2004 ഡിസംബർ 26; വാഗ്ദാന ലംഘനത്തിന്റെ രണ്ടുപതിറ്റാണ്ട്

എ​ട​വ​ന​ക്കാ​ട്: ഓ​രോ ക്രി​സ്​മസ്​ കാലവും എ​ട​വ​ന​ക്കാ​ട് തീ​ര​ത്തി​ന് ക​ണ്ണീ​ർ ഓ​ർ​മ​യാ​ണ്. 20 വ​ർ​ഷം മു​മ്പു​യ​ർ​ന്ന നി​ല​വി​ളി ഇ​ന്നും അ​വ​രു​ടെ ഉ​റ​ക്കം കെ​ടു​ത്തു​ന്നു. ര​ണ്ട്​ പി​ഞ്ചു​കു​ട്ടി​ക​ള​ട​ക്കം അ​ഞ്ചു​പേ​രു​ടെ ജീ​വ​നാ​ണ് സു​നാ​മി തി​ര​മാ​ല​ക​ൾ എ​ട​വ​ന​ക്കാ​ട് നി​ന്നും ക​വ​ർ​ന്നെ​ടു​ത്ത​ത്. ഒ​രു മ​നു​ഷ്യാ​യു​സ്സ് കൊ​ണ്ട് സ്വ​രു​ക്കൂ​ട്ടി​യ സ​മ്പാ​ദ്യ​വും വീ​ടും ഉ​റ്റ​വ​രും ഉ​ട​യ​വ​രും നി​മി​ഷ നേ​രം കൊ​ണ്ട് ഇ​ല്ലാ​താ​കു​ന്ന​ത് ക​ണ്ട് പ​ക​ച്ചു​നി​ന്ന ജ​ന​ത. ക​ട​ലെ​ടു​ത്ത ജീ​വ​നു​ക​ൾ ഒ​ഴി​കെ ബാ​ക്കി​യെ​ല്ലാം തി​രി​കെ പി​ടി​ക്കാ​മെ​ന്ന് പ്ര​തീ​ക്ഷി​ച്ച​വ​ർ​ക്ക് പ​​ക്ഷേ നി​രാ​ശ​യാ​യി​രു​ന്നു ഫ​ലം. വ​ര്‍ഷ​ങ്ങ​ള്‍ പി​ന്നി​ട്ട് സു​നാ​മി പു​ന​ര​ധി​വാ​സ പ​ദ്ധ​തി​യി​ല്‍ വീ​ടു​ക​ള്‍ പു​ന​ര്‍ നി​ർ​മി​ച്ചെ​ങ്കി​ലും പ്ര​ഖ്യാ​പി​ക്ക​പ്പെ​ട്ട പ​ല പ​ദ്ധ​തി​ക​ളും പാ​തി വ​ഴി​യി​ല്‍ ഉ​പേ​ക്ഷി​ക്ക​പ്പെ​ട്ടു. ഫ​ണ്ടു​ക​ള്‍ എ​റെ ല​ഭ്യ​മാ​യി​ട്ടും ശാ​സ്ത്രീ​യ​മാ​യ ക​ട​ല്‍ ഭി​ത്തി നി​ര്‍മാ​ണ​മോ തീ​ര​ദേ​ശ റോ​ഡ് നി​ർ​മാ​ണ​മോ എ​ങ്ങു​മെ​ത്തി​യി​ല്ല. സു​നാ​മി​ക്ക് ശേ​ഷം നാ​മാ​വ​ശേ​ഷ​മാ​കു​ക​യും മ​ണ​ല്‍ ക​യ​റി സ​ഞ്ചാ​ര യോ​ഗ്യ​മ​ല്ലാ​താ​കു​ക​യും ചെ​യ്ത തീ​ര​ദേ​ശ റോ​ഡ് പു​ന​ര്‍ നി​ർ​മി​ക്കു​ന്ന കാ​ര്യ​ത്തി​ല്‍ ഇ​ന്നും അ​വ​ഗ​ണ​ന തു​ട​രു​ക​യാ​ണ്. സു​നാ​മി ദു​ര​ന്ത​ത്തി​ല്‍ അ​ഞ്ചു​പേ​രു​ടെ ജീ​വ​ന്‍ ന​ഷ്ട​പ്പെ​ട്ട സ്ഥ​ല​മാ​ണ് എ​ട​വ​ന​ക്കാ​ട് അ​ണി​യി​ല്‍ ക​ട​പ്പു​റം. പു​ന​ര​ധി​വാ​സ പ്ര​ത്യേ​ക പാ​ക്കേ​ജാ​യി എ​ട​വ​ന​ക്കാ​ടി​ന് 12.5 കോ​ടി രു​പ​യാ​ണ് ല​ഭി​ച്ച​ത്. എ​ന്നി​ട്ടും തീ​ര​ദേ​ശ​റോ​ഡ് പൂ​ര്‍വ സ്ഥി​തി​യി​ലാ​ക്കാ​നോ ക​ട​ല്‍ ഭി​ത്തി നി​ര്‍മാ​ണം പൂ​ര്‍ത്തീ​ക​രി​ക്കാ​നോ അ​ധി​കൃ​ത​ര്‍ ത​യ്യാ​റാ​യി​ല്ല.

സൂനാ​മി​ക്ക് ശേ​ഷം തു​ട​ർ​ച്ച​യാ​യി ക​ട​ൽ ക​യ​റു​ന്ന പ്ര​ദേ​ശ​മാ​യി എ​ട​വ​ന​ക്കാ​ട് തീ​രം മാ​റി. താ​ൽ​ക്കാ​ലി​ക സം​വി​ധാ​ന​ങ്ങ​ൾ അ​ല്ലാ​തെ ക​ട​ൽ​ക്ഷോ​ഭ​ത്തി​ന് ശാ​ശ്വ​ത​മാ​യ പ​രി​ഹാ​രം ക​ണ്ടെ​ത്താ​ൻ ഇ​പ്പോ​ഴും അ​ധി​കൃ​ത​ർ​ക്കാ​യി​ട്ടി​ല്ല. നി​ര​ന്ത​ര​മാ​യ സ​മ​ര​വു​മാ​യി ഇ​ന്നും അ​വ​ർ രം​ഗ​ത്തു​ണ്ട് ചാ​ത്ത​ങ്ങാ​ട് മു​ത​ല്‍ അ​ണി​യി​ല്‍ ക​ട​പ്പു​റം വ​രെ ര​ണ്ട് കി​ലോ​മീ​റ്റ​ര്‍ ദൈ​ര്‍ഘ്യ​ത്തി​ല്‍ ഇ​പ്പോ​ഴും റോ​ഡ് മ​ണ​ല്‍മൂ​ടി കി​ട​ക്കു​ക​യാ​ണ്. പ​ല​യി​ട​ത്തും ക​ട​ല്‍ ക​യ​റി റോ​ഡ് ഇ​ല്ലാ​ത്ത അ​വ​സ്ഥ. വാ​ഹ​ന​ങ്ങ​ള്‍ പ​ല​തും ഇ​വി​ടേ​ക്ക് സ​ര്‍വി​സ് ന​ട​ത്താ​ന്‍ ത​യ്യാ​റ​ല്ല. രോ​ഗി​ക​ളെ അ​ടി​യ​ന്ത​ര ഘ​ട്ട​ങ്ങ​ളി​ല്‍ ഏ​റെ ദൂ​രം തോ​ളി​ല്‍ ചു​മ​ന്നാ​ണ് ആ​ശു​പ​ത്രി​യി​ല്‍ എ​ത്തി​ക്കു​ന്ന​ത്. സു​നാ​മി പു​ന​ര​ധി​വാ​സ പ​ദ്ധ​തി​യി​ൽ നി​ർ​മി​ക്ക​പ്പെ​ട്ട ഫ്ലാ​റ്റു​ക​ളു​ടെ ശോ​ച​നീ​യാ​വ​സ്ഥ ഇ​ര​ക​ളെ വാ​ട​ക വീ​ടു​ക​ൾ തേ​ടാ​ൻ നി​ർ​ബ​ന്ധി​ത​രാ​ക്കി.