കറുകച്ചാല്‍: ചങ്ങനാശ്ശേരി-വാഴൂര്‍ റോഡില്‍ മാന്തുരുത്തിക്ക് സമീപം . അമ്പലപ്പുഴ കാക്കാഴം വേലിക്കകത്ത് അബ്ദുൽ വഹാബിന്റെയും നദീറയുടെയും മകന്‍ അബ്ദുൽ ഖാദറാണ് (21) മരിച്ചത്. ഒപ്പമുണ്ടായിരുന്ന മുഹമ്മദ് സഫീറിനെ (20) പരിക്കുകളോടെ കോട്ടയം മെഡിക്കല്‍ കോളജ് ആശുപത്രിയിൽ പ്രവേശിപ്പിച്ചു. ചൊവ്വാഴ്ച ഉച്ചക്ക് 12.30ഓടെ കോക്കുന്നേല്‍പടി വളവിലാണ് അപകടം. ചങ്ങനാശ്ശേരിയില്‍നിന്ന് വാഴൂര്‍ ഭാഗത്തേക്ക് വരുമ്പോള്‍ നിയന്ത്രണംവിട്ട ബൈക്ക് റോഡില്‍ തെന്നിമറിയുകയായിരുന്നു. പരിക്കേറ്റ് രക്തം വാര്‍ന്ന് റോഡില്‍ കിടന്ന യുവാക്കളെ അതുവഴിയെത്തിയ എന്‍. ജയരാജ് എം.എല്‍.എയുടെ വാഹനത്തില്‍ കയറ്റി ആശുപത്രിയിലേക്ക് കൊണ്ടുപോകുമ്പോള്‍ അബ്ദുൽ ഖാദറിന്റെ നില ഗുരുതരമായി. തുടര്‍ന്ന് ആംബുലന്‍സെത്തിച്ച് ഇരുവരെയും കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. തീവ്രപരിചരണ വിഭാഗത്തില്‍ ചികിത്സയില്‍ കഴിയവെ വൈകീട്ട് 4.30ഓടെ മരിച്ചു. ചൊവ്വാഴ്ച രാവിലെ പെരുന്നാൾ നമസ്കാരത്തിന് ശേഷം രണ്ട് ബൈക്കുകളിലായി അബ്ദുൽ ഖാദർ ഉൾപ്പെടെ നാലു പേരാണ് വാഗമണ്ണിലേക്ക് പുറപ്പെട്ടത്. പോസ്റ്റുമോർട്ടത്തിനുശേഷം മൃതദേഹം ബുധനാഴ്ച വീട്ടിലെത്തിക്കും. വിദേശത്തുള്ള പിതാവ് എത്തിയശേഷം സംസ്കരിക്കും. പുന്നപ്ര സെന്‍റ്: ഗ്രിഗോറിയസ് കോളജിലെ ഡിഗ്രി വിദ്യാർഥിയായ അബ്ദുൽ ഖാദർ പഠനസമയത്തിന് ശേഷം വളഞ്ഞ വഴിയിലെ സ്വകാര്യ സൂപ്പർ മാർക്കറ്റിൽ ജോലി ചെയ്തു വരികയായിരുന്നു. സഹോദരങ്ങൾ ബിലാൽ, ഫർഹാൻ. പടം അബ്ദുൽ ഖാദർ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.