ആലുവയിൽ ദമ്പതികളെ ആക്രമിച്ച യുവാവ് പിടിയിൽ

ആ​ലു​വ: കാ​റി​ൽ സ​ഞ്ച​രി​ച്ച ദ​മ്പ​തി​ക​ളെ അ​ക്ര​മി​ച്ച് കാ​റും പ​ണ​വും ത​ട്ടി​യെ​ടു​ത്ത​ യുവാവ്​ പിടിയിൽ. കൊ​ടി​കു​ത്തു​മ​ല പു​ത്ത​ൻ പ​റ​മ്പി​ൽ വീ​ട്ടി​ൽ ഷ​ഫീ​ഖ്​ (30) നെ​യാ​ണ് ജി​ല്ലാ പൊ​ലീ​സ് മേ​ധാ​വി ഡോ. ​വൈ​ഭ​വ് സ​ക്സേ​ന​യു​ടെ നേ​തൃ​ത്വ​ത്തി​ൽ അ​റ​സ്റ്റ് ചെ​യ്ത​ത്. ബു​ധ​നാ​ഴ്ച രാ​ത്രി ഒ​മ്പ​തി​ന്​ ആ​ലു​വ അ​സീ​സി ബ​സ് സ്റ്റോ​പ്പി​ന് സ​മീ​പ​ത്താ​യി​രു​ന്നു സം​ഭ​വം. ചൂ​ർ​ണി​ക്ക​ര പ​ട്ടേ​രി​പ്പു​റം പു​ത്ത​ന​ങ്ങാ​ടി പി.​വി. ജോ​ക്കി (61), ഭാ​ര്യ ഷി​നി (53) എ​ന്നി​വ​ർ​ക്കാ​ണ് ആ​ക്ര​മ​ണ​ത്തി​ൽ പ​രി​ക്കേ​റ്റ​ത്.

കു​ഞ്ചാ​ട്ടു​ക​ര​യി​ൽ വെ​ച്ച് കാ​ർ ത​ന്‍റെ ബൈ​ക്കി​ൽ ത​ട്ടി​യ ശേ​ഷം നി​ർ​ത്താ​തെ പോ​യി എ​ന്നാ​രോ​പി​ച്ചാ​ണ് കൊ​ടി​കു​ത്തു​മ​ല പു​ത്ത​ൻ​പ​റ​മ്പി​ൽ ഷ​ഫീ​ഖ്, ദ​മ്പ​തി​ക​ൾ സ​ഞ്ച​രി​ച്ച കാ​ർ ത​ട​ഞ്ഞു​വെ​ന്നും കാ​റോ​ടി​ച്ച ജോ​ക്കി​യെ മ​ർ​ദി​ക്കു​ക​യും ഭാ​ര്യ​യെ അ​സ​ഭ്യം വി​ളി​ക്കു​ക​യും ചെ​യ്തു​വെ​ന്ന​മാ​ണ്​ പ​രാ​തി. ആ​ക്ര​മി​ച്ച ശേ​ഷം കാ​റും അ​റു​പ​തി​നാ​യി​രം രൂ​പ​യു​മാ​യി പ്ര​തി ക​ട​ന്ന​താ​യും ഇ​വ​ർ പൊ​ലീ​സി​ന് മൊ​ഴി ന​ൽ​കി.

ഉ​ട​ൻ പൊ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണം ആ​രം​ഭി​ച്ചെ​ങ്കി​ലും യു​വാ​വി​നെ ക​ണ്ടെ​ത്താ​നാ​യി​രുന്നില്ല. പി​ന്നീ​ട്, പൈ​പ്പ്‌​ലൈ​ൻ റോ​ഡി​ൽ ട​യ​ർ പ​ഞ്ച​റാ​യ നി​ല​യി​ൽ കാ​ർ പൊ​ലീ​സ് ക​ണ്ടെ​ടു​ത്തു. ആ​ക്ര​മി​ക്ക​പ്പെ​ട്ട ജോ​ക്കി പ​രി​ക്കു​ക​ളോ​ടെ ആ​ലു​വ കാ​രോ​ത്തു​കു​ഴി ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.