ചൂണ്ടി കവലയിലെ കുഴിയടക്കൽ; മന്ത്രിയുടെ ഉത്തരവിന് പുല്ലുവില !...

ആ​ലു​വ: പൊ​തു​മ​രാ​മ​ത്ത് മ​ന്ത്രി​യു​ടെ ഉ​ത്ത​ര​വി​ന് പു​ല്ലു​വി​ല ക​ൽ​പി​ച്ച് ഉ​ദ്യോ​ഗ​സ്ഥ​ർ. ത​ക​ർ​ന്ന റോ​ഡി​ൽ ഇ​രു​ട്ടു​കൊ​ണ്ട് ഓ​ട്ട​യ​ട​ക്കു​ന്ന നി​ല​പാ​ടാ​ണ് ഉ​ദ്യോ​ഗ​സ്ഥ​ർ ന​ട​പ്പാ​ക്കി​യ​ത്. ആ​ലു​വ-​മൂ​ന്നാ​ർ റോ​ഡി​ൽ ചൂ​ണ്ടി ക​വ​ല​യി​ലെ കു​ഴി​ക​ൾ ഒ​ഴി​വാ​ക്കാ​ൻ ന​ട​പ​ടി​യെ​ടു​ക്കു​മെ​ന്ന് മ​ന്ത്രി മു​ഹ​മ്മ​ദ് റി​യാ​സ് അ​റി​യി​ച്ചി​രു​ന്നു. റോ​ഡി​ന്റെ പ​കു​തി​ഭാ​ഗം ത​ക​ർ​ന്നി​ട്ട് മാ​സ​ങ്ങ​ളാ​യി. മ​ഴ​വെ​ള്ളം ഒ​ഴു​കി​പ്പോ​കാ​ൻ വ​ഴി​യി​ല്ലാ​ത്ത​താ​ണ് ചൂ​ണ്ടി​യി​ലെ പ്ര​തി​സ​ന്ധി​ക്ക് കാ​ര​ണം. തി​ര​ക്കേ​റി​യ ക​വ​ല​യി​ൽ കാ​ന​ക​ൾ ഇ​ല്ലാ​ത്ത​തി​നാ​ൽ റോ​ഡി​ൽ എ​പ്പോ​ഴും വെ​ള്ളം കെ​ട്ടി​ക്കി​ട​ക്കു​ക​യാ​ണ്. ചെ​റി​യ കു​ഴി​ക​ൾ രൂ​പ​പ്പെ​ട്ട​പ്പോ​ൾ മു​ത​ൽ ടാ​റി​ങ് ന​ട​ത്ത​ണ​മെ​ന്ന് നാ​ട്ടു​കാ​രും യാ​ത്ര​ക്കാ​രും ആ​വ​ശ്യ​മു​ന്ന​യി​ച്ചി​രു​ന്നു.

പ​രാ​തി​ക​ൾ ശ​ക്ത​മാ​യ​തോ​ടെ ത​ട്ടി​ക്കൂ​ട്ട് കു​ഴി​യ​ട​ക്ക​ൽ ന​ട​ത്തി ജ​ന​ങ്ങ​ളു​ടെ ക​ണ്ണി​ൽ പൊ​ടി​യി​ടു​ക​യാ​ണ് അ​ധി​കൃ​ത​ർ ചെ​യ്ത​ത്. ഇ​തേ തു​ട​ർ​ന്ന് വീ​ണ്ടും കു​ഴി​ക​ൾ രൂ​പ​പ്പെ​ട്ടു. ദു​രി​ത​ത്തെ​ക്കു​റി​ച്ച്​ ക​ഴി​ഞ്ഞ ദി​വ​സം ‘മാ​ധ്യ​മ’​ത്തി​ൽ വാ​ർ​ത്ത ന​ൽ​കി​യി​രു​ന്നു. ഇ​ത്​ റീ​ട്ടെ​യി​ൽ ഫു​ട്​​വെ​യ​ർ അ​സോ​സി​യേ​ഷ​ൻ ജി​ല്ല പ്ര​സി​ഡ​ന്‍റും ചൂ​ണ്ടി ക​വ​ല​യി​ലെ വ്യാ​പാ​രി​യു​മാ​യ ഹു​സൈ​ൻ കു​ന്നു​ക​ര മ​ന്ത്രി​ക്ക് ഇ-​മെ​യി​ൽ ചെ​യ്തി​രു​ന്നു. ന​ട​പ​ടി​ക്ക്​ കെ.​ആ​ർ.​എ​ഫ്.​ബി മൂ​വാ​റ്റു​പു​ഴ അ​സി. എ​ക്സി. എ​ൻ​ജി​നീ​യ​ർ​ക്ക്​ കൈ​മാ​റി. എ​ന്നാ​ൽ, ന​ട​പ​ടി​ക​ളൊ​ന്നും ഉ​ദ്യോ​ഗ​സ്ഥ​ർ കൈ​ക്കൊ​ണ്ടി​ട്ടി​ല്ലെ​ന്ന് ഹു​സൈ​ൻ കു​ന്നു​ക​ര ആ​രോ​പി​ക്കു​ന്നു.