ദേശീയപാത വികസനം; മൂവാറ്റുപുഴ ടൗൺ ഒഴിവാക്കി

മൂ​വാ​റ്റു​പു​ഴ: കൊ​ച്ചി-​ധ​നു​ഷ്​​കോ​ടി ദേ​ശീ​യ പാ​ത​യി​ലെ മൂ​ന്നാ​ർ മു​ത​ല്‍ കൊ​ച്ചി വ​രെ​യു​ള്ള റോ​ഡ് വി​ക​സ​ന​ത്തി​ൽ മൂ​വാ​റ്റു​പു​ഴ ന​ഗ​ര​സ​ഭ പ്ര​ദേ​ശ​ത്തെ റോ​ഡ് ഭാ​ഗ​ങ്ങ​ളെ ഒ​ഴി​വാ​ക്കി. മൂ​വാ​റ്റു​പു​ഴ ടൗ​ണി​ലൂ​ടെ പോ​കു​ന്ന പാ​ത​യി​ലെ ഈ ​ഭാ​ഗ​ത്തെ ഇ​ടു​ങ്ങി​യ പാ​ല​ങ്ങ​ള്‍ പു​ന​ർ​നി​ർ​മി​ക്കാ​നോ ജ​ങ്ഷ​ൻ വി​ക​സ​നം ഉ​റ​പ്പു​വ​രു​ത്താ​നോ രൂ​പ​രേ​ഖ​യി​ൽ നി​ര്‍ദേ​ശ​ങ്ങ​ളി​ല്ല.

ദേ​ശീ​യ​പാ​ത വി​ക​സി​പ്പി​ക്കാ​ൻ 1208 കോ​ടി രൂ​പ​യാ​ണ് അ​നു​വ​ദി​ച്ച​ത്. നേ​ര്യ​മം​ഗ​ല​ത്ത് പു​തി​യ പാ​ല​ത്തി​നും അ​നു​മ​തി ല​ഭി​ച്ചി​ട്ടു​ണ്ട്. ഈ ​സാ​ഹ​ച​ര്യ​ത്തി​ലാ​ണ് നെ​ഹ്റു പാ​ര്‍ക്ക് മു​ത​ൽ പെ​രു​മ​റ്റം വ​രെ റോ​ഡ് ഭാ​ഗ​ത്ത് സ​മ​ഗ്ര ന​വീ​ക​ര​ണം ഇ​ല്ലാ​ത്ത​ത്. ഇ​വി​ടം ഉ​ള്‍പ്പെ​ടു​ന്ന കി​ഴു​ക്കാ​വി​ൽ, പെ​രു​മ​റ്റം പാ​ല​ങ്ങ​ൾ വീ​തി​കൂ​ട്ടി പു​ന​ർ​നി​ർ​മി​ച്ചാ​ലേ സു​ഗ​മ​മാ​യി വാ​ഹ​ന​ങ്ങ​ള്‍ക്ക് ക​ട​ന്നു​പോ​കാ​നാ​കൂ. കീ​ച്ചേ​രി​പ്പ​ടി ജ​ങ്ഷ​ൻ വി​ക​സ​ന​വും അ​നി​വാ​ര്യ​മാ​ണ്.

വ​ര്‍ഷ​ങ്ങ​ൾ​ക്ക്​ മു​മ്പ് നി​ർ​മി​ച്ച​താ​ണ് ഇ​രു പാ​ല​വും. കി​ഴു​ക്കാ​വി​ൽ തോ​ടി​ന് കു​റു​കെ എ​വ​റ​സ്റ്റ് ജ​ങ്ഷ​നി​ലെ പാ​ല​ത്തി​ന് ക​ലു​ങ്കി​ന്റെ സ്വ​ഭാ​വ​മാ​ണ്. വാ​ണി​ജ്യ കേ​ന്ദ്ര​ത്തി​ലാ​ണ് പാ​ല​മു​ള്ള​ത്. പാ​ലം താ​ഴ്ന്ന നി​ല​യി​ൽ നി​ർ​മി​ച്ച​തി​നാ​ല്‍ വ​ര്‍ഷാ​വ​ര്‍ഷം വെ​ള്ള​പ്പൊ​ക്ക ഭീ​ഷ​ണി​യു​ണ്ട്. പാ​ലം വെ​ള്ള​ത്തി​ന​ടി​യി​ലാ​കു​ന്ന​തോ​ടെ ഇ​തു​വ​ഴി​യു​ള്ള ഗ​താ​ഗ​ത​വും നി​ല​ക്കും. ഇ​ത്ത​രം പ്ര​ശ്ന​ങ്ങ​ള്‍ക്ക് പ​രി​ഹാ​രം കാ​ണ​ണ​മെ​ങ്കി​ൽ പാ​ലം ആ​ധു​നി​ക​രീ​തി​യി​ൽ പു​ന​ർ​നി​ർ​മി​ക്ക​ണം. മൂ​ന്നാ​റി​ലേ​ക്കും ക​മ്പം, തേ​നി അ​ട​ക്ക​മു​ള്ള ത​മി​ഴ്​​നാ​ട് പ്ര​ദേ​ശ​ങ്ങ​ളി​ലേ​ക്കും വാ​ഹ​ന​ങ്ങ​ള്‍ പോ​കു​ന്ന​ത് കീ​ച്ചേ​രി​പ്പ​ടി ജ​ങ്ഷ​നി​ലൂ​ടെ​യാ​ണ്. ഇ​വി​ടം ഒ​ഴി​വാ​ക്കാ​ൻ ബൈ​പാ​സു​ക​ളോ സ​മാ​ന്ത​ര സം​വി​ധാ​ന​ങ്ങ​ളോ ഇ​ല്ല.

ടൗ​ണി​ലെ തി​ര​ക്ക് കു​റ​ക്കാ​ൻ നി​ർ​മി​ച്ച ഇ.​ഇ.​സി മാ​ര്‍ക്ക​റ്റ് റോ​ഡ് സ​ന്ധി​ക്കു​ന്ന​തും കീ​ച്ചേ​രി​പ്പ​ടി ജ​ങ്ഷ​നി​ലാ​ണ്. നി​ര​വ​ധി വ്യാ​പ​ര- വ്യ​വ​സാ​യ സ്ഥാ​പ​ന​ങ്ങ​ൾ ഇ​വി​ടെ പ്ര​വ​ര്‍ത്തി​ച്ചു​വ​രു​ന്നു​ണ്ട്. ന​ഗ​ര​സ​ഭ​യു​ടെ പ​ച്ച​ക്ക​റി-​ഉ​ണ​ക്ക മ​ത്സ്യ മാ​ര്‍ക്ക​റ്റി​ന്റെ ക​വാ​ട​വു​മാ​ണ്. വാ​ഹ​ന ബാ​ഹു​ല്യം നി​മി​ത്തം രൂ​ക്ഷ​മാ​യ ഗ​താ​ഗ​ത​ക്കു​രു​ക്കാ​ണി​വി​ടെ. ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി കീ​ച്ചേ​രി​പ്പ​ടി ജ​ങ്ഷ​നും വി​ക​സി​പ്പി​ക്കേ​ണ്ട​ത് അ​ത്യാ​വ​ശ്യ​മാ​ണ്. ഈ ​ഭാ​ഗ​ത്ത് കൈ​യേ​റ്റ​ങ്ങ​ൾ ഒ​ഴി​വാ​ക്കി ഭൂ​മി വീ​ണ്ടെ​ടു​ത്ത് ജ​ങ്ഷ​ൻ വി​ക​സി​പ്പി​ക്ക​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.

പെ​രു​മ​റ്റ​ത്തെ ഇ​ടു​ങ്ങി​യ​തും കാ​ല​പ്പ​ഴ​ക്ക​വും​ചെ​ന്ന പാ​ല​വും പു​ന​ർ​നി​ർ​മി​ക്ക​ണം. ഏ​താ​നും വ​ർ​ഷം മു​മ്പ് ക​ല്‍ക്കെ​ട്ട് ത​ക​ർ​ന്ന​തി​നെ തു​ട​ർ​ന്ന്​ ദേ​ശീ​യ​പാ​ത അ​തോ​റി​റ്റി അ​ധി​കൃ​ത​ർ പ​രി​ശോ​ധ​ന ന​ട​ത്തി​യി​രു​ന്നു.

പാ​ല​ത്തോ​ട് ചേ​ര്‍ന്ന പാ​ര്‍ശ്വ​ഭി​ത്തി​ക​ള്‍ക്ക് കേ​ടു​പാ​ടു​ക​ളു​ണ്ട്. റോ​ഡ് വി​ക​സ​ന​ത്തി​ന്റെ ഭാ​ഗ​മാ​യി ഈ ​പാ​ല​വും പു​ന​ർ​നി​ർ​മി​ക്കേ​ണ്ട​തു​ണ്ട്.

ഇ​തൊ​ന്നും പ​ദ്ധ​തി​യി​ൽ ഉ​ൾ​പ്പെ​ടു​ത്തി​യി​ട്ടി​ല്ല. ഈ ​ഭാ​ഗം​കൂ​ടി റോ​ഡ് വി​ക​സ​ന​ത്തി​ൽ ഉ​ൾ​പ്പെ​ടു​ത്ത​ണ​മെ​ന്ന്​ ആ​വ​ശ്യ​പ്പെ​ട്ട് ന​ഗ​ര​സ​ഭ ചെ​യ​ർ​മാ​ൻ പി.​പി. എ​ൽ​ദോ​സ് കേ​ന്ദ്ര ന​ഗ​ര​കാ​ര്യ മ​ന്ത്രാ​ല​യ​ത്തി​നും ദേ​ശീ​യ​പാ​ത അ​തോ​റി​റ്റി അ​ധി​കൃ​ത​ർ​ക്കും നി​വേ​ദ​നം ന​ൽ​കി.