സി.പി.എം സംസ്ഥാന സമ്മേളന സ്വാഗതസംഘത്തിന് വേണ്ടി തയാറാക്കിയ ഡിജിറ്റൽ
വാർത്തപത്രിക സ്വാഗതസംഘം ഓഫിസിൽ പ്രഫ. എം.കെ. സാനു പ്രകാശനം ചെയ്യുന്നു
കൊച്ചി: മാർച്ചിൽ എറണാകുളത്ത് നടക്കുന്ന സി.പി.എം സംസ്ഥാന സമ്മേളന സന്ദേശവുമായി ഡിജിറ്റൽ വാർത്തപത്രിക 'റെഡ്‌ @ കൊച്ചി' പ്രഫ.എം.കെ. സാനു പ്രകാശനം ചെയ്‌തു. സമ്മേളന പ്രചാരണ വാർത്തകൾ, ചിത്രങ്ങൾ, സംസ്ഥാന സമ്മേളനങ്ങളുടെയും പാർട്ടി കോൺഗ്രസുകളുടെയും ചരിത്രം, ചിത്ര ആൽബം തുടങ്ങിയവ ഉൾപ്പെടുത്തിയതാണ്‌ വാർത്താപത്രിക.
കലൂരിൽ സ്വാഗതസംഘം ഓഫിസിൽ നടന്ന ചടങ്ങിൽ ഡോ. സെബാസ്‌റ്റ്യൻപോൾ അധ്യക്ഷനായിരുന്നു.
സി.പി.എം ജില്ല സെക്രട്ടറിയും സ്വാഗതസംഘം ജനറൽ കൺവീനറുമായ സി.എൻ മോഹനൻ സ്വാഗതം പറഞ്ഞു. പാർട്ടി സംസ്ഥാന കമ്മിറ്റി അംഗങ്ങളായ സി. എം. ദിനേശ്‌മണി, എസ്‌ ശർമ, എം. സ്വരാജ്‌, ഡി.വൈ.എഫ്‌.ഐ സംസ്ഥാന പ്രസിഡന്റ്‌ എസ്‌.സതീഷ്‌ , തുടങ്ങിയവർ പങ്കെടുത്തു. www.cpimernakulam.org എന്ന ലിങ്കിലൂടെ വാർത്ത പത്രിക കാണാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.