കടാതി-കാരക്കുന്നം ബൈപാസ് കല്ലിടൽ ആരംഭിച്ചു​

മൂ​വാ​റ്റു​പു​ഴ: വി​വാ​ദ​ങ്ങ​ൾ​ക്കി​ടെ മൂ​വാ​റ്റു​പു​ഴ ക​ടാ​തി-​കാ​ര​ക്കു​ന്നം ബൈ​പാ​സി​ന്‍റെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്ക​മാ​യി. റോ​ഡി​നാ​യി നി​ശ്ച​യി​ച്ച പു​തി​യ അ​ലൈ​ൻ​മെ​ന്റി​ൽ അ​തി​ർ​ത്തി നി​ശ്ച​യി​ച്ച് ക​ല്ലി​ടു​ന്ന ജോ​ലി​ക​ൾ​ക്കാ​ണ്​ വ്യാ​ഴാ​ഴ്ച രാ​വി​ലെ തു​ട​ക്ക​മാ​യ​ത്. ക​ല്ലി​ട്ടു തി​രി​ക്കു​ന്ന ജോ​ലി​ക​ൾ അ​തി​വേ​ഗ​മാ​ണ് പൂ​ർ​ത്തി​യാ​കു​ന്ന​ത്. മാ​ർ​ച്ചി​ൽ റോ​ഡ് നി​ർ​മാ​ണം ആ​രം​ഭി​ക്കാ​നാ​ണ്​ തീ​രു​മാ​നം.

ഒ​രു​വ​ർ​ഷ​ത്തി​നു​ള്ളി​ൽ നി​ർ​മാ​ണം പൂ​ർ​ത്തി​യാ​ക്കി റോ​ഡ് തു​റ​ന്നു​ന​ൽ​കും. മൂ​ന്നു പ​തി​റ്റാ​ണ്ടി​ന്‍റെ കാ​ത്തി​രി​പ്പി​നൊ​ടു​വി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്കം കു​റി​ച്ചി​രി​ക്കെ ഒ​രു​വി​ഭാ​ഗം പ്ര​തി​ഷേ​ധ​വു​മാ​യി രം​ഗ​ത്തു​ണ്ട്. 30 വ​ർ​ഷം മു​മ്പു​ള്ള അ​ലൈ​ൻ​മെ​ന്‍റ്​ അ​നു​സ​രി​ച്ച് റോ​ഡ് നി​ർ​മി​ക്ക​ണ​മെ​ന്ന്​ ആ​വ​ശ്യ​പ്പെ​ട്ടാ​ണ് ഇ​വ​ർ രം​ഗ​ത്തി​റ​ങ്ങി​യ​ത്. ബൈ​പാ​സ് റോ​ഡി​നാ​യി നി​ശ്ച‌​യി​ച്ച പ​ഴ​യ അ​ലൈ​ൻ​മെ​ന്റും പു​തി​യ അ​ലൈ​ൻ​മെ​ന്റും സം​യോ​ജി​പ്പി​ച്ചാ​ണു പു​തി​യ അ​നു​മ​തി ന​ൽ​കി​യി​രി​ക്കു​ന്ന​ത്.

എ​ന്നാ​ൽ, ചി​ല വ്യ​ക്തി​ക​ളെ​യും സ്ഥാ​പ​ന​ങ്ങ​ളെ​യും സ​ഹാ​യി​ക്കാ​ൻ പ​ഴ​യ അ​ലൈ​ൻ​മെ​ന്‍റി​ൽ മാ​റ്റം​വ​രു​ത്തി​യെ​ന്നാ​ണ് ആ​രോ​പ​ണം. 1995ൽ ​പ്ര​ഖ്യാ​പി​ച്ച ക​ടാ​തി-​കാ​ര​ക്കു​ന്നം ബൈ​പാ​സ് റോ​ഡി​ന്​ അ​ന്ന് അ​ലൈ​ൻ​മെ​ന്‍റ്​ ത​യാ​റാ​ക്കി ക​ല്ലി​ട്ടെ​ങ്കി​ലും തു​ട​ർ ന​ട​പ​ടി ഉ​ണ്ടാ​യി​രു​ന്നി​ല്ല. ഒ​ടു​വി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ളു​ടെ പ​കു​തി തു​ക സം​സ്ഥാ​ന സ​ർ​ക്കാ​ർ വ​ഹി​ക്ക​ണ​മെ​ന്ന നി​ർ​ദേ​ശ​ത്തി​ൽ ത​ട്ടി നി​ന്ന പ​ദ്ധ​തി ഡീ​ൻ കു​ര്യാ​ക്കോ​സ് എം.​പി​യു​ടെ തു​ട​ർ​ച്ച​യാ​യ ഇ​ട​പെ​ട​ലി​നെ തു​ട​ർ​ന്ന് റോ​ഡി​നു വേ​ണ്ടി​യു​ള്ള തു​ക പൂ​ർ​ണ​മാ​യും കേ​ന്ദ്ര സ​ർ​ക്കാ​ർ ചെ​ല​വ​ഴി​ക്കാ​ൻ ത​യാ​റാ​യ​തോ​ടെ​യാ​ണ് വീ​ണ്ടും ജീ​വ​ൻ വെ​ച്ച​ത്. 760 കോ​ടി രൂ​പ​യാ​ണ് അ​നു​വ​ദി​ച്ച​ത്.

അ​ലൈ​ൻ​മെ​ന്റി​ൽ മാ​റ്റം വ​രു​ത്തി​യ​തോ​ടെ കൂ​ടു​ത​ൽ പാ​ട​ശേ​ഖ​ര​ങ്ങ​ളും ത​ണ്ണീ​ർ​ത്ത​ട​ങ്ങ​ളും നി​ക​ത്തേ​ണ്ടി വ​രു​മെ​ന്നും കു​ന്നു​ക​ൾ ഇ​ടി​ച്ചു​നി​ര​ത്തേ​ണ്ടി വ​രു​മെ​ന്നും നാ​ട്ടു​കാ​ർ വാ​ദി​ക്കു​ന്നു. എ​ന്നാ​ൽ, പു​തി​യ അ​ലൈ​ൻ​മെ​ന്‍റി​ൽ കൂ​ടു​ത​ൽ വീ​ടു​ക​ളും മ​റ്റും ന​ഷ്ട​പ്പെ​ടു​ന്നി​ല്ല.