പാലക്കാട്: കോൺഗ്രസിൽ ആട്ടും ചവിട്ടുമേറ്റ് കെ. മുരളീധരൻ അസ്വസ്ഥനാണെന്നും അദ്ദേഹത്തോട് സഹതാപം മാത്രമെന്നും ബി.ജെ.പി സംസ്ഥാന അധ്യക്ഷൻ കെ സുരേന്ദ്രൻ. സ്വന്തം മാതാവിനെ അപമാനിച്ച സ്ഥാനാർഥിക്ക് വേണ്ടി മുരളീധരൻ സംസാരിക്കുന്നത് തനിക്ക് മനസിലാകുന്നില്ലെന്നും കെ.സുരേന്ദ്രൻ പറഞ്ഞു. കോൺഗ്രസിൽ എന്തിനാണ് അടിമയെ പോലെ കഴിയുന്നതെന്നും അദ്ദേഹം ചോദിച്ചു.
മാതാവിനെ ആക്ഷേപിച്ചയാൾക്കെതിരെ പത്മജ വേണുഗോപാൽ ശക്തമായ നിലപാടാണെടുത്തതെന്നും സുരേന്ദ്രൻ പറഞ്ഞു. കേരളം മുഴുവൻ ആരാധിക്കുന്ന കെ.കരുണാകരന്‍റെ ഭാര്യയെ അപമാനിച്ച തലതിരിഞ്ഞ ചെറുപ്പക്കാരനെന്നാണ് കെ.സുരേന്ദ്രൻ രാഹുൽ മാങ്കൂട്ടത്തെ വിശേഷിപ്പിച്ചത്.
പാലക്കാട് ബി.ജെ.പി രണ്ടാം സ്ഥാനത്ത് വരാനുള്ള സാധ്യത പോലുമില്ലെന്ന് കെ.മുരളീധരൻ മാധ്യമങ്ങളോട് പറഞ്ഞിരുന്നു. ചിലപ്പോൾ എൽ.ഡി.എഫ് രണ്ടാം സ്ഥാനത്ത് വരും. എന്തായാലും യു.ഡി.എഫ് ജയിക്കുമെന്ന കാര്യത്തിൽ ഉറപ്പാണ്. എന്ത് ഡീല്‍ നടന്നാലും പാലക്കാട് യു.ഡി.എഫ് തന്നെ ജയിക്കുമെന്ന് മുരളീധരൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.