വാ​ട​ക വീ​ട്ടി​ൽ നി​ന്നി​റ​ക്കി​വി​ട്ടു; പൊ​ലീ​സ് സ്റ്റേ​ഷ​ന്​ മു​ന്നി​ൽ വീ​ട്ട​മ്മ​യുടെ കു​ത്തി​യി​രി​പ്പ്​ സമരം

പ​ള്ളു​രു​ത്തി: വാ​ട​ക വീ​ട്ടി​ൽ ക​ഴി​ഞ്ഞ വീ​ട്ട​മ്മ​യെ​യും, 14 കാ​രി​യാ​യ മ​ക​ളെ​യും വീ​ട്ടു​ട​മ ഇ​റ​ക്കി​വി​ട്ട​താ​യി പ​രാ​തി. പൊ​ലീ​സി​ന്‍റെ നി​ല​പാ​ടി​ൽ പ്ര​തി​ഷേ​ധി​ച്ച് വീ​ട്ട​മ്മ സ്റ്റേ​ഷ​ന് മു​ന്നി​ൽ കു​ത്തി​യി​രി​പ്പു സ​മ​രം ന​ട​ത്തി.

പ​ള്ളു​രു​ത്തി ശ​ങ്ക​ര​നാ​രാ​യ​ണ ക്ഷേ​ത്രം റോ​ഡി​ൽ വാ​ട​ക​ക്ക് താ​മ​സി​ച്ച് വ​രി​ക​യാ​യി​രു​ന്ന പ്രേ​മി​നി, 14 കാ​രി​യും പ​ത്താം ക്ലാ​സ് വി​ദ്യാ​ർ​ഥി​നി​യു​മാ​യ മ​ക​ളെ​യു​മാ​ണ് ഇ​റ​ക്കി​വി​ട്ട​താ​യി പ​രാ​തി​യു​ള്ള​ത്. വീ​ട്ടി​ൽ ആ​രു​മി​ല്ലാ​ത്ത സ​മ​യ​ത്ത് പൂ​ ട്ട് ത​ക​ർ​ത്ത് അ​ക​ത്ത് ക​ട​ന്ന വീ​ട്ടു​ട​മ വീ​ട് കൈ​യേ​റി താ​മ​സം തു​ട​രു​ക​യാ​യി​രു​ന്നു​വെ​ന്നാ​ണ് പ​രാ​തി.

ക​രാ​ർ പ്ര​കാ​രം ഏ​ഴു​മാ​സം കൂ​ടി കാ​ലാ​വ​ധി ബാ​ക്കി നി​ൽ​ക്കെ​യാ​ണ് സം​ഭ​വ​മെ​ന്നാ​ണ് പ​റ​യു​ന്ന​ത്. അ​മ്മ​യും, മ​ക​ളും നീ​തി​തേ​ടി പ​ള്ളു​രു​ത്തി പൊ​ലീ​സ് സ്‌​റ്റേ​ഷ​നി​ൽ ചെ​ന്നെ​ങ്കി​ലും പൊ​ലീ​സ് ഓ​ഫി​സ​ർ മോ​ശ​മാ​യി പെ​രു​മാ​റി​യെ​ന്നും വീ​ട്ട​മ്മ പ​റ​ഞ്ഞു. ക​ഴി​ഞ്ഞ 12 നാ​യി​രു​ന്നു സം​ഭ​വം. ഇ​തേ തു​ട​ർ​ന്നാ​ണ്​ വെ​ള്ളി​യാ​ഴ്ച പു​ല​ർ​ച്ച 7.30ന് ​വീ​ട്ട​മ്മ സ്​​റ്റേ​ഷ​നു​മു​ന്നി​ൽ ഒ​റ്റ​യാ​ൾ സ​മ​രം തു​ട​ങ്ങി​യ​ത്. സം​ഭ​വ​ത്തി​ൽ എ​ഫ്.​ഐ.​ആ​ർ ഇ​ട്ട​തോ​ടെ വൈ​കീ​ട്ട് 7.30 ന് ​അ​വ​സാ​നി​പ്പി​ക്കു​ക​യാ​യി​രു​ന്നു. അ​തേ​സ​മ​യം ഇ​വ​ർ​ക്ക് പ​ള്ളു​രു​ത്തി​യി​ൽ സ്വ​ന്ത​മാ​യി ഭ​വ​നം ഉ​ണ്ടെ​ന്നാ​ണ് പൊ​ലീ​സ് പ​റ​യു​ന്ന​ത്.