കായംകുളത്തൊരു നവകേരള അറവുശാല വിവാദം

കാ​യം​കു​ളം: ന​ഗ​ര​മ​ധ്യ​ത്തി​ൽ ഏ​റെ നാ​ളാ​യി പ്ര​വ​ർ​ത്തി​ക്കു​ന്ന അ​റ​വു​ശാ​ല​ക്ക് അ​ട​ച്ചു​റ​പ്പി​ല്ലെ​ന്ന് ന​ഗ​ര​സ​ഭ ഉ​ദ്യോ​ഗ​സ്ഥ​ർ​ക്ക് മ​ന​സ്സി​ലാ​യ​ത് ‘ന​വ​കേ​ര​ള സ​ദ​സ്സി​ന്‍റെ’ പ​ശ്ചാ​ത്ത​ല​ത്തി​ൽ മാ​ത്രം. ഇ​പ്പോ​ൾ പു​ലി​വാ​ൽ പി​ടി​ച്ച സ്ഥി​തി​യി​ലാ​ണ് ഉ​ദ്യോ​ഗ​സ്ഥ​ർ.

ന​വ​കേ​ര​ള സ​ദ​സ്സ് വേ​ദി​യു​ടെ നൂ​റ് മീ​റ്റ​ർ ദൂ​ര​ത്താ​ണ് ആ​ധു​നി​ക​മെ​ന്ന് വി​ശേ​ഷി​പ്പി​ക്കു​ന്ന അ​റ​വു​ശാ​ല. മൃ​ഗ​ങ്ങ​ളു​ടെ ത​ല​യും മ​റ്റും ഇ​വി​ടെ പ്ര​ദ​ർ​ശി​പ്പി​ക്കു​ന്ന​ത് ക​ഴി​ഞ്ഞ ദി​വ​സ​മാ​ണ് ഉ​ദ്യോ​ഗ​സ്ഥ​ർ കാ​ണു​ന്ന​ത്. ഇ​റ​ച്ചി മ​റ​വി​ല്ലാ​തെ റോ​ഡ​രി​കി​ൽ തൂ​ക്കി​യി​ട്ടി​രി​ക്കു​ന്നു.

അ​റ​വു​മാ​ലി​ന്യ​ങ്ങ​ൾ ക​രി​പ്പു​ഴ തോ​ട്ടി​ലേ​ക്കാ​ണ് ഒ​ഴു​കി എ​ത്തു​ന്ന​ത്. ഇ​ത്​ മ​ന്ത്രി​മാ​രു​ടെ​യും ഉ​ന്ന​ത ഉ​ദ്യോ​ഗ​സ്ഥ​രു​ടെ​യും ക​ണ്ണി​ൽ​പ്പെ​ട്ടാ​ലു​ള്ള സ്ഥി​തി​യാ​ണ് ന​ഗ​ര​ത്തി​ലെ ഉ​ദ്യോ​ഗ​സ്ഥ​രെ അ​ങ്ക​ലാ​പ്പി​ലാ​ക്കി​യ​ത്. അ​റ​വു​ശാ​ല​ക്ക്​ വി​ളി​പ്പാ​ട് വേ​ദി വ​രു​മെ​ന്ന് സ്വ​പ്ന​ത്തി​ൽ പോ​ലും ക​രു​തി​യി​ല്ല. ക​രി​പ്പു​ഴ ക​നാ​ലി​ൽ നി​ന്നു​ള്ള കാ​റ്റി​ൽ ദു​ർ​ഗ​ന്ധം മു​ഖ്യ​മ​ന്ത്രി​യു​ടെ​യും ആ​രോ​ഗ്യ - ത​ദ്ദേ​ശ മ​ന്ത്രി​മാ​രു​ടെ​യും നേ​രെ ത​ന്നെ അ​ടി​ച്ചു വീ​ശി​യാ​ലു​ള്ള അ​വ​സ്ഥ ഓ​ർ​ത്തി​ട്ട് ഉ​റ​ക്ക​വും പോ​യി​രി​ക്കു​ക​യാ​ണ്.

ഇ​തോ​ടെ ഇ​റ​ച്ചി മൂ​ടി​യി​ട​ണ​മെ​ന്ന് ക​ച്ച​വ​ട​ക്കാ​രെ​ ര​ഹ​സ്യ​മാ​യി അ​റി​യി​ച്ചു. എ​ന്നാ​ൽ വാ​ർ​ത്ത ന​ഗ​ര​മാ​കെ വ്യാ​പി​ച്ച​തോ​ടെ കാ​ര്യ​ങ്ങ​ൾ കൈ​വി​ട്ട അ​വ​സ്ഥ​യി​ലാ​യി. അ​റ​വു​ശാ​ല​യും അ​നു​ബ​ന്ധ സ്റ്റാ​ളു​ക​ളും അ​ട​ച്ചി​ട​ണ​മെ​ന്ന് ആ​രോ​ഗ്യ​വി​ഭാ​ഗം ഉ​ത്ത​ര​വ് ന​ൽ​കി​യ​താ​യ വാ​ർ​ത്ത​ക​ൾ വാ​സ്ത​വ​വി​രു​ദ്ധ​മാ​ണെ​ന്നാ​ണ് ചെ​യ​ർ​പേ​ഴ്സ​ൺ പി. ​ശ​ശി​ക​ല പ​റ​യു​ന്ന​ത്. നി​ല​വി​ലെ അ​റ​വു​ശാ​ല കാ​ല​പ്പ​ഴ​ക്ക​ത്താ​ൽ ജീ​ർ​ണാ​വ​സ്ഥ​യി​ലാ​യ​തി​നാ​ൽ മു​ന്നി​ൽ പ്ര​ത്യേ​ക ത​ട്ട് നി​ർ​മി​ച്ച് മാം​സം പ്ര​ദ​ർ​ശി​പ്പി​ക്കു​ന്ന രീ​തി​യാ​ണ് വ്യാ​പാ​രി​ക​ൾ ചെ​യ്തു​വ​രു​ന്ന​ത്.

മാ​ടു​ക​ളു​ടെ ത​ല​യു​ൾ​പ്പെ​ടെ പ്ര​ദ​ർ​ശി​പ്പി​ക്കു​ന്ന​ത് നി​യ​മ​പ​ര​മ​ല്ലാ​ത്ത​തി​നാ​ൽ അ​ത്ത​രം പ്ര​വൃ​ത്തി​ക​ൾ ഒ​ഴി​വാ​ക്ക​ണ​മെ​ന്ന് ഒ​രാ​ഴ്ച മു​മ്പ് ന​ട​ത്തി​യ പ​രി​ശോ​ധ​ന​ക്കി​ടെ ഉ​ദ്യോ​ഗ​സ്ഥ​ർ നി​ർ​ദേ​ശി​ക്കു​ക​യാ​ണ്​ ചെ​യ്ത​തെ​ന്നാ​ണ്​ ചെ​യ​ർ​പേ​ഴ്സ​ൺ പ​റ​യു​ന്ന​ത്. ന​വ​കേ​ര​ള സ​ദ​സ്സി​ന്‍റെ പേ​രി​ൽ ഇ​റ​ച്ചി ക​ട​ക​ൾ അ​ട​പ്പി​ക്കാ​നു​ള്ള നീ​ക്കം ഉ​പേ​ക്ഷി​ക്ക​ണ​മെ​ന്നാ​ണ് യു.​ഡി.​എ​ഫ് ക​ൺ​വീ​ന​ർ എ.​എം. ക​ബീ​ർ ആ​വ​ശ്യ​പ്പെ​ടു​ന്ന​ത്. മു​ൻ​വ​ശം പൂ​ർ​ണ​മാ​യും മൂ​ട​ണ​മെ​ന്നും അ​ല്ലാ​ത്ത​പ​ക്ഷം അ​ന്നേ​ദി​വ​സം ക​ച്ച​വ​ടം പാ​ടി​ല്ലെ​ന്നു​മാ​ണ് പൊ​ലീ​സ് നി​ർ​ദേ​ശി​ച്ച​തെ​ന്നാ​ണ് യു.​ഡി.​എ​ഫ് പ​റ​യു​ന്ന​ത്. ഒ​രു​പ​ടി​കൂ​ടി ക​ട​ന്ന് ഹോ​ട്ട​ലു​ക​ളും ത​ട്ടു​ക​ട​ക​ളും അ​ട​ക്കാ​ൻ നി​ർ​ദേ​ശി​ച്ച​താ​യും കു​റ്റ​പ്പെ​ടു​ത്തു​ന്നു. ത​ങ്ങ​ൾ ആ ​വ​ഴി​ക്ക് പോ​യി​ട്ടു​പോ​ലു​മി​ല്ലെ​ന്നാ​ണ്​ പൊ​ലീ​സി​ന്‍റെ വി​ശ​ദീ​ക​ര​ണം.