വഴിയോര തുണിക്കട കുത്തിതുറന്ന് മോഷണം

ആലുവ: നഗരത്തിൽ വഴിയോര തുണിക്കട കുത്തിതുറന്ന് മോഷണം. ആലുവ സ്വകാര്യ ബസ് സ്റ്റാൻഡിലെ പ്രവേശന കവാടത്തിൽ ഉന്തുവണ്ടിയിൽ തുണിക്കട നടത്തുന്ന അശോകപുരം മനക്കപ്പടി സ്വദേശി കെ.ബി.ബുനിയയുടെ കടയാണ് ഞായറാഴ്ച രാത്രി മോഷ്ടാക്കൾ കുത്തി തുറന്നത്. രാവിലെ കട തുറക്കാൻ വന്നപ്പോഴാണ് മോഷണം നടന്ന വിവരം അറിയുന്നത്.

മുണ്ടുകൾ, ബനിയൻ, ബർമ്മുട അടക്കം 5000 രൂപയുടെ തുണിത്തരങ്ങൾ നഷ്ടപെട്ടതായി ബുനിയ അറിയിച്ചു. സംഭവത്തിൽ ആലുവ പൊലീസിൽ നൽകിയിട്ടുണ്ട്. രണ്ടു മാസം മുൻപും ഇതേ കട കുത്തി തുറന്ന് തുണിത്തരങ്ങൾ മോഷ്ടിച്ചിരുന്നു. അന്നും ആലുവ പൊലീസിൽ പരാതി നൽകിയിരുന്നു.