അയ്യങ്കാവ്-ഇളങ്കാവ്-കുടമുണ്ട ലിങ്ക് റോഡ് നാടിന്​ സമർപ്പിച്ചു

കോതമംഗലം: നഗരസഭയെയും വാരപ്പെട്ടി പഞ്ചായത്തിനെയും ബന്ധിപ്പിക്കുന്ന അയ്യങ്കാവ്-ഇളങ്കാവ്- കൊഴിമറ്റം-കുടമുണ്ട ലിങ്ക് റോഡ് ആൻറണി ജോൺ എം.എൽ.എ നാടിന്​ സമർപ്പിച്ചു. എം.എൽ.എ ആസ്തി വികസന ഫണ്ടിൽനിന്ന്​ 12 ലക്ഷം രൂപ ചെലവഴിച്ചാണ് റോഡിൻെറ നിർമാണ പ്രവർത്തനങ്ങൾ പൂർത്തീകരിച്ചത്. വാരപ്പെട്ടി പഞ്ചായത്ത് പ്രസിഡൻറ് പി.കെ. ചന്ദ്രശേഖരൻ നായർ അധ്യക്ഷത വഹിച്ചു. നഗരസഭ ചെയർമാൻ കെ.കെ. ടോമി മുഖ്യാതിഥിയായി. പഞ്ചായത്ത് മെംബർമാരായ എയ്ഞ്ചൽ മേരി ജോബി, എം.എസ്. ബെന്നി, ശ്രീകല ടീച്ചർ, ദിവ്യ സലി, മുനിസിപ്പൽ കൗൺസിലർമാരായ കെ.എ. നൗഷാദ്, പി.ആർ. ഉണ്ണികൃഷ്ണൻ, ഭാനുമതി രാജു, കുത്തുകുഴി സഹകരണ ബാങ്ക് പ്രസിഡൻറ് കെ.എം. ബിജുകുമാർ, ഇ.വി. രാധാകൃഷ്ണൻ, ജോബി ആൻറണി എന്നിവർ സംസാരിച്ചു. റോഡ് നിർമാണത്തിനായി ആറ് സൻെറ് സ്ഥലത്തോളം സൗജന്യമായി വിട്ടുനൽകിയ സഹോദരങ്ങളായ പനച്ചിക്കുടി മാണി ആൻറണി, ജയിംസ് ആൻറണി, പയസ് ആൻറണി, ഇലഞ്ഞിക്കൽ ജെറി കുര്യയ്പ് എന്നിവരെ ആദരിച്ചു. EM KMGM 6 Road അയ്യങ്കാവ്-ഇളങ്കാവ്-കുടമുണ്ട ലിങ്ക് റോഡ് ആൻറണി ജോൺ എം.എൽ.എ നാടിന്​ സമർപ്പിക്കുന്നു