കൊച്ചി: കെ-റെയില്‍ സില്‍വര്‍ ലൈന്‍ പാതക്ക് ജില്ലയിലുള്ളത് രണ്ട് സ്‌റ്റേഷൻ. കാക്കനാട് ഇന്‍ഫോപാര്‍ക്കിന് സമീപവും നെടുമ്പാശ്ശേരി വിമാനത്താവളത്തിന് സമീപവുമാണ് സ്‌റ്റേഷനുള്ളത്. ഇതില്‍ കാക്കനാട് ഇന്‍ഫോ പാര്‍ക്കില്‍ കൊച്ചി മെട്രോയും സില്‍വർ ലൈനും ഒരേ സ്റ്റേഷന്‍ കെട്ടിടത്തിലാകും സ്ഥിതി ചെയ്യുക. ഇതു കൂടാതെയാണ് ജല മെട്രോയുമായി ബന്ധിപ്പിക്കുന്നത്.
കൂടാതെ, ജില്ലയിലെ രണ്ട് സ്‌റ്റേഷനില്‍നിന്നും പ്രധാനപ്പെട്ട സ്ഥലങ്ങളിലേക്ക് ലാസ്റ്റ് മൈല്‍ കണക്ടിവിറ്റിയുമുണ്ടാകും. ദേശീയ ജലപാതയില്‍നിന്ന് കണക്ടിവിറ്റി ഉണ്ടാകുമെന്ന് കെ-റെയില്‍ എം.ഡി വി.അജിത് കുമാര്‍ പറഞ്ഞു. സ്റ്റേഷന്‍ സമുച്ചയത്തില്‍ ഷോപ്പിങ് മാൾ, ഹോട്ടലുകള്‍, ബിസിനസ് ഹബ് എന്നിവയുമുണ്ടാകും. വൈദ്യുതി വാഹനങ്ങള്‍ക്ക് ചാര്‍ജ് ചെയ്യാനുള്ള സൗകര്യമുണ്ടാകും. ജില്ലയിലൂടെ 52 കിലോമീറ്റര്‍ പാതയാണ് കടന്നുപോകുന്നത്.
കൊച്ചിയില്‍നിന്ന് വിവിധ സ്ഥലങ്ങളിലേക്കുള്ള സമയം
കൊച്ചി-തിരുവനന്തപുരം: 1 മണിക്കൂര്‍ 25 മിനിറ്റ്
കൊച്ചി-കോട്ടയം: 23 മിനിറ്റ്
കൊച്ചി-തൃശൂര്‍: 31 മിനിറ്റ്
കൊച്ചി-കോഴിക്കോട്: 1 മണിക്കൂര്‍ 15 മിനിറ്റ്
കൊച്ചി-കണ്ണൂര്‍: 1 മണിക്കൂര്‍ 54 മിനിറ്റ്
കൊച്ചി വിമാനത്താവള സ്‌റ്റേഷനില്‍നിന്നുള്ള സമയം
തിരുവനന്തപുരത്തേക്ക് 1 മണിക്കൂര്‍ 35 മിനിറ്റ്
കണ്ണൂരിലേക്ക് 1 മണിക്കൂര്‍ 44 മിനിറ്റ്
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.