ബീ​ച്ചി​ന്‍റെ സം​ര​ക്ഷ​ണ​ത്തി​നാ​യി രൂ​പ​വ​ത്ക​രി​ച്ച തീ​ര​സം​ര​ക്ഷ​ണ സ​മി​തി​യെ കു​റി​ച്ചും വി​വ​ര​മി​ല്ല. ഏ​താ​ണ്ട്​ എ​ല്ലാ സ​ർ​ക്കാ​ർ ഡി​പ്പാ​ർ​ട്ട്​​മെ​ന്‍റു​ക​ളു​ടെ​യും ചു​മ​ത​ല​ക്കാ​ർ അ​ട​ങ്ങു​ന്ന​താ​യി​രു​ന്നു സ​മി​തി. ബീ​ച്ച്​ കൃ​ത്യ​മാ​യി അ​ള​ന്ന്​ തി​രി​ച്ച്​ സ​ന്ദ​ർ​ശ​ക​രെ മ​റ്റ്​ ഭാ​ഗ​ങ്ങ​ളി​ലേ​ക്ക്​ വി​ടാ​തെ​യി​രി​ക്കാ​നും സു​ര​ക്ഷ ബോ​ർ​ഡു​ക​ൾ സ്ഥാ​പി​ക്കാ​നും പൊ​ലീ​സി​ന്‍റെ ശ​ക്ത​മാ​യ നി​രീ​ക്ഷ​ണ​വും ലൈ​ഫ്​ ഗാ​ർ​ഡു​മാ​രു​ടെ എ​ണ്ണ​ത്തി​ൽ വ​ർ​ധ​ന​യു​മു​ൾ​പ്പെ​ടെ സ​മി​തി ന​ട​പ്പാ​ക്കാ​ൻ ഉ​ദ്ദേ​ശി​ച്ചി​രു​ന്നു. എ​ന്നാ​ൽ, സ​മി​തി ക​ട​ലാ​സി​ൽ ഒ​തു​ങ്ങി​യ​തോ​ടെ അ​വ​ഗ​ണ​ന മാ​ത്രം ബാ​ക്കി​യാ​യി.