വെൽനെസ് ക്ലിനിക്: ആലുവ നഗരസഭ കൗൺസിലിൽ ബഹളം

ആ​ലു​വ: ന​ഗ​ര​സ​ഭ​യു​ടെ ആ​ഭി​മു​ഖ്യ​ത്തി​ൽ വെ​ൽ​നെ​സ് ക്ലി​നി​ക് ആ​രം​ഭി​ക്കു​ന്ന​ത് സം​ബ​ന്ധി​ച്ച് കൗ​ൺ​സി​ൽ യോ​ഗ​ത്തി​ൽ ബ​ഹ​ളം. ഇ​തേ​തു​ട​ർ​ന്ന് യോ​ഗം വൈ​സ് ചെ​യ​ർ​പേ​ഴ്‌​സ​ൻ പി​രി​ച്ചു​വി​ട്ടു. ഇ​തി​ൽ പ്ര​തി​പ​ക്ഷം പ്ര​തി​ഷേ​ധി​ച്ചു.

ചൊ​വ്വാ​ഴ്ച ന​ട​ന്ന കൗ​ൺ​സി​ലി​ൽ ഭ​ര​ണ​പ​ക്ഷ​മാ​യ കോ​ൺ​ഗ്ര​സി​ലെ ഒ​രു വി​ഭാ​ഗ​മാ​ണ് വെ​ൽ​നെ​സ് ക്ലി​നി​ക് വി​ഷ​യ​ത്തി​ൽ പ്ര​ശ്ന​മു​ണ്ടാ​ക്കി​യ​ത്. ഏ​ഴാ​മ​ത് അ​ജ​ണ്ട​യാ​യാ​ണ് ഹെ​ൽ​ത്ത് വെ​ൽ​നെ​സ്​ സെൻറ​ർ ച​ർ​ച്ച​ക്കെ​ടു​ത്ത​ത്. ന​ഗ​ര​സ​ഭ​യി​ൽ ര​ണ്ട് വെ​ൽ​നെ​സ് സെൻറ​ർ തു​ട​ങ്ങാ​ൻ സം​സ്ഥാ​ന സ​ർ​ക്കാ​ർ 50 ല​ക്ഷം രൂ​പ അ​നു​വ​ദി​ച്ചി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ തോ​ട്ട​ക്കാ​ട്ടു​ക​ര​യി​ലും ആ​ലു​വ ടൗ​ണി​ലും ഓ​രോ എ​ണ്ണം തു​ട​ങ്ങാ​ൻ ആ​രോ​ഗ്യ സ്ഥി​രം സ​മി​തി ശി​പാ​ർ​ശ ചെ​യ്തു. അ​തി​നു​ശേ​ഷം വ​ർ​ക്കി​ങ് ഗ്രൂ​പ് കൂ​ടി ശി​പാ​ർ​ശ അം​ഗീ​ക​രി​ച്ച് കൗ​ൺ​സി​ലി​ൽ അ​ജ​ണ്ട​യാ​യി വ​ന്നു. ആ​ലു​വ ടൗ​ണി​ൽ വാ​ട​ക​ക്ക് സ്ഥ​ലം ല​ഭി​ക്കാ​ത്ത​തി​നാ​ൽ, ദീ​ർ​ഘ​കാ​ല​മാ​യി കാ​ടു​പി​ടി​ച്ചു​കി​ട​ക്കു​ന്ന എ​ൻ​ജി​നീ​യേ​ഴ്സ് ക്വാ​ർ​ട്ടേ​ഴ്സ് വൃ​ത്തി​യാ​ക്കി ഒ​രു സെൻറ​ർ അ​തി​ൽ തു​ട​ങ്ങ​ണ​മെ​ന്ന്​ ചെ​യ​ർ​മാ​നും ആ​രോ​ഗ്യ സ്ഥി​രം സ​മി​തി അ​ധ്യ​ക്ഷ​നും അം​ഗീ​ക​രി​ച്ചാ​ണ് കൗ​ൺ​സി​ൽ അ​ജ​ണ്ട​യാ​യി വ​ന്ന​ത്. എ​ന്നാ​ൽ, ഒ​രു​വി​ഭാ​ഗം ഭ​ര​ണ​ക​ക്ഷി കൗ​ൺ​സി​ല​ർ​മാ​ർ ഇ​തി​നെ എ​തി​ർ​ക്കു​ക​യാ​യി​രു​ന്നു.

പ്ര​തി​പ​ക്ഷ​വും ഭ​ര​ണ​പ​ക്ഷ​ത്തെ ഭൂ​രി​ഭാ​ഗം അം​ഗ​ങ്ങ​ളും എ​ൻ​ജി​നീ​യേ​ഴ്സ് ക്വാ​ർ​ട്ടേ​ഴ്സി​ൽ വെ​ൽ​നെ​സ് സെൻറ​ർ തു​ട​ങ്ങു​ന്ന​തി​ന് അ​നു​കൂ​ല​മാ​യി​രു​ന്നു. എ​ന്നി​ട്ടും യോ​ഗ​ത്തി​ൽ അ​ധ്യ​ക്ഷ​ത വ​ഹി​ച്ച വൈ​സ് ചെ​യ​ർ​പേ​ഴ്‌​സ​ൻ വി​ഷ​യ​ത്തി​ൽ തീ​രു​മാ​ന​മെ​ടു​ക്കാ​തെ യോ​ഗം പി​രി​ച്ചു​വി​ടു​ക​യാ​യി​രു​ന്നു. സ​ർ​ക്കാ​ർ അ​നു​വ​ദി​ച്ച ഫ​ണ്ട് ന​ഷ്ട​പ്പെ​ടു​ത്താ​തെ വ​ർ​ക്കി​ങ് ഗ്രൂ​പ് ശി​പാ​ർ​ശ ചെ​യ്ത ന​ട​പ​ടി കൗ​ൺ​സി​ൽ യോ​ഗം അം​ഗീ​ക​രി​ച്ച് തീ​രു​മാ​നം എ​ടു​ക്ക​ണ​മെ​ന്ന് പ്ര​തി​പ​ക്ഷ കൗ​ൺ​സി​ല​ർ​മാ​ർ ആ​വ​ശ്യ​പ്പെ​ട്ടെ​ങ്കി​ലും യോ​ഗം തു​ട​ർ​ന്നി​ല്ല.

കൗ​ൺ​സി​ൽ യോ​ഗം മാ​റ്റി​വെ​ച്ച​തി​ൽ പ്ര​തി​ഷേ​ധി​ച്ച്​ പ്ര​തി​പ​ക്ഷ കൗ​ൺ​സി​ല​ർ​മാ​രാ​യ ശ്രീ​ല​ത വി​നോ​ദ്കു​മാ​ർ, മി​നി ബൈ​ജു, സു​നീ​ഷ്, ദി​വ്യ സു​നി​ൽ, ടി​ൻ​റു രാ​ജേ​ഷ് എ​ന്നി​വ​ർ ചേ​ർ​ന്ന് വൈ​സ് ചെ​യ​ർ​പേ​ഴ്സ​നെ ഉ​പ​രോ​ധി​ച്ചു. പി​ന്നീ​ട് മു​നി​സി​പ്പ​ൽ സെ​ക്ര​ട്ട​റി ഷാ​ഫി മു​ഹ​മ്മ​ദി​നെ ക​ണ്ട് പ്ര​തി​ഷേ​ധം രേ​ഖാ​മൂ​ലം അ​റി​യി​ക്കു​ക​യും ചെ​യ്തു. കൗ​ൺ​സി​ല​ർ​മാ​ർ​ക്ക് പു​റ​മെ എ​ൽ.​ഡി.​എ​ഫ് നേ​താ​ക്ക​ളാ​യ പോ​ൾ വ​ർ​ഗീ​സ്, രാ​ജേ​ഷ്, സ​ന്തോ​ഷ് എ​ന്നി​വ​രും സെ​ക്ര​ട്ട​റി​യെ സ​ന്ദ​ർ​ശി​ച്ചു.