ആലപ്പുഴ: കേരളത്തി‍ൻെറ യശസ്സ് വാനോളം ഉയർത്തിയ 2022 ലെ സന്തോഷ് ട്രോഫി ജേതാക്കൾക്ക് ആലപ്പുഴയിലെ കായിക പ്രേമികൾ സ്വീകരണവും വരവേൽപ്പും നൽകുമെന്ന് സംഘാടക സമിതി ജനറൽ കൺവീനറും ജില്ല ഫുഡ്ബാൾ അസോസിയേഷൻ പ്രസിഡന്‍റുമായ വി.ജി. വിഷ്ണു, വർക്കിങ്ങ് ചെയർമാൻ കെ.എ. വിജയകുമാർ, കൺവീനർ ബി.എച്ച്. രാജീവ്, ജില്ല ഒളിബിക്സ് അസോസിയേഷൻ സെക്രട്ടറി സി.ടി. സോജി,കുര്യൻ ജെയിംസ്, റെമിജി ഓസ്കാർ എന്നിവർ വാർത്തസമ്മേളനത്തിൽ അറിയിച്ചു. ജില്ല പഞ്ചായത്ത്പ്രസിഡന്‍റ് കെ.ജി. രാജേശ്വരി, നഗരസഭ ചെയർപേഴ്സൻ സൗമ്യാ രാജ് എന്നിവരുടെ നേതൃത്വത്തിലാണ് ജേതാക്കളെ വരവേൽക്കുന്നത്. വെള്ളിയാഴ്ച വൈകീട്ട് എസ്.ഡി.വി സെന്‍റിനറി ഹാളിലാണ് സ്വീകരണം. 26 പേരുള്ള ടീമിനെ വൈകീട്ട് നാലിന് മുല്ലയ്ക്കൽ സീറോ ജങ്ഷനിൽനിന്ന് തുറന്ന വാഹനത്തിൽ സ്വീകരണ സ്ഥലത്തേക്ക് ആനയിക്കും. ആലപ്പുഴയിലെ വിവിധ സംഘടനകൾ താരങ്ങൾക്ക് ഉപഹാരം നൽകും. 27ന് രാവിലെ ആലപ്പുഴയിൽ എത്തുന്ന ടീം സന്തോഷ് ട്രോഫിപ്രദർശിപ്പിച്ചുകൊണ്ട് കുട്ടനാട് പ്രദേശങ്ങൾ സന്ദർശിച്ച് ഹൗസ് ബോട്ടിൽ കായൽ സവാരി നടത്തും. കേരള ഫുട്ബാൾ ഹോണററി പ്രസിഡന്‍റ് കെ.എം.എ മേത്തർ, പ്രസിഡന്‍റ് ടോം ജോസ്, സെക്രട്ടറി അനിൽകുമാർ തുടങ്ങിയവർ പങ്കെടുക്കും
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.