തൃപ്പക്കുടം റെയിൽ ക്രോസ് കടക്കാൻ പെടാപ്പാട്

ഹ​രി​പ്പാ​ട്: ഹ​രി​പ്പാ​ട്-​വീ​യ​പു​രം റോ​ഡി​ലെ തൃ​പ്പ​ക്കു​ടം റെ​യി​ൽ​ ക്രോ​സ് ക​ട​ക്കാ​ൻ പെ​ടാ​പ്പാ​ട് പെ​ടു​ക​യാ​ണ് യാ​ത്ര​ക്കാ​ർ. യാ​ത്രാ പ്ര​തി​സ​ന്ധി നേ​രി​ടു​മ്പോ​ഴും പ്ര​ശ്ന​ങ്ങ​ൾ പ​രി​ഹ​രി​ക്കാ​തെ റെ​യി​ൽ​വേ ജ​ന​ത്തെ ദ്രോ​ഹി​ക്കു​ക​യാ​ണ്. തി​ര​ക്കേ​റെ​യു​ള്ള ഹ​രി​പ്പാ​ട്-​വീ​യ​പു​രം-​തി​രു​വ​ല്ല റോ​ഡി​ലെ തൃ​പ്പ​ക്കു​ടം റെ​യി​ൽ​വേ ക്രോ​സി​ലൂ​ടെ​യു​ള്ള യാ​ത്ര ദു​ഷ്ക​ര​മാ​കാ​ൻ തു​ട​ങ്ങി​യി​ട്ട് മാ​സ​ങ്ങ​ളാ​യി. റോ​ഡി​ന്‍റെ അ​ശാ​സ്ത്രീ​യ നി​ർ​മാ​ണ​മാ​ണ് പ്ര​ശ്ന​ങ്ങ​ൾ​ക്ക് കാ​ര​ണം. ഇ​തു​മൂ​ലം യാ​ത്ര​ക്കാ​ർ അ​നു​ഭ​വി​ക്കു​ന്ന ദു​രി​തം ചി​ല്ല​റ​യ​ല്ല.

സാ​ഹ​സി​ക​മാ​യി വാ​ഹ​ന​മോ​ടി​ച്ചാ​ൽ മാ​ത്ര​മേ ക്രോ​സ് ക​ട​ക്കാ​ൻ ക​ഴി​യു​ക​യു​ള്ളൂ. റെ​യി​ൽ ക്രോ​സി​ലേ​ക്ക് വാ​ഹ​ന​ങ്ങ​ൾ ക​യ​റി​യാ​ൽ വ​ലി​യ കു​ഴി​ക​ൾ താ​ണ്ടി ക്ക​ട​ക്കേ​ണ്ട​തു​ണ്ട്. പാ​ള​ങ്ങ​ൾ ഉ​യ​ർ​ന്നും അ​തി​ന് ഇ​ട​യി​ലു​ള്ള ഭാ​ഗം ഏ​റെ താ​ഴ്ന്നു​മാ​ണ്.

ഗേ​റ്റ് തു​റ​ക്കു​ന്ന തി​ര​ക്കു​ള്ള സ​മ​യ​ങ്ങ​ളി​ൽ പ്ര​തി​സ​ന്ധി രൂ​ക്ഷ​മാ​ണ്. സ്ത്രീ​ക​ളും വ​യോ​ധി​ക​രു​മാ​ണ് പ്ര​യാ​സം അ​നു​ഭ​വി​ക്കു​ന്ന​ത്. കു​ഴി ക​ട​ക്കാ​നാ​കാ​തെ വാ​ഹ​ന​ങ്ങ​ൾ നി​ന്നു​പോ​കു​ന്ന​ത് രൂ​ക്ഷ​മാ​യ ഗ​താ​ഗ​ത​ക്കു​രു​ക്കി​ന് കാ​ര​ണ​മാ​കു​ന്നു. ഇ​രു​ച​ക്ര​വാ​ഹ​ന യാ​ത്രി​ക​ർ അ​പ​ക​ട​ത്തി​ൽ​പെ​ടു​ന്ന​തും പ​തി​വാ​യി.

ഇ​ര​ട്ട​പ്പാ​ത​ക​ൾ​ക്കി​ട​യി​ലെ റോ​ഡ്​ ന​ടു​വൊ​ടി​യു​ന്ന രീ​തി​യി​ലാ​ണ് റെ​യി​ൽ​വേ നി​ർ​മി​ച്ചി​ട്ടു​ള്ള​ത്. നി​ർ​മാ​ണ​ത്തി​ൽ അ​പാ​ക​ത​ക​ൾ ഏ​റെ​യാ​ണ്. തി​ര​ക്കു​ള്ള റോ​ഡാ​ണെ​ന്ന പ​രി​ഗ​ണ​ന​പോ​ലു​മി​ല്ലാ​തെ നി​ർ​മാ​ണം പ്ര​ഹ​സ​ന​മാ​ക്കു​ക​യാ​ണ് ബ​ന്ധ​പ്പെ​ട്ട​വ​ർ ചെ​യ്തി​ട്ടു​ള്ള​ത്. അ​മി​ത​മാ​യ പൊ​ക്ക​വും താ​ഴ്ച​യു​മാ​ണ് വാ​ഹ​ന​ങ്ങ​ൾ ക​ട​ന്നു​പോ​കു​ന്ന​തി​ന് ത​ട​സ്സ​മാ​കു​ന്ന​ത്.

പാ​ള​ങ്ങ​ളു​ടെ ന​ടു​ഭാ​ഗത്തെ മെ​റ്റ​ലു​ക​ൾ ഇ​ള​കി​മാ​റി കു​ഴി​ക​ളാ​യി കി​ട​ക്കു​ക​യാ​ണ്. വാ​ഹ​ന​ങ്ങ​ളു​ടെ അ​ടി​ഭാ​ഗം നി​ല​ത്തി​ടി​ച്ചാ​ണ് ക​ട​ന്നു​പോ​കു​ന്ന​ത്. കോ​ൺ​ക്രീ​റ്റ് സ്ലാ​ബു​ക​ളും പാ​റ​ക്ക​ഷ​ണ​ങ്ങ​ളും ഇ​ള​കി കി​ട​ക്കു​ന്ന​തും പ്ര​യാ​സം സൃ​ഷ്ടി​ക്കു​ന്നു. പി​ന്നി​ൽ ഇ​രി​ക്കു​ന്ന​യാ​ളെ ഇ​റ​ക്കി​യ​തി​ന് ശേ​ഷ​മാ​ണ് സ്ത്രീ​ക​ളും വ​യോ​ധി​ക​രും ഇ​രു​ച​ക്ര​വാ​ഹ​ന​ങ്ങ​ളി​ൽ ക​ട​ക്കു​ന്ന​ത്. കു​ട്ടി​ക​ളു​മാ​യി യാ​ത്ര ചെ​യ്യു​ന്ന​വ​രു​ടെ ദു​രി​തം ഏ​റെ​യാ​ണ്.

കെ.​എ​സ്.​ആ​ർ.​ടി.​സി ബ​സ് പാ​ള​ത്തി​ൽ കു​ടു​ങ്ങി​യ സം​ഭ​വം ഉ​ണ്ടാ​യി​ട്ടു​ണ്ട്. അ​റ്റ​കു​റ്റ​പ്പ​ണി​ക്കാ​യി ഒ​രു മാ​സം അ​ട​ച്ചി​ട്ട റെ​യി​ൽ​വേ ഗേ​റ്റ് പി​ന്നീ​ട് തു​റ​ന്ന​പ്പോ​ഴാ​ണ് ദു​രി​ത​ങ്ങ​ൾ കൂ​ടി​യ​ത്.പി​ന്നീ​ട് മൂ​ന്നു​മാ​സം മു​മ്പ് വീ​ണ്ടും അ​റ്റ​കു​റ്റ​പ്പ​ണി ന​ട​ത്തി​യെ​ങ്കി​ലും ഭാ​ഗി​ക​മാ​യി മാ​ത്ര​മാ​ണ് പ്ര​ശ്നം പ​രി​ഹ​രി​ച്ച​ത്. പ​ല​പ്രാ​വ​ശ്യം റെ​യി​ൽ​വേ ഉ​ദ്യോ​ഗ​സ്ഥ​രു​ടെ ശ്ര​ദ്ധ​യി​ൽ​പെ​ടു​ത്തി​യി​ട്ടും ഇ​തു​വ​രെ ദു​രി​ത​യാ​ത്ര​ക്ക്​ അ​റു​തി​യാ​യി​ട്ടി​ല്ല.