വേമ്പനാട്ട്​ കായൽ പുനരുജ്ജീവനം രണ്ടാം ഘട്ടം; 3.6 ടണ്‍ പ്ലാസ്റ്റിക് മാലിന്യം ശേഖരിച്ചു

ആ​ല​പ്പു​ഴ: വേ​മ്പ​നാ​ട് കാ​യ​ലി​ന്റെ പു​ന​രു​ജ്ജീ​വ​നം ല​ക്ഷ്യ​മി​ട്ട് ആ​ല​പ്പു​ഴ ന​ഗ​ര​സ​ഭ​യും ജി​ല്ല ഭ​ര​ണ​കൂ​ട​വും റോ​ട്ട​റി ക്ല​ബും സം​ഘ​ടി​പ്പി​ച്ച പ്ലാ​സ്റ്റി​ക് മു​ക്ത വേ​മ്പ​നാ​ട് മെ​ഗാ ശു​ചീ​ക​ര​ണ കാ​മ്പ​യി​ന്‍റെ ര​ണ്ടാം​ഘ​ട്ട​ത്തി​ല്‍ 3.6 ട​ണ്‍ പ്ലാ​സ്റ്റി​ക് മാ​ലി​ന്യം ശേ​ഖ​രി​ച്ചു​നീ​ക്കി.

ശ​നി​യാ​ഴ്ച രാ​വി​ലെ പു​ന്ന​മ​ട ഫി​നി​ഷി​ങ്​ പോ​യ​ന്‍റി​ൽ ന​ട​ന്ന ശു​ചീ​ക​ര​ണം ക​ല​ക്ട​ർ അ​ല​ക്സ് വ​ർ​ഗീ​സ് ഫ്ലാ​ഗ് ഓ​ഫ് ചെ​യ്തു. ന​ഗ​ര​സ​ഭ ചെ​യ​ർ​പേ​ഴ്സ​ൻ കെ.​കെ. ജ​യ​മ്മ അ​ധ്യ​ക്ഷ​ത​വ​ഹി​ച്ചു. പു​ന്ന​മ​ട ഫി​നി​ഷി​ങ്​ പോ​യ​ന്‍റി​ൽ ആ​രം​ഭി​ച്ച മെ​ഗാ ശു​ചീ​ക​ര​ണം തു​ട​ര്‍ന്ന് കു​ട്ട​നാ​ട​ൻ ഭാ​ഗ​ങ്ങ​ളി​ലെ ഉ​ൾ​ക്കാ​യ​ലു​ക​ളി​ൽ 75 ചെ​റു​വ​ള്ള​ങ്ങ​ളി​ലാ​യി ന​ട​ന്നു. 160 മ​ത്സ്യ​ത്തൊ​ഴി​ലാ​ളി​ക​ൾ, 65 കു​ടും​ബ​ശ്രീ പ്ര​വ​ർ​ത്ത​ക​ർ, ന​ഗ​ര​സ​ഭ​യു​ടെ 60 ശു​ചീ​ക​ര​ണ​ത്തൊ​ഴി​ലാ​ളി​ക​ൾ, റോ​ട്ട​റി ആ​ല​പ്പു​ഴ റ​വ​ന്യൂ ജി​ല്ല ക്ല​ബി​ലെ 60 അം​ഗ​ങ്ങ​ൾ തു​ട​ങ്ങി​യ​വ​ർ ശു​ചീ​ക​ര​ണ​ത്തി​ല്‍ പ​ങ്കെ​ടു​ത്തു.

ശേ​ഖ​രി​ച്ച 3.6 ട​ൺ പ്ലാ​സ്റ്റി​ക് മാ​ലി​ന്യം ന​ഗ​ര​സ​ഭ എം.​സി.​എ​ഫി​ലേ​ക്ക് മാ​റ്റി. വി​നോ​ദ​സ​ഞ്ചാ​ര മേ​ഖ​ല​യു​മാ​യി ബ​ന്ധ​പ്പെ​ട്ട് പ്ര​വ​ര്‍ത്തി​ക്കു​ന്ന ഹോ​ട്ട​ലു​ക​ളും റ​സ്റ്റാ​റ​ന്‍റു​ക​ളും ശു​ചീ​ക​ര​ണ​ത്തി​ൽ പ​ങ്കാ​ളി​ക​ളാ​യി. ജി​ല്ല​യി​ല്‍ വേ​മ്പ​നാ​ട്ട്​ കാ​യ​ലു​മാ​യി ബ​ന്ധ​പ്പെ​ട്ട് കി​ട​ക്കു​ന്ന 30 ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലാ​ണ് ശു​ചീ​ക​ര​ണം തു​ട​ര്‍ച്ച​യാ​യി ന​ട​ക്കു​ന്ന​ത്.

ന​ര​ഗ​സ​ഭ സ്ഥി​രം സ​മി​തി അ​ധ്യ​ക്ഷ​രാ​യ എ.​എ​സ്. ക​വി​ത, ആ​ർ. വി​നി​ത, എം.​ആ​ർ. പ്രേം, ​ദു​ര​ന്ത നി​വാ​ര​ണം ഡെ​പ്യൂ​ട്ടി ക​ല​ക്ട​ർ സി. ​പ്രേം​ജി, ഡി.​ടി.​പി.​സി അ​ഡ്മി​നി​സ്ട്രേ​റ്റി​വ് ഓ​ഫി​സ​ർ കെ.​സി. പ്ര​ദീ​പ്, മ​റ്റ് ജ​ന​പ്ര​തി​നി​ധി​ക​ള്‍ ഉ​ദ്യോ​ഗ​സ്ഥ​ർ സ​ന്ന​ദ്ധ​പ്ര​വ​ർ​ത്ത​ക​ർ തു​ട​ങ്ങി​യ​വ​ർ പ​ങ്കെ​ടു​ത്തു.

അരൂരിലെ ശുചീകരണം 26ന്​

അ​രൂ​ർ: കേ​ര​ള​ത്തെ മാ​ലി​ന്യ​മു​ക്ത സം​സ്ഥാ​ന​മാ​ക്കാ​നു​ള്ള കാ​മ്പ​യി​ന്റെ ഭാ​ഗ​മാ​യി അ​രൂ​ർ പ​ഞ്ചാ​യ​ത്തി​ൽ കാ​യ​ൽ മാ​ലി​ന്യ നി​ർ​മാ​ർ​ജ​ന യ​ജ്ഞ​ത്തി​ന്റെ ര​ണ്ടാം ഘ​ട്ട​ത്തി​ന് ക​ള​മൊ​രു​ങ്ങു​ന്നു. മാ​ർ​ച്ച് 26ന്​ ​വെ​ളു​ത്തു​ള്ളി കാ​യ​ലോ​ര​ത്താ​ണ് ര​ണ്ടാം​ഘ​ട്ട​ത്തി​ന്റെ ഉ​ദ്ഘാ​ട​നം.

രാ​വി​ലെ ഏ​ഴി​ന്​ ആ​രം​ഭി​ക്കു​ന്ന യ​ജ്ഞം 11 മ​ണി​യോ​ടെ സ​മാ​പി​ക്കും. ആ​ലോ​ച​ന​ യോ​ഗ​ത്തി​ൽ അ​രൂ​ർ പ​ഞ്ചാ​യ​ത്ത് പ്ര​സി​ഡ​ന്‍റ്​ അ​ഡ്വ. രാ​ഖി ആ​ന്റ​ണി അ​ധ്യ​ക്ഷ​ത വ​ഹി​ച്ചു. പ​ഞ്ചാ​യ​ത്ത് അം​ഗ​ങ്ങ​ളാ​യ സീ​ന​ത്ത് ഷി​ഹാ​ബു​ദ്ദീ​ൻ, ഇ.​വി. തി​ല​ക​ൻ, എം.​പി. ബി​ജു, ബി.​കെ. ഉ​ദ​യ​കു​മാ​ർ ഹെ​ൽ​ത്ത് ഇ​ൻ​സ്പെ​ക്ട​ർ​മാ​രാ​യ സ​ഞ്ജു, റെ​ജി മാ​വേ​ലി, 327ാം ന​മ്പ​ർ ഉ​ൾ​നാ​ട​ൻ മ​ത്സ്യ​ത്തൊ​ഴി​ലാ​ളി സ​ഹ​ക​ര​ണ​സം​ഘം പ്ര​സി​ഡ​ന്‍റ്​ അ​ശോ​ക​ൻ തു​ട​ങ്ങി​യ​വ​ർ പ​ങ്കെ​ടു​ത്തു.