എരുവയുടെ ഹൃദയം കവർന്ന അബ്ദുൽസലാം

കാ​യം​കു​ളം: കേ​ൾ​ക്കാ​നും പ​റ​യാ​നു​മാ​വി​ല്ലെ​ങ്കി​ലും എ​രു​വ ചെ​മ്പ​ക​പ്പ​ള്ളി മ​സ്ജി​ദി​ൽ ഹി​ദ്മ​ത്തു​കാ​ര​നാ​യി അ​ബ്ദു​ൽ സ​ലാം നി​റ​ഞ്ഞു​നി​ൽ​ക്കു​ക​യാ​ണ്. ഹൃ​ദ്യ​മാ​യ സ​മീ​പ​ന​ങ്ങ​ളാ​ൽ വൈ​ക​ല്യ​ങ്ങ​ളെ അ​തി​ജീ​വി​ച്ച എ​രു​വ കോ​ൽ​ത്തഛ​ൻ മു​റി​യി​ൽ അ​ബ്ദു​ൽ സ​ലാ​മി​ന്‍റെ (52) സേ​വ​ന​വ​ഴി​യി​ലെ സ​ഞ്ചാ​ര​ത്തി​നും പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്.

‘ആ​ദാ​മി​ന്‍റെ മ​ക​ൻ അ​ബു​വി​നെ’ ഓ​ർ​മി​പ്പി​ക്കു​ന്ന സേ​വ​ന​പ്ര​വൃ​ത്തി​ക​ളാ​ണ് ബ​ധി​ര​നും മൂ​ക​നു​മാ​യ സ​ലാ​മി​നെ വേ​റി​ട്ട് നി​ർ​ത്തു​ന്ന​ത്. പ​ള്ളി​യാ​യാ​ലും ക​ല്യാ​ണ വീ​ടാ​യാ​ലും മ​ര​ണ​വീ​ടാ​യാ​ലും കാ​ര്യ​ങ്ങ​ൾ വേ​ഗ​ത്തി​ൽ മു​ന്നോ​ട്ട് പോ​കു​ന്ന​തി​ൽ സ​ലാ​മി​ന്‍റെ ഇ​ട​പെ​ട​ലു​ണ്ടാ​കും.

വൈ​ക​ല്യ​ത്തി​​​​​​​ന്‍റെ ദു​ര​വ​സ്ഥ​യി​ൽ മൂ​ന്നാം​ക്ലാ​സി​ൽ പ​ഠി​പ്പ് നി​ർ​ത്തി​യ​തോ​ടെ​യാ​ണ് നാ​ട്ടി​ൽ സ​ഹാ​യി​യു​ടെ റോ​ൾ തെ​ര​ഞ്ഞെ​ടു​ക്കു​ന്ന​ത്. 12 വ​യ​സ്സി​ൽ തു​ട​ങ്ങി​യ പ​ന്ത​ൽ പ​ണി​ക്കാ​ര​ന്‍റെ ജോ​ലി ഇ​പ്പോ​ഴു​മു​ണ്ട്. എ​ത്തു​ന്ന ഇ​ട​ങ്ങ​ളി​ലെ​ല്ലാം വേ​ഗ​ത്തി​ൽ സൗ​ഹൃ​ദം കൂ​ടു​ന്ന പ്ര​കൃ​ത​മാ​ണ് ഇ​ദ്ദേ​ഹ​ത്തി​ന്‍റെ പ്ര​ത്യേ​ക​ത.

നാ​ട്ടി​ലെ എ​ല്ലാ​പ​രി​പാ​ടി​ക​ളു​ടെ​യും വീ​ടു​ക​ളി​ലെ ച​ട​ങ്ങു​ക​ളു​ടെ​യും മു​ൻ​നി​ര​യി​ൽ സ​ലാ​മു​ണ്ടാ​കും. വീ​ട്ടി​ലെ​ത്തു​ന്ന​വ​രെ സ്വീ​ക​രി​ക്കു​ന്ന​ത് മു​ത​ൽ വൈ​കി​ട്ട് എ​ല്ലാം ഒ​തു​ക്കു​ന്ന​ത് വ​രെ മേ​ൽ​നോ​ട്ട​ക്കാ​ര​നാ​യി നി​റ​ഞ്ഞു​നി​ൽ​ക്കും. പാ​ച​കം അ​റി​യാ​വു​ന്ന​തി​നാ​ൽ ഇ​ട​ക്ക് ‘പ​ണ്ടാ​രി​യാ​യും’ മാ​റും.

ചെ​മ്പ​ക​പ്പ​ള്ളി കൂ​ടാ​തെ നൈ​നാ​രേ​ത്ത് മ​സ്ജി​ദും ഇ​ദ്ദേ​ഹ​ത്തി​​ന്‍റെ പ്ര​വ​ർ​ത്ത​ന മേ​ഖ​ല​യാ​ണ്. ഓ​രോ​വ​ർ​ഷ​വും മാ​റി മാ​റി ര​ണ്ട് പ​ള്ളി​യി​ലും സേ​വ​ന​ത്തി​ന് എ​ത്തും. ഇ​ത്ത​വ​ണ ചെ​മ്പ​ക​പ്പ​ള്ളി മ​സ്ജി​ദി​ലെ കാ​ര്യ​ക്കാ​ര​ന്‍റെ ചു​മ​ത​ല​യാ​ണ് നി​ർ​വ​ഹി​ക്കു​ന്ന​ത്. പാ​ച​ക സ​ഹാ​യി​യും വി​ള​മ്പു​കാ​ര​നാ​യും തു​ട​ങ്ങി എ​ല്ലാ​ത്തി​ന്‍റെ​യും മേ​ൽ​നോ​ട്ട​ക്കാ​ര​നാ​യി മാ​റും.

പ​ള്ളി​ക​ളി​ൽ നാ​ല് പ​തി​റ്റാ​ണ്ടാ​യി തു​ട​രു​ന്ന സേ​വ​ന​സ്ഥാ​നം മ​റ്റാ​ർ​ക്കും വി​ട്ടു​കൊ​ടു​ക്കാ​റി​ല്ല. വാ​ട്സാ​പ്പ് അ​ക്കൗ​ണ്ട് തു​ട​ങ്ങി​യ​തോ​ടെ ത​ന്‍റെ സ്​​റ്റൈ​ല​ൻ ചി​ത്ര​ങ്ങ​ളു​മാ​യി സ​മൂ​ഹ​മാ​ധ്യ​മ​ങ്ങ​ളി​ലും സ​ജീ​വ​മാ​ണ്.