ഫാത്തിമ, ഐഷ ഷദീർ
മണ്ണഞ്ചേരി: പി.പി.ഇ കിറ്റിെൻറ ശ്വാസം മുട്ടുന്ന അനുഭവത്തിൽ കോവിഡ് ബാധിതരായി പരീക്ഷയെഴുതിയ കുട്ടികൾ എസ്.എസ്.എൽ.സിയിൽ ഉയർന്ന വിജയം നേടി. മണ്ണഞ്ചേരി ഗവ. ഹൈസ്കൂളിലെ എസ്. ഫാത്തിമ, ബി.എസ്. ഐഷ ഷദീർ എന്നിവരാണ് വിജയിച്ചത്. അഞ്ച് എ പ്ലസ്, നാല് എ, ഒരു ബി പ്ലസ് നേടിയാണ് വാട്ടർ ട്രാൻസ്‌പോർട്ട് ബോട്ട് മാസ്റ്റർ മണ്ണഞ്ചേരി ആറാം വാർഡ്‌ കോവൂർ വീട്ടിൽ എ. സിറാജുദ്ദീെൻറയും സീനത്തിെൻറയും മകളായ ഫാത്തിമ വിജയിച്ചത്.
രണ്ട് പരീക്ഷ കഴിഞ്ഞപ്പോഴാണ് കോവിഡ് പോസിറ്റിവ് ആയത്. ആറ് എ പ്ലസ്, ഒരു എ, മൂന്ന് ബി കരസ്ഥമാക്കിയാണ് മണ്ണഞ്ചേരി ചിയാംവെളി ബ്ലാവത്ത് വീട്ടിൽ കെ.എ. ഷദീർ-ജസിയ ദമ്പതികളുടെ മകളായ ഐഷ വിജയിച്ചത്. ആദ്യപകുതി പരീക്ഷകൾ കഴിഞ്ഞപ്പോഴാണ് പോസിറ്റിവ് ആയത്. പരീക്ഷക്കായി എല്ലാ സൗകര്യവും ചെയ്തുതന്ന അധ്യാപകർക്കും അധികൃതർക്കും നന്ദി പറയുകയാണ് ഈ കുട്ടികൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.