കൊച്ചി: ഇൻസ്റ്റഗ്രാം റീലിനായി നടത്തിയ ഷൂട്ടിങ്ങിലെ 'വെടിവെപ്പ്' കാര്യമായപ്പോൾ രണ്ടുയുവാക്കൾ പൊലീസ് പിടിയിൽ. ശനിയാഴ്ച അർധരാത്രി പാലാരിവട്ടത്താണ് സംഭവം. എയർഗൺ നീട്ടിപ്പിടിച്ച് നടത്തിയ ഷൂട്ടിങ്ങിനിടെ കാഞ്ചിയിലെ പിടിത്തം മുറുകി വെടിപൊട്ടിയപ്പോൾ കൊണ്ടത് സമീപത്തെ ഹോട്ടലിൽ ഭക്ഷണം കഴിച്ചിരുന്ന അഭിഭാഷകന്റെ നെറ്റിയിലാണ്. പരിക്കേറ്റ പറവൂർ സ്വദേശിയായ അഡ്വ. അജ്മലിന്റെ പരാതിയിലാണ് അറസ്റ്റ്. കളമശ്ശേരി കുറ്റിക്കാട്ടുകര പുതിയ റോഡ് വസന്ത വിഹാറിൽ അർജുൻ (22), കറുകപ്പള്ളി കണറ്റിൻകരതുണ്ടിയിൽ ഉബൈസ് (29) എന്നിവരാണ് പാലാരിവട്ടം പൊലീസ് പിടിയിലായത്. കേസിൽ രണ്ടുപേർ ഒളിവിലാണ്. ഇവർക്കായി അന്വേഷണം ആരംഭിച്ചിട്ടുണ്ട്. അർജുന്റെ എയർഗണ്ണിൽനിന്നാണ് വെടിയുതിർന്നത്. ആറുമാസം മുമ്പ് കൊച്ചിയിലെ തോക്ക് വ്യാപാര കേന്ദ്രത്തിൽനിന്ന് 4500 രൂപക്കാണ് അർജുൻ എയർഗൺ വാങ്ങിയതെന്ന് പറയുന്നു. എയ‌ർ ഗണ്ണിന്റെ നിറം കൈത്തോക്കിന് സമാനമായി മാറ്റിയത് സുഹൃത്തുക്കളെ കാണിക്കാനാണ് എത്തിയത്. സുഹൃത്തുക്കൾക്കൊപ്പം റീൽസ് ഷൂട്ടിങ് നടത്തുന്നതിനിടെയാണ് വെടിയുതിർന്നത്. വെടിപൊട്ടിയതിന് പിന്നാലെ ചെറുപ്പക്കാരെല്ലാം സ്ഥലം വിട്ടു. എയർഗണ്ണിൽ തിരയുണ്ടായില്ലെന്നാണ് കരുതിയതെന്നും അബദ്ധത്തിൽ പറ്റിയതാണെന്നുമാണ് പ്രതികൾ പൊലീസിനോട് പറഞ്ഞത്. ഒരു സംഘടനയുടെ സമ്മേളനത്തിനാണ് അജ്മലും സുഹൃത്തും കൊച്ചിയിൽ എത്തിയത്. രാത്രി പന്ത്രണ്ടരയോടെ ഭക്ഷണം കഴിക്കാനാണ് പാലാരിവട്ടത്ത് പോയത്. നെറ്റിക്കും ചെവിക്കുമാണ് വെടിയേറ്റത്. ആശുപത്രിയിൽനിന്നാണ് പൊലീസിന് വിവരം അറിയിച്ചത്. പരിസരത്ത് സി.സി ടി.വി പരിശോധിച്ചാണ് പൊലീസ് പ്രതികളിലേക്ക് എത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.