പിണർമുണ്ട പാടശേഖത്തിൽ മാലിന്യം തള്ളുന്നതായി പരാതി

പ​ള്ളി​ക്ക​ര: കു​ന്ന​ത്തു​നാ​ട് പ​ഞ്ചാ​യ​ത്ത് പ​തി​ന​ഞ്ചാം വാ​ർ​ഡ് പി​ണ​ർ​മു​ണ്ട സൂ​ര്യ​നെ​ല്ലി മു​രി​യ​ങ്ക​ര പാ​ട​ശേ​ഖ​ര​ത്തി​ന് സ​മീ​പം ആ​ശു​പ​ത്രി മാ​ലി​ന്യം ഉ​ൾ​പ്പെ​ടെ​യു​ള്ളവ വ​ൻ തോ​തി​ൽ ത​ള്ളു​ന്ന​താ​യി പ​രാ​തി. പ്ലാ​സ്റ്റി​ക് മാ​ലി​ന്യ​ങ്ങ​ളും ശു​ചി​മു​റി മാ​ലി​ന്യം ഉ​ൾ​പ്പെ​ടെ​യു​ള്ള​വ​യും ത​ള്ളു​ന്ന​തി​നാ​ൽ ദു​ർ​ഗ​ന്ധ​വും രൂ​ക്ഷ​മാ​ണ്. പ്ര​ദേ​ശ​വാ​സി​ക​ൾ ഒ​ട്ടേ​റെ പ്രാ​വ​ശ്യം പ​രാ​തി ന​ൽ​കി​യെ​ങ്കി​ലും ന​ട​പ​ടി സ്വീ​ക​രി​ക്കാൻ പൊ​ലീ​സ്, പ​ഞ്ചാ​യ​ത്ത് അ​ധി​കൃ​ത​ർ ത​യാ​റാ​യി​ട്ടി​ല്ല.

ക​ട​മ്പ്ര​യാ​റി​നോ​ട് ചേ​ർ​ന്ന പാ​ട​ശേ​ഖ​ര​മാ​യ​തി​നാ​ൽ മാ​ലി​ന്യം വെ​ള്ള​ത്തി​ലേ​ക്ക് ക​ല​രാനും സാ​ധ്യ​ത ഏ​റെ​യാ​ണ്. ആ​ശു​പ​ത്രി മാ​ലി​ന്യ​ങ്ങ​ളി​ൽ​നി​ന്ന് രോ​ഗ​ബാ​ധ ഉ​ൾ​പ്പെ​ടെ പേ​ടി​ച്ചാ​ണ് നാ​ട്ടു​കാ​ർ ക​ഴി​യു​ന്ന​ത്.

ബ്ര​ഹ്മ​പു​ര​ത്തേ​ക്ക് എ​ത്തി​ക്കു​ന്ന മാ​ലി​ന്യ​ങ്ങ​ളാ​ണ് ഇ​തി​ന് സ​മീ​പ​മു​ള്ള പാ​ട​ശേ​ഖ​ര​ത്തി​ലേ​ക്ക് ത​ള്ളു​ന്ന​തെ​ന്നാ​ണ് നാ​ട്ടു​കാ​രു​ടെ പ​രാ​തി, ഇ​ത്ത​ര​ത്തി​ൽ പാ​ടം നി​ക​ത്ത​ലാ​ണ് സ്ഥ​ലം ഉ​ട​മ​യു​ടെ ല​ക്ഷ്യ​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. മാ​ലി​ന്യ​ത്തി​ന് മീ​തെ ഇ​ട​ക്കി​ടെ മ​ണ്ണി​ട്ട് മൂ​ടു​ന്ന​തും പ​തി​വാ​ണ്.

ഇ​തോ​ടെ പാ​ട​വും നി​ക​ത്തു​ന്ന​താ​ണ് മാ​ഫി​യ​ക്കാ​രു​ടെ രീ​തി. മാ​ലി​ന്യം ത​ള്ളി​യ വാ​ഹ​ന​ങ്ങ​ൾ പൊ​ലീ​സ് പി​ടി​ച്ചെ​ടു​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. മ​ഴ പെ​യ്യു​മ്പോ​ൾ മാ​ലി​ന്യ​ങ്ങ​ളെ​ല്ലാം സ​മീ​പ​ത്തെ കി​ണ​റു​ക​ളി​ൽ ഒ​ലി​ച്ചി​റ​ങ്ങി പ​ക​ർ​ച്ച വ്യാ​ധി​ക​ളും പി​ടി​പെ​ടാ​നു​ള്ള സാ​ധ്യ​ത​യും ഏ​റെ​യാ​ണ്.