മലബാർ രക്തസാക്ഷിത്വം: രണ്ടാമത് ശിലാഫലകത്തിൻെറ അനാഛാദനം ഇന്ന് വൈപ്പിൻ : സ്വാതന്ത്ര്യ സമരത്തിൽ 1921ൽ ബ്രിട്ടീഷുകാരോട് ഏറ്റുമുട്ടി രക്തസാക്ഷ്യം വരിച്ച മലബാർ യോദ്ധാക്കളുടെ പേരുകൾ ആലേഖനം ചെയ്ത രണ്ടാമത് ശിലാഫലകത്തിൻെറ അനാഛാദനം ഞായറാഴ്ച നടക്കും. വൈകീട്ട് നാലിന് എടവനക്കാട് ബീച്ച് ബദ് രിയ്യ ജുമാ മസ്ജിദ് അങ്കണത്തിൽ സ്ഥാപിച്ചിട്ടുള്ള ശിലാഫലകം വാരിയം കുന്നത്ത് കുഞ്ഞുമുഹമ്മദ് ഹാജിയുടെ പേരമകൾ വാരിയം കുന്നത്ത് ഹാജറ അനാഛാദനം ചെയ്യും. തുടർന്ന് നടക്കുന്ന പൊതുസമ്മേളനം വൈപ്പിൻ മേഖല ജമാഅത്ത് കൗൺസിൽ പ്രസിഡൻറ് കെ.കെ ജമാലുദ്ദീൻ ഉദ്ഘാടനം ചെയ്യും. പി.എച്ച് അബ്ദുൽ ഖാദർ അധ്യക്ഷത വഹിക്കും. എസ്.വൈ.എസ് സംസ്ഥാന സെക്രട്ടറി അഡ്വ: ഓണമ്പിള്ളി മുഹമ്മദ് ഫൈസി മുഖ്യപ്രഭാഷണം നടത്തും. മലബാർ സ്വാതന്ത്ര്യസമര രക്തസാക്ഷികളെ ചരിത്രത്തിൽനിന്ന് നീക്കം ചെയ്ത കേന്ദ്ര സർക്കാർ നിലപാടിൽ പ്രതിഷേധിച്ചാണ് വൈപ്പിൻ മേഖല ജമാഅത്ത് കൗൺസിലിൻെറ നേതൃത്വത്തിൽ വൈപ്പിനിലെ ജുമാ മസ്ജിദുകളിൽ രക്തസാക്ഷികളുടെ പേരുകൾ ഉള്ള ശിലാഫലകം സ്ഥാപിക്കുന്നത്. ഇതിൽ ആദ്യത്തേതിൻെറ ഉദ്ഘാടനം എടവനക്കാട് മഹല്ല് ജുമാ മസ്ജിദ് അങ്കണത്തിൽ കഴിഞ്ഞ ആഴ്ച നടന്നിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.