തിരുവനന്തപുരം: കോണ്‍ഗ്രസ് നേതാക്കള്‍ തമ്മിലടി അവസാനിപ്പിക്കണമെന്ന് പ്രവര്‍ത്തക സമിതി അംഗം എ.കെ. ആന്‍റണി. തമ്മിലടി തുടര്‍ന്നാല്‍ കാല്‍ച്ചുവട്ടിലെ മണ്ണ് ഒലിച്ചുപോകുന്നത് അറിയില്ല. തമ്മിലടിക്കുന്ന പാര്‍ട്ടിയിലേക്ക് യുവാക്കള്‍ വരില്ളെന്നും ആന്‍റണി മാധ്യമപ്രവര്‍ത്തകരോട് പറഞ്ഞു. പാര്‍ട്ടി പുന$സംഘടനാ വിഷയത്തില്‍ ഇടഞ്ഞുനില്‍ക്കുന്ന ഉമ്മന്‍ ചാണ്ടി ഹൈകമാന്‍ഡുമായി ചര്‍ച്ചക്ക് ഡല്‍ഹിയിലേക്ക് പോകാനിരിക്കെയാണ് നേതാക്കളുടെ തമ്മിലടിക്കെതിരെ ആന്‍റണി മുന്നറിയിപ്പ് നല്‍കിയത്.
പാര്‍ട്ടിയുടെയും നേതാക്കളുടെയും കാലിനടിയിലെ മണ്ണ് ഒലിച്ചുപോയിട്ടുണ്ടെന്ന് ആന്‍റണി ചൂണ്ടിക്കാട്ടി. ഇത് പ്രതിരോധിക്കാന്‍ പാര്‍ട്ടിക്ക് ജനകീയ അടിത്തറ ഉണ്ടാക്കുന്നതിനെക്കുറിച്ചായിരിക്കണം നേതാക്കള്‍ ചിന്തിക്കേണ്ടത്. അതിനായി യാഥാര്‍ഥ്യ ബോധത്തോടെ പ്രവര്‍ത്തിക്കണം. സ്തുതിപാഠകര്‍ പറയുന്നത് നേതാക്കള്‍ കേള്‍ക്കരുത്. അതിനെക്കാള്‍ വിമര്‍ശകര്‍ പറയുന്നത് ശ്രദ്ധിക്കണമെന്നും ആന്‍റണി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.