മരട്: മരട് തുരുത്തി ടെമ്പിള്‍ റോഡില്‍ വീടിന് തീപിടിച്ച് നാശനഷ്ടം. ഒരാള്‍ക്ക് പൊള്ളലേറ്റു. കുന്നലക്കാട്ട് ആൻറണിയുടെ വീടിനാണ് ബുധനാഴ്ച പുലര്‍ച്ച രണ്ടോടെ തീപിടിച്ചത്. സംഭവ സമയം ആൻറണി, ഭാര്യ ജെസി, മകള്‍ അലീന എന്നിവരാണ് വീട്ടിലുണ്ടായിരുന്നത്. ഷോര്‍ട്ട് സര്‍ക്യൂട്ടാണ് കാരണമെന്ന് സംശയിക്കുന്നു. രണ്ട് ലക്ഷം രൂപയുടെ നഷ്ടം കണക്കാക്കുന്നു. ആൻറണിയുടെ മുഖത്തിന് പൊള്ളലേറ്റതിനെത്തുടര്‍ന്ന് ആദ്യം തൃപ്പൂണിത്തുറ താലൂക്ക് ആശുപത്രിയിലെത്തിച്ചു. പിന്നീട് ജനറല്‍ ആശുപത്രിയിലേക്ക് മാറ്റി. തീപിടിത്തം കണ്ട് ഓടിയെത്തിയ സമീപവാസിക്ക് ശ്വാസതടസ്സമുണ്ടായതിനെത്തുടര്‍ന്ന് കുഴഞ്ഞുവീണു. ഉടൻ ആശുപത്രിയിലെത്തിച്ചു .
തൃപ്പൂണിത്തുറ അഗ്നിരക്ഷാേസന യൂനിറ്റില്‍നിന്ന് എത്തിയ സംഘമാണ് തീ അണച്ചത്. വീടിെൻറ ഹാളിലാണ് തീപിടിത്തമുണ്ടായത്. അടുക്കളയിലേക്കും തീ വ്യാപിച്ചെങ്കിലും ഉടൻ അണക്കാനായത് വന്‍ അപകടം ഒഴിവാക്കി. സെറ്റി, ടി.വി, ഫ്രിഡ്ജ് തുടങ്ങി മറ്റ് ഇലക്ട്രിക് ഉപകരണങ്ങളും കത്തിനശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.