വള്ളികുന്നം: വള്ളികുന്നത്തെ അയ്യൻകാളി സാംസ്കാരിക സമിതിക്കുനേരെ ആക്രമണം നടത്തിയ പ്രതികൾ പിടിയിൽ. വള്ളികുന്നം രാഹുൽ ഭവനത്തിൽ ഗോകുൽ (ഉണ്ണി 24), വള്ളികുന്നം കോട്ടയ്ക്കകത്ത് വീട്ടിൽ പ്രത്യുഷ് ( ഉണ്ണി 32), വള്ളികുന്നം കാരാഴ്മ അസീം ഭവനത്തിൽ അസിം (22), താമരക്കുളം കണ്ണനാകുഴി ശ്രീകൃഷ്ണ ഭവനത്തിൽ ദീപു ( ചിക്കു -33), വള്ളികുന്നം അഖിൽ ഭവനത്തിൽ വീട്ടിൽ അഖിൽ (നന്ദു -24), വള്ളികുന്നം ആകാശ് ഭവനത്തിൽ ആകാശ് (സുമിത് -27), വള്ളികുന്നം ആതിരാലയത്തിൽ അനന്ദു പ്രകാശ് (30) എന്നിവരെയാണ് വള്ളികുന്നം പൊലീസ് അറസ്റ്റ് ചെയ്തത്. 23ന് രാത്രിയായിരുന്നു സംഭവം.
ഇവരുടെ ആക്രമണത്തിൽ വള്ളികുന്നം ഗിരീഷ് ഭവനത്തിൽ ഗിരീഷ് (42), കോയിക്കര തറയിൽ വിഷ്ണു (28), കൊണ്ടോടി മുകളിൽ സുരേഷ് ഭവനത്തിൽ സുരേഷ് (38) എന്നിവർക്ക് പരിക്കേറ്റിരുന്നു.
അക്രമി സംഘത്തിന്റെ അഴിഞ്ഞാട്ടത്തിൽ അയ്യൻകാളി സമിതിയുടെ ജനലുകളും കസേരകളും തകർന്നിരുന്നു.
ബഹളം കേട്ട് ഓടിയെത്തിയവരെയും വഴിയോരത്ത് നിന്നവരെയുമാണ് ആക്രമിച്ചത്. പ്രദേശത്ത് ഭീകരാന്തരീക്ഷം സൃഷ്ടിച്ച ശേഷം മുങ്ങിയ പ്രതികളെ വിവിധ സ്ഥലങ്ങളിൽനിന്നുമാണ് പിടികൂടിയത്. ചെങ്ങന്നൂർ ഡിവൈ.എസ്.പി എം.കെ. ബിനുകുമാറിന്റെ നേതൃത്വത്തിൽ എസ്.ഐ കെ. അജിത്തും സംഘവുമാണ് ഇവരെ കസ്റ്റഡിയിൽ എടുത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.