യുവാവിനെ കൊലപ്പെടുത്താൻ ശ്രമം; മൂന്ന് പേർ പിടിയിൽ

ചേ​ർ​ത്ത​ല: യു​വാ​വി​നെ ആ​ക്ര​മി​ച്ച്​ കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ മൂ​ന്ന് പേ​രെ അ​ർ​ത്തു​ങ്ക​ൽ പൊ​ലീ​സ് അ​റ​സ്റ്റു ചെ​യ്തു. മാ​രാ​രി​ക്കു​ളം വ​ട​ക്ക് പ​ഞ്ചാ​യ​ത്ത് പ​തി​നാ​റാം വാ​ർ​ഡി​ൽ മാ​രാ​രി​ക്കു​ളം വ​ട​ക്ക് ജി​ക്കു ഭ​വ​ന​ത്തി​ൽ ആ​ദി​ത്ത് (28), മാ​രാ​രി​ക്കു​ളം വ​ട​ക്ക് പ​ഞ്ചാ​യ​ത്ത് പ​തി​നാ​റാം വാ​ർ​ഡി​ൽ പാ​വ​നാ​ട് കോ​ള​നി​യി​ൽ ദീ​പു​മോ​ൻ (30), മാ​രാ​രി​ക്കു​ളം വ​ട​ക്ക് പ​ഞ്ചാ​യ​ത്ത് പ​തി​ന​ഞ്ചാം വാ​ർ​ഡി​ൽ ന​ടു​വി​ലെ വീ​ട് ജോ​മോ​ൻ (27) എ​ന്നി​വ​രെ​യാ​ണ് അ​റ​സ്റ്റ് ചെ​യ്ത​ത്. ഗു​രു​ത​ര പ​രി​ക്കേ​റ്റ മാ​രാ​രി​ക്കു​ളം വ​ട​ക്കു​പ​ഞ്ചാ​യ​ത്ത് പ​തി​നാ​റാം വാ​ർ​ഡി​ൽ പ​റ​മ്പ് കാ​ട് മ​റ്റം വീ​ട് രാ​ജേ​ഷ് കു​മാ​ർ (39) ആ​ല​പ്പു​ഴ വ​ണ്ടാ​നം മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​ണ്.

സെ​പ്റ്റം​ബ​ർ എ​ട്ടി​ന്​ രാ​ത്രി ഒ​മ്പ​തോ​ടെ ക​ണി​ച്ചു​കു​ള​ങ്ങ​ര​യി​ലെ ക​ര​പ്പു​റം ബാ​റി​ന് സ​മീ​പം വെ​ച്ചാ​ണ് ഇ​വ​ർ അ​ക്ര​മം ന​ട​ത്തി​യ​ത്. ഹെ​ൽ​മ​റ്റും ക​ല്ലും ഉ​പ​യോ​ഗി​ച്ചു​ള്ള ആ​ക്ര​മ​ണ​ത്തി​ൽ രാ​ജേ​ഷ് കു​മാ​റി​ന്റെ വാ​രി​യെ​ല്ലു​ക​ൾ​ക്കും ത​ല​യോ​ട്ടി​ക്കും പൊ​ട്ട​ലു​ണ്ടാ​യി. രാ​ജേ​ഷി​നെ ആ​ദി​ത്ത് സ​ഹാ​യി​ച്ച​തു​മാ​യി ബ​ന്ധ​പ്പെ​ട്ട പ്ര​തി​ഫ​ലം ന​ൽ​കി​യി​ല്ലെ​ന്ന കാ​ര​ണം പ​റ​ഞ്ഞാ​ണ് അ​ക്ര​മം ന​ട​ത്തി​യ​ത്.

ക​ര​പ്പു​റം ബാ​റി​ന് സ​മീ​പം മൂ​ന്ന് പ്ര​തി​ക​ളും ചേ​ർ​ന്ന് രാ​ജേ​ഷി​ന്‍റെ ബൈ​ക്ക് ത​ട​ഞ്ഞ്​ നി​ർ​ത്തു​ക​യും മ​ദ്യ​പി​ക്കു​ന്ന​തി​ന് പ​ണം ആ​വ​ശ്യ​പ്പെ​ടു​ക​യും ചെ​യ്തു. പ​ണം ന​ൽ​കാ​ത്ത​തി​നെ തു​ട​ർ​ന്ന് പ്ര​കോ​പി​ത​രാ​യ മൂ​വ​രും ചേ​ർ​ന്ന് രാ​ജേ​ഷി​നെ മ​ർ​ദി​ക്കു​ക​യാ​യി​രു​ന്നു.

അ​ക്ര​മ ശേ​ഷം ഒ​ളി​വി​ൽ പോ​യ പ്ര​തി​ക​ളെ അ​ർ​ത്തു​ങ്ക​ൽ സി.​ഐ പി.​ജി. മ​ധു, എ​സ്.​ഐ സ​ജീ​വ് കു​മാ​ർ, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ സേ​വ്യ​ർ, കെ.​ആ​ർ. ബൈ​ജു, ഗി​രീ​ഷ്, അ​രു​ൺ, പ്ര​വി​ഷ്, ജി​തി​ൻ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്.