മുല്ലശ്ശേരി പാലത്തിൽ വാഹനാപകടം

അങ്കമാലി: മഞ്ഞപ്ര റോഡിൽ മുല്ലശ്ശേരി ചെറിയപാലത്തിൽ നിയന്ത്രണം വിട്ട്​ കാറിടിച്ച് നാലു വയസ്സുകാരി അടക്കം മൂന്നുപേർക്ക് പരിക്ക്. ആരുടെയും നില ഗുരുതരമല്ല. മഞ്ഞപ്ര കോളാട്ടുകുടി സ്വദേശി കെ.വി. പൗലോസ് (63), ഭാര്യ ആനി (57), പേരക്കിടാവ് ഇവോൺ റോസ് (നാല്) എന്നിവർക്കാണ് പരിക്ക്. സാരമായി പരിക്കേറ്റ ആനിയെ സ്വകാര്യ ആശുപത്രിയിൽ തീവ്ര പരിചരണ വിഭാഗത്തിൽ പ്രവേശിപ്പിച്ചു. തിങ്കളാഴ്ച പുലർച്ചയായിരുന്നു അപകടം. പൗലോസും കുടുംബവും പാലക്കാട്ടേക്ക് പോകുന്നതിനിടെ കാർ നിയന്ത്രണം വിടുകയും പാലത്തി​ൻെറ ഭിത്തിയിൽ ഇടിച്ച് കറങ്ങിത്തിരിഞ്ഞ് പാലത്തിൽ കുടുങ്ങുകയും ചെയ്യുകയായിരുന്നു. മുൻ സീറ്റിൽ ഇടതുവശത്തിരുന്ന ആനിയും കുഞ്ഞും പുറത്തിറങ്ങാനാകാത്ത വിധം അകപ്പെട്ടു. നാട്ടുകാർ വാഹനം തകർത്താണ് പുറത്തെടുത്തത്. അര മണിക്കൂറോളം ഗതാഗതം തടസ്സപ്പെട്ടു. അസി. സ്​റ്റേഷൻ ഓഫിസർ കെ.എം. അബ്​ദുൽ നസീറി​ൻെറ നേതൃത്വത്തിൽ അഗ്നിരക്ഷ സേന എത്തിയാണ്​ ഗതാഗതം പുനഃസ്ഥാപിച്ചത്. രണ്ട് പാലങ്ങളിലേക്ക് തിരിയുന്ന ഭാഗത്ത് സുരക്ഷ സംവിധാനങ്ങളോ അടിസ്ഥാന സൗകര്യങ്ങളോ ഏർപ്പെടുത്താത്തതിനാൽ പതിവായി അപകടമുണ്ടാകുന്നതായി നാട്ടുകാർ പറയുന്നു. EA ANKA 2 ACCIDENT അങ്കമാലി-മഞ്ഞപ്ര റോഡിൽ മുല്ലശ്ശേരി പഴയപാലത്തിലുണ്ടായ വാഹനാപകടം