മംഗലപ്പുഴ പാലത്തിന് സമീപം ദേശീയപാതയിലേക്ക്​ മരങ്ങൾ കടപുഴകി; വൻ അപകടം ഒഴിവായി

ചെ​ങ്ങ​മ​നാ​ട്: ദേ​ശീ​യ​പാ​ത​യി​ൽ ദേ​ശം മം​ഗ​ല​പ്പു​ഴ പാ​ല​ത്തി​ന് സ​മീ​പം റോ​ഡി​ൽ വ​ൻ മ​ര​ങ്ങ​ൾ ക​ട​പു​ഴ​കി വീ​ണു. ആ​ള​പാ​യ​മി​ല്ല. വാ​ഹ​ന​ങ്ങ​ൾ പാ​ല​ത്തി​ലൂ​ടെ നി​റ​ഞ്ഞൊ​ഴു​കി വ​രു​ന്ന റോ​ഡി​ലാ​ണ് അ​പ​ക​ട​മു​ണ്ടാ​യ​ത്. അ​പ​ക​ട സ​മ​യ​ത്ത് റോ​ഡി​ൽ കാ​റും, ഓ​ട്ടോ​യും, ബൈ​ക്കു​ക​ള​ട​ക്കം ക​ട​ന്ന് പോ​കു​ന്നു​ണ്ടാ​യി​രു​ന്നു. നി​ലം പൊ​ത്തി​യ മ​ര​ത്തി​ന്‍റെ ശി​ഖ​ര​ങ്ങ​ൾ ബൈ​ക്കി​ൽ ത​ട്ടി​യെ​ങ്കി​ലും യാ​ത്രി​ക​ൻ ത​ല​നാ​രി​ഴ​ക്ക് ര​ക്ഷ​പ്പെ​ട്ടു.

തി​ങ്ക​ളാ​ഴ്ച വൈ​കീ​ട്ട് മൂ​ന്നി​ന് ആ​ഞ്ഞ​ടി​ച്ച കാ​റ്റി​ലാ​ണ് മം​ഗ​ല​പ്പു​ഴ പാ​ല​ത്തി​ൽ നി​ന്ന് ചെ​ങ്ങ​മ​നാ​ട് റോ​ഡി​ലേ​ക്ക് പ്ര​വേ​ശി​ക്കു​ന്ന ദേ​ശീ​യ​പാ​ത അ​രി​കി​ലെ ര​ണ്ട് വ​ൻ വാ​ക​മ​ര​ങ്ങ​ൾ 66 കെ.​വി വൈ​ദ്യു​തി ലൈ​നു​ക​ൾ അ​ട​ക്കം ത​ക​ർ​ത്ത് റോ​ഡി​ന് കു​റു​കെ വീ​ണ​ത്. മ​ര​ങ്ങ​ൾ ക​ട​പു​ഴ​കി​യ​തോ​ടെ ത​ല​ക്കൊ​ള്ളി റോ​ഡി​ന്‍റെ കി​ഴ​ക്കു​ഭാ​ഗ​വും, കൈ​വ​രി​യും ത​ക​ർ​ന്നു. അ​പ​ക​ടം സം​ഭ​വി​ച്ച് നി​മി​ഷ​ങ്ങ​ൾ​ക്ക​കം ആ​ലു​വ​യി​ൽ നി​ന്ന് ദേ​ശം ഭാ​ഗ​ത്തേ​ക്ക് വ​രു​ന്ന വാ​ഹ​ന​ങ്ങ​ൾ ഗ​താ​ഗ​ത​ക്കു​രു​ക്കി​ൽ​പ്പെ​ട്ടു.

ചെ​റി​യ വാ​ഹ​ന​ങ്ങ​ൾ ത​ല​ക്കൊ​ള്ളി റോ​ഡി​ൽ ക​യ​റി ചെ​റി​യ സ​മാ​ന്ത​ര റോ​ഡി​ലൂ​ടെ പോ​യ​ങ്കി​ലും ബ​സു​ക​ൾ, ച​ര​ക്ക് ലോ​റി​ക​ൾ അ​ട​ക്കം വ​ലി​യ വാ​ഹ​ന​ങ്ങ​ൾ മ​ണി​ക്കൂ​റോ​ളം ഗ​താ​ഗ​ത​ക്കു​രു​ക്കി​ൽ​പ്പെ​ട്ടു. പി​ന്നീ​ട് പൊ​ലീ​സെ​ത്തി സെ​മി​നാ​രി​പ്പ​ടി റോ​ഡി​ലൂ​ടെ വ​ൺ​വേ സം​വി​ധാ​ന​ത്തി​ൽ തി​രി​ച്ചു​വി​ടു​ക​യാ​യി​രു​ന്നു. സം​ഭ​വ​മ​റി​ഞ്ഞ് ആ​ലു​വ​യി​ലെ​യും, അ​ങ്ക​മാ​ലി​യി​ലെ​യും അ​ഗ്നി​ര​ക്ഷ സേ​നാം​ഗ​ങ്ങ​ളെ​ത്തി യു​ദ്ധ​കാ​ല​ടി​സ്ഥാ​ന​ത്തി​ലാ​ണ് റോ​ഡി​ലെ മ​ര​ങ്ങ​ൾ മു​റി​ച്ചു നീ​ക്കി​യ​ത്.

66 കെ.​വി ലൈ​നി​ലേ​ക്ക് മ​ര​ങ്ങ​ൾ വീ​ണ് അ​ത്താ​ണി സെ​ക്ഷ​നി​ലെ വൈ​ദ്യു​തി ലൈ​നു​ക​ളും പോ​സ്റ്റു​ക​ളും നി​ലം​പൊ​ത്തി. അ​തോ​ടെ മം​ഗ​ല​പ്പു​ഴ ഭാ​ഗ​ത്തെ വൈ​ദ്യു​തി ബ​ന്ധ​വും നി​ല​ച്ചു. കെ.​എ​സ്.​ഇ.​ബി അ​ധി​കൃ​ത​രെ​ത്തി അ​റ്റ​കു​റ്റ​പ്പ​ണി പൂ​ർ​ത്തി​യാ​ക്കി മ​ണി​ക്കൂ​റു​ക​ൾ​ക്ക​കം വൈ​ദ്യു​തി ബ​ന്ധ​വും പു​നഃ​സ്ഥാ​പി​ച്ചു. ദേ​ശീ​യ​പാ​ത​യോ​ര​ത്ത് പ​ല​യി​ട​ത്തും അ​പ​ക​ട ഭീ​ഷ​ണി​യു​യ​ർ​ത്തു​ന്ന മ​ര​ങ്ങ​ളു​ള്ള​താ​യും അ​വ മു​റി​ച്ച് മാ​റ്റ​ണ​മെ​ന്ന് വ​നം വ​കു​പ്പ് അ​ധി​കൃ​ത​രോ​ട​ട​ക്കം ആ​വ​ശ്യ​പ്പെ​ട്ടി​ട്ടും ഗൗ​നി​ക്കാ​തി​രു​ന്ന​തു​മാ​ണ് അ​പ​ക​ട​ത്തി​നി​ട​യാ​ക്കി​യ​തെ​ന്നാ​ണ് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്ന​ത്.