അമ്പലമേട്: ചിത്രപ്പുഴ-പോഞ്ഞാശേരി റോഡിൽ അമ്പലമുകൾ ഹരിമറ്റം ക്ഷേത്രത്തിനു സമീപം റോഡരികിലെ കാട് യാത്രക്കാർക്ക് ഭീഷണിയാകുന്നു. വലിയ വളവുകൾ ഉള്ള റോഡായതിനാൽ കാഴ്ച മറയുകയാണ്. റോഡിലേക്ക് ചെറിയ ചെടികൾ പടർന്നു നിന്നിട്ടും വെട്ടി മാറ്റുവാൻ അധികൃതർ കൂട്ടാക്കുന്നില്ല. പൊതുമരാമത്ത് അധികൃതരോട് പരാതിപ്പെട്ടിട്ടും കാടുകൾ വെട്ടുന്നത് തങ്ങളുടെ ജോലിയല്ലെന്നാണ് നിലപാട്. ഇതിനു സമീപത്ത് തന്നെ വലിയ കുഴികളും രൂപപ്പെട്ടിട്ടുണ്ട്.
രാത്രിയിൽ കുഴിയുടെ ആഴം അറിയാതെ വന്നു വീഴുന്ന ബൈക്ക് യാത്രികർ ഒട്ടേറെയാണ്. കഴിഞ്ഞ ദിവസവും ബൈക്ക് യാത്രികൻ അപകടത്തിൽപ്പെട്ടിരുന്നു. ഏറെ നാളുകളായി ചിത്രപ്പുഴ-പോഞ്ഞാശേരി റോഡിലെ അറ്റകുറ്റപ്പണി നീളുകയാണ്. ഇതിനെതിരെ സി.പി.ഐ കുന്നത്തുനാട് നിയോജക മണ്ഡലം കമ്മിറ്റി ജനപ്രതിനിധിയ്ക്കെതിരെ പരസ്യ പ്രസ്ത‌ാവനയും നടത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.